وعند الله تجتمع الخصوم
29
9
إضغط هنا للإخفاء
السلام عليكم
للاسف
ان نظام المرور لدينا فيه ظلم واجحاف
يعني تخيلوا معي شويتين
رجل المرور ما ياخذ اجازه حتى ينتهي من الدفتر الي معه !!
ابسألكم يا جماعه الخير
وش راح يصير بهالوضع ؟؟
أدنى مخالفه لأي شخص حتى ولو كان رجل محترم راح يصكه فيها
وكله عشان ينتهي من دفتر قسايمه وياخذله اجازه
حسبي الله ونعم الوكيل
لازم الوضع يتغير ويكون ارقى من هذا
المفروض الاجازه لرجل المرور ما ترتبط بدفتره نهائيا
والا صار فيه من الظلم ما الله به عليم
اليوم وانا ماشي بدربي بخط خدمه والا اشوف ذاك المرور المسنتر ههههه
رخصه واستماره << اللفظه المعروفه
اعطيته الرخصه والاستماره وقال لي تدري وش مخالفتك ؟
قلت وشوا ؟
قال الحزام
قلت يا رجال معليش ناسي اركبه
قال لي / أقول جنب بس هههه
واجنب وانا عارف انه مافيه امل يمشيني
فراح واعطاها واحد ثاني مسنتر عند شنطه الكامري وشاطح بقلمه على المخالفات ههههه
جيت جنبه وقعدت اناظر الي صكني بمخالفه
والله ثم والله انه مر أكثر الناس محترمين والشيب فوق رؤوسهم وشادين أم الحزام لكن يحاول كل شوي يمسك عليهم مخالفه
حسبي الله على الظالمين
طبعا عشان ينتهي من الدفتر
وكل واحد لا طلب منه رخصته واستمارته قعد ساعه يدقق فيها ههههه
حسبي الله
عالعموم المشكله مب هنا
المشكله اني ملاحظ المرور شاد حيله في نقاط التفتيش لكن تنظيم السير وتخفيف الزحمات ما عندك احد
اذكر واحد من الرس يقول مره من المرات واحد مشغل السفتي وقطع الأشارة
قلت ابلحقه ابشوف وش السالفه
واحصل ابو الشباب قاطع الأشارة علشان يروح يسلم لأن دوامه خلص
قلي هذا من يبي يحاسبه ؟؟
وخذ عندك بعضهم الأسم شايله من بدلته
وخذ عندك بعض رجال المرور يوقفون المخالف ويطلبون الرخصة والأستمارة
تسأله ليش يقولك جبهن اول واعلمك
واذا جبتهن يأخذهن ويركب السيارة ويسكر القزازة
وبعد مدهـ من الوقت يفتح القزازة ويعطيك استمارتك ورخصتك ومعهن مخالفة ؟!!
بدون مايقولك نوع مخالفتك
وبعدين كيف تبون الناس يلتزمون بالنظام
وبعض رجال المرور هم من يخالفون النظام
وليش بعض رجال المرور يخالفون الناس على كل كبيرة وصغيرة وعلى أتفه الأسباب
وهم مخالفاتهم بالجملة ولا احد يخالفهم ويحاسبهم
والتقيد بنظام المرور يعود بالدرجة الأولى إلى وعي وثقافة كل سائق
ولكن أن يصل الأمر بأن يكون المخالف هو رجل المرور هذي وشلون نحصل له تفسير
لكن بطبيعة الحال رجل المرور في الميدان لا يمثل نفسه فقط
بل هو مرآة لإدارته ويعطي الانطباع الإيجابي أو السلبي عنها
في آمان الله ^
إبلاغ
سيارات للبيع
طيب خذ لايك و ي شيخ وليد ولا تزعل
اختلاف الرأي لا يفسد في الود قضية..!
قبل 10 سنه و 6 شهر