أضف سؤال أو موضوع جديد          

تغيير اللوحات من الطويلة للصغيرة ؟

up 1 down 1
elantra 6639 482
قبل 7 سنه و 3 شهر



السلام عليكم ورحمة الله وبركاته 

صباح الخير جميعا

اخواني حاب ابدل لوحة السيارة من الطويلة الموجودة حالياً الى الصغيرة 

الطويلة ما هضمت شكلها اطلاقاً ويليق على السيارة ذات اللون الغامق لكن الفاتح اشوف اللوحة القصيرة افضل

السؤال:

هل يستبدلها المرور بدون رسوم ؟

اقدر ابدلها عادي او لازم اعلان وما شابهه ...

افيدوني بالاجراءات لو تكرمتم وشاكر لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عايدي ياخوي تستبدلها بدون اعلان ولا شي ماضاعت هي عشان تعلن لكن الرسوم فيك فيك بتدفع وانا اشير عليك تروح مكتب خدمات عامة وتعطيه صورة من الاستمارة يومين وتجي تبدل اللوحات عنده تسلمه الطويلة وتاخذ القصيرة ب 200 ريال للوحتين او حتى لوحة وحدة ولا انك تنتظر 10 ايام وبهذلت المرور وكل الدعوة فرق 100 اشتر فيها راحتك ... تقبل مروري


up 1 down 3
a.ibrahem 3167
قبل 7 سنه و 3 شهر



^^^ تراها 5 دقايق تروح بنفسك وتوفر 100 بجيبك مو 10 والا 20 ريال عشان تستسهلها الموضوع بسيط جدا وماهو معقد عشان مكتب وخساير
ع العموم تستبدل بدون اعلان ، بس رسوم فقط 50 ريال للوحة الوحدة يعني 100 ريال + صورة الاستمارة + الفحص الدوري + احتمال يطلبو التأمين


up 3 down 1
aziz..747.. 2421
قبل 7 سنه و 3 شهر



100 ريال صارت ولاشي عند بعض الناس :(
ويقولون الراتب لايكفي الحاجة بعد

اخوي صاحب الموضوع ترى الموضوع سهل ادفع رسوم (100ريال) وروح المرور بالاستمارة وعب النموذج وبيعطونك ورقة ويقولون راجعنا بعد اسبوع .. راجعهم بعد اسبوع ومعك لوحاتك القديمة وعلى طول بيعطونك الجديد وصلى الله وبارك بلا مكتب خدمات عامة بلا خرابيط


up 1 down 2
fahd222 104
قبل 7 سنه و 3 شهر



الاخ فهد كفى ووفى

انا ماغير لوحات من حول شهرين سلفتها بسيطه استماره وعب الطلب ورسوم 100
وبعد خمس ايام تعطيهم اللوحات القديمه ويعطوك الجديده وكل الي تجلسه بالمرور 5 دقايق
وهذ للوحات الطويله

اما القصيره اتوقع اسرع من كذا


up 1 down 0
sc_est 717
قبل 7 سنه و 3 شهر



الكلام مهب عجز لكن ياحبيبي انا وش ناقصني اروح اطامر في المرور وزحمة ويحكون موتري عشان 100 ريال واخرتها 10 ايام بتقعد عندهم مكتب خدمات عامة يومين وانت مستلمها وانا لما قلت له رح للمكتب خدمات عامة مقصدي عشان الوقت مهب عشان 100 ريال وبعدين ماله داعي يعني الديسلايك ماقلت شي غلط انا اتمنى وصلت المعلومة


up 4 down 1
a.ibrahem 3167
قبل 7 سنه و 3 شهر



احمد ليش اخذتها بزعل الديس لايك من واحد اكتفى به ك رد
ان شاء الله تسهلت امور سيارتك ، لان الي يراجعوا بانفسهم ناس مثلك . ولا تضررت سياراتهم وانت اصلا عايش بزحمة 
عوافي والله يعينك تخلصها وترجع متفائل وتستمر معنا بالزحمة الي انت وحنا عايش بوسطها
الفرق ان البعض عنده وقت وعنده صبر وعنده يخلص حاجته بيده

والصرف بذكاء والضرورة لمثل المكاتب الله يوسع عليهم اكثر واكثر ،، المعاملات تختلف اوضاعها واسعار تخليصها
اما اللوحات والتأخير استلامها مايضر السيارة بحركتها ..الامر خصوصا اذا معك صديق بالسيارة عشان ماتطفيها
تسلم الاوراق بالاستقبال وتخرج ويشكرك العسكري ٠-
مقدر كلا له ضروف بوقت الدوامات و وجة نظر ...وماقلته انت انا شخصيا ما اختلف معك ...الا ان السرعة والبساطة في
الشغلة توجد لها ولغيرها مراجعين بالمرور واي دائرة 



up 2 down 1
aziz..747.. 2421
قبل 7 سنه و 3 شهر



انا لما اقترحت عليه موضوع المكتب برضوه ذكرت له انه يقدر يخلصها من المرور لكن مدحت له المكتب من باب شغلتين انها اسرع وقت اذا كان مستعجل على اللوحات ومنها ممكن الرجال ماعنده وقت يطلع للمرور انا يامكلمك اداوم من 7 ونص الى 5 لكني الحين الحمدلله استقريت وكنت اداوم سبت بعد تقدر تقول لي متى اطلع للمرور وثانيا ذكرني للمكتب مو معناها اني ضد انه يروح بنفسه بالعكس انا ولله الحمد كل اموري ما اخلصها الا بنفسي ولا احب اوكل احد حتى لو كان مشواري بعد وين اروح بنفسي كل يوم اداوم 54 كيلو رايح و54 جاي ولا الحمدلله تشكيت لأحد او قلت دوامي وداومي بالعكس كل من سألني قلت ولله الحمدلله مبسوط ... وكان مغازي الاول والاخير انه يستفيد خبرة ان المكتب اسرع وقت ويقدر يخلصها له لأن بعضهم مايعرف اجراءتها ... عموما حصل خير وتستاهل لك +1


up 2 down 0
a.ibrahem 3167
قبل 7 سنه و 3 شهر



ماقصرتوا جميعاً 

الله يوفقنا وياكم لما يحبه ويرضاه


up 0 down 0
elantra 6639 482
قبل 7 سنه و 3 شهر