أضف سؤال أو موضوع جديد          

بيع السيارة بسبب السفر او البعثة صحيح او لا

up 7 down 4
albroker99 742
قبل 6 سنه و 7 شهر



السلام عليكم ورحمة الله وبركاته


اتصفح موقع حراج بشكل يومي 

ولاحظت السنة الماضية كثير سيارات تم تحديد ان سبب البيع هو السفر / البعثة

لكن اللي يجهله الكثير ان المبتعثين يطلعوا بشهر 1 ميلادي 
يعني حاليا مافيه شي او بعثات و حتى الضيف بس تقديم للبعثة

ولا اللي يقلك بسبب بعثة و اقبل بالبدل !!! وتراها فعلا موجودة

بغض النظر ترا عادي الواحد يبيع سيارته بعد 5 سنوات والناس تطفش من سياراتها بعد 5 سنوات غالبا و تحب تغير فماهو عيب لو ذكرت السبب الحقيقي

بالنسبة لي ماسال عن سبب البيع لكن بعض المعلنين هو يكتب ذا الشي بالاعلان و سبب البيع مهو شرط تعرفه يعني سبب شخصي او غيره







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياخي خذ الناس على حسن نيه وبلاش ندخل في النوايا انت لك سياره تفحصها وتتفقون ع السعر أما سبب البيع اشوفه لقافه 


up 4 down 7
سيزو 420
قبل 6 سنه و 7 شهر



بخصوص نقطة بسبب ابتعاث واقبل البدل هذي حصلت لي مرة قالي بموقع حراج واحد تقبل بالبدل بكابرس ls وأرجوا الرد السفر لآني مرتبط بابتعاث ؟؟ مدري كيف طريقة تفكيره !! 


up 4 down 0
fahad11-11 160
قبل 6 سنه و 7 شهر





انا اشوف ان سؤال مالك السيارة عن سبب البيع يعتبر تطفل 

انت كمشتري يحقلك الفحص فقط


up 7 down 2
prestigious 256
قبل 6 سنه و 7 شهر



كلامكم سليم ولا دخلت بالنوايا بالعكس شخصيا اشتري بدون ما اسال فقط على كلام الرجال اللي قدامي مع انو ذا الشي سبب لي خساير لكن الله يعوض


up 3 down 0
albroker99 742
قبل 6 سنه و 7 شهر



يقصد المعلن الي يكتب سبب البيع السفر او البعثة وهو ما احد سئله اصلا

لاكن البائع يكذب ويروج لسلعته بالكذب واليمين


الاسؤء من كذا انه يستهبل ويستغفلك


up 2 down 0
Abu-Nawaf 338
قبل 6 سنه و 7 شهر



بخصوص الابتعاث
في كثير يدرسون على حسابهم الخاص ومو شرط بالصيف يقدرون يسجلون بأي وقت




up 2 down 1
mtrmtr 376
قبل 6 سنه و 7 شهر



فيه واحد حاط أعلان بيع عاجل بسبب الدراسة للخارج 

صار لها أكثر من أربع أشهر ولا سافر وباقي يرد على الاعضاء 

الحمدلله والشكر 

يازين البيعه بذمه وضمير ترتاح وفلوسك فيها بركه 

مشكور اخوي ع الموضوع 


up 7 down 0
وعلى نياتكم ترزقون 311
قبل 6 سنه و 7 شهر



صحيح صارت موضه هاذي كل من عرض سيارته قالك بعثه 
طيب مافيها شي لو قلت ببيع سيارتي بسبب التغيير عادي والله يعني لو قلت ببيعها عشان بعثه باخذها على عماي بدون ما افحصها :) 



up 2 down 0
ryan702 465
قبل 6 سنه و 7 شهر



احيانا صحيح

اخوي كان ببيع سيارته ويسافر بفلوسها يدرس ..

السيارة ماآ انباعت بسعر المطلوب وجلس بالبيت ما سافر ههههه

لكن اللي بحراج بعضهم يكذب وبعضهم صادق

وملاحظ السبب دايما يكون لوجود سياره اخرى او للسفر




up 2 down 1
بسدك 1367
قبل 6 سنه و 7 شهر



ولاتنسى بعض الإعلانات يقول في بداية الإعلان مخزن وكالة أستخدام  شايب استبنة  بلاده موجودة


up 5 down 1
ابو زهور2013 487
قبل 6 سنه و 7 شهر



ولاتنسى بعض الإعلانات يقول في بداية الإعلان مخزن وكالة أستخدام  شايب استبنة  بلاده موجودة


up 0 down 0
ابو زهور2013 487
قبل 6 سنه و 7 شهر



اخي سافر ثلاث سنوات ورجع ماباع سيارته بالعكس دخلها الحوش وحط عليها شراع 
ويقولي شغلها كل يومين والحين رجع وسيارته مامشت ٦٠ الف وهي ٢٠٠٧ 


up 2 down 1
نادرالزهراني 432
قبل 6 سنه و 7 شهر



ولا يقولك بودي بلد رفرف يمين رش كبوت تنده شنطه باب يسار سمكره رش خارجي ههههههههه وش بقي بالبودي ماجاه رش وبالاعلان كاتب بدي بلد


up 1 down 0
ابو راكان 2002 280
قبل 6 سنه و 7 شهر



للأسف حيله جديده وتدخل في النية اذا ذكرها صاحب السياره كأسلوب ترويج اذا كانت ناشبه بحلقه بسبب خراب معين او عيب في الاستخدام
اغلب السيارات اللي كذا تلقاها جديده وطفش منها راعيها بسبب طريقة استخدامها او انها سيارة تخصص خرابات ويبي يفتك منها

الطريقة السابقه 
تلقى النصاب يعطي السياره عامل ويحطها بأسمه او يفوضه عليها ويجيك العامل يتشكى انه بيسافر او مخرج نهائي عاد اذا صدقته اعرف انك اكلت خابور محترم 
مثل ماحصل مع واحد من الشباب انصب عليه بنفس الطريقة وطلعت السياره تالفه حسب تقريرها لكن الرجال صبر وعرضها 4 شهور لين باعها 


up 1 down 0
ابو راكان تبوك 956
قبل 6 سنه و 7 شهر



اذكر شريطي خسيس كان هنا

نصاب لكن غبييييي

عارض مليار سيارة وكل سيارة سبب البيع " انقبلت بالبعثه ولله الحمد "

نصاب وغبي كيف تجي ههههههههه


up 0 down 2
YASSER505 4173
قبل 6 سنه و 7 شهر



لا احد يقول لي يمكن سياراته
عارض جمس قديم
وعارض لاندكروزر قديم وفورد وكورلا ومدري ايش حوالي 11 سيارة كلها بنهاية الاعلان بعثه هههههه


up 0 down 1
YASSER505 4173
قبل 6 سنه و 7 شهر



والله أنا أسئل عن قير مكينه شاصي والداخليه نظيفة ولا لا

ولا فكرت أسئل أحد وش سبب البيع أنا وش دخلني علشان أسئله هالسؤال الغبي

ومن نايحة للبيع لدواعي السفر

ياخي حتى قد حصلت غير السيارات أجهزة كهربائيه حتى يقولون كذا

للبيع مكيف لدواعي السفر وقد حصلت للبيع كناري لدواعي السفر

يعني ميزه من ميزات السلعه انك بتسافر

بس فهمت قصدهم انه لو ما بيسافر ماكان بيبيع


up 2 down 0
ألو مرحبا 1893
قبل 6 سنه و 7 شهر



لايوجد فائده من هذا الموضوع
طيب حتى لو ماقال لك انها بعثه 
راح يجيب لك عذر ثاني



up 1 down 2
نفر كويس ميه ميه 246
قبل 6 سنه و 7 شهر