زيت تنظيف المكينه

زيت المكينة ماعندي اي تجربه فيه ,,

زيت المكينة وش اللي ركبته عندهم بالضبط ؟

الفلبيني ياخذوا عمولة على كل زيت غسيل ويطلعوا لك الزيت يقلك شوف فيه سواد !
شي طبيعي الزيت يكون فيه سواد لانه وظيقته يشيل الرواسب 
حتى لو غيرته و رحت فرع ثاني بعد اسبوع بيقلك الزيت تعبان لازم تنظيف 
الشغلة دفع فلوس على الفاضي لان زيت الغسيل يستخدم اذا عندك مشكلة تفتة او كربون و المكينة على وشك تودع ممكن يساعد اما اذا المكينة سليمة ما تحتاج و يمديك تتتاكد من دليل الصيانة باي سيارة ما بتحصل زيت غسيل مكينة مدرج بقائمة الصيانة

هذا نظام فلبيينين بترومين ، يجيك يفتح الكبوت ويطلع لك فلتر الهواء ويقول هذا مافيه كويس ، وانت مركبه لك اسلوع !
او غسيل المكينه ب الزيت او اي خدمه وانت بالاساس ماتحتاجها ،،،
من ناحية غيار الزيت انا امشي عليه ٥ الالاف واحياناً اوصل ٦ الالاف واغير ،

اسلوع = اسبوع

اكتب من الايباد ؛( 

مايضر ابدا اذا سيارتك نظيفه واحسن تسوي غسيل كل 100 الف

احذر من زيت الغسيل انتبه تراه يسبب انسداد للصفاية او شخال طرمبة الزيت
وتنسد ولا ترفع زيت وتخبط المكينه ياماسواها واحد اعرفه على جيب برادو
مديل تسعينات واخذ معاه حول7 شهور وخبطت 

ومره ثانيه سواها فددسن 99 واخذت 4 شهور وصارت المكينه تنقص زيت كل 

1000 كيلو علبه الين غيرها من التشليح ان سملت المكينه من التخبيط

فهذا من حظك طيب وانتبه لا تكررها

اتحدى احد يقول زيت الغسيل له فايده والله مامنه فايده ابداا

ماغير يجمع الاوساخ وتنسد الصفايه مع الطرمبه ومواسيرها

اهلين اخوي
-(زيت تنظيف المكينه ماله فايده ويخرب المكينه ويعدملك الصفايه وطرمبه الزيت وممكن يأدي الي تخبيط لا سمح الله)
-(وافضل طريقه لتنظيف المكينه انك تغير الزيت على مرتين كل (1000) كيلو متر مع السيفون)
والله يعطيك العافيه وشكرااا لك

غلطان يحط زيت التنظيف ويشغل السيارة!!
يعبيه والسيارة طافيه وبعدين يفك الصرة كأنها تغييرة زيت

مافي اي مشكله عزيزي 
ارقد وامن انا مغسل المكينه حول 3 مرات وللحين المكينه بكامل كفاءتها 
وخل عنك ربع " يقولون " و " سمعنا " 

اقولك كلامي هذا من خلال تجربة 

تحياتي 

زيت غسيل المكينة ضروري كل 100 الف كم وله ضوابط
1/ لازم تكون السيارة ساخنة 
2/ ما تزيد سرعة المكينة عن 1000RPM
3/ بعد صرف زيت الغسيل غير الفلتر وصب الزيت الجديد واستعمله 1000كم وبعدها غيره مع الفلتر عشان يشيل باقي الرواسب
تصبح المكينة نظيفة وترجع تغير الزيت في الفترات المحددة ولا راح يجي المكينة شي بإذن الله

طيب ي شباب عندي غطاء المكينه فيه شوية مويه يعني شكله صار زي اللبن غطاء المكينه وش الحل؟

سلام عليكم 
عندي جيب شاص ٨٥ ويقلب الزيت وينقص بعد ٢٠٠٠كيلو متر علبتين وجيت المكنيكي وقال اغسل المكينه قلت يضرها قال لا ورحت اكثر من مكنيكي وقالوا مايضرها 
وبعدين السياره ماتدخن 
وابغي فزعتكم في الرد على هذا الموضوع

كل السيارات اللي شريناها لاغسلنا مكينه ولا شي وتمشي ٤٠٠ الف كلم ونبيعها مافيها الا العافيه كلها دعايات لسرقتك مافي جيبك 

بالنسبه لي غسلت مكينة موتري هايلوكس 2010 كانت تقلب الزيت واحسها دايم ثقيله في المشي وتنقص بعد فتره وبعد غسلة المكينه الحمدالله اختفت كل المشاكل اللي ذكرتها.  

انا عندي سوناتا ٢٠١٦ خبطت المكينة بعد ثلاث شهور من حطيت زيت غسيل المكينة وحسبي الله ونعم الوكيل ، ما انصح احد فيه.

انا عندي سوناتا ٢٠١٦ خبطت المكينة بعد ثلاث شهور من حطيت زيت غسيل المكينة وحسبي الله ونعم الوكيل ، ما انصح احد فيه.

مكينة السوناتا فيها عيب مصنعي من ٢٠١١ إلى ٢٠١٦
إذا مشيت فيها أكثر من ١٦٠ ألف ينعدم فيها طرمبة الزيت

عندي كامري ٢٠١١ كان عندي لمبة الزيت تولع وتطفي وكان في صوت في المكينة أول ما أشغل السيارة وبعد ما حطيت زيت غسيل المكينة
الحمد لله راح صوت المكينة وراحت علامة الزيت اللي في الطبلون
والحمد لله على كل حال