دخل اظافي

افدتك بلايك .. موفق ان شالله

وعليكم السلام ورحمة الله وبركاته , الله يوفقك وفكرة حلوة انك تعتمد على دخل من اكثر من صدر , محدثك تشاركت مع واحد وفتحنا مكتبة قبل فترة حق تصوير ونسخ وبحوث ... الخ 


وماشاء الله دخلها اليومي ممتاز واهم شيء تحرص على الموقع .. وان شاء الله يفيدونك باقي الشباب 

الله يوفقك ويرزقك من حيث لاتحتسب

قبل لا اتوظف اشتغلت في العاب الاطفال عند المجمعات مكسبها رهييييييييييييب جداً ليس دبل مره او اثنين احيانا تربح في القطع دبل 8 مرات
بعض الشباب يستنقصها او يستحي منها وانا اقول اولادك اهم من كلام الناس ماهم معطينك فلوس من جيوبهم
بدايتي كانت بـ 400 ريال اشتري من محلات ابو ريال وابو ريال وابيع بالمكسب اللي اشوفه مناسب
بعدها بشهر جمعت مبلغ واتجهت لجده باب شريف لقيت اسعار الالعاب بالجمله مغريه جداً هو بس تروح اول مره بعدها توصلك البضائع بالتليفون 
استمريت في الشغله سنتين 
بعدها اظطريت اني اوقفها لاكمال دراستي بسبب ضيق الوقت فاشتريت بالمبلغ المتبقي سياره جديده كديت ابوها خطوط لين ربي رزقني بوظيفه انهت معاناتي وتعبي بفضل الله
التجاره للمتفرغ ذهههههههههههههههب

موووووووووفق

والله اني مثلك متاهل واضطريت اخذ سياره وكاله لاني مدرس وعلي سفر دايم

ذبحتني الاجارات وغلاء الاسعار ومن زمان افكر بدخل اضافي بس مدري كيف ابتدي

عسا احد يفيدنا بتجربه مفيده والله يرزقنا وجميع المسلمين

والله انا من بداية السنة وانا زيك قاعد اجمع وابغا ادخل في تجارة خفيفة لين ربي يفتحها علي واتوسع لكني اتردد واوقف لان اخاف اخسر فلوسي وتروح كذا عالفاضي بما اني بدون خبرة فابغا شي المكسب منه مضمون يعني مطلوب بالسوق لكن ماتوصلت لشي لقلة خبرتي او لعدمها بالاصح
طبعا وقت فراغي كثير واقضيه على النت ..
والان الاجازة كل وقتي فاضي بما اني طالب ثانوي .. الله يعين

انا طالب في الجامعه لانب متأهل ولا مايحزنون لاكني مثلك فكرت اسويلي شي اترزق منه مع العلم اني موضف بنفس الوقت لاكن الراتب على قد الحال فدخلت الانستقرام (برنامج صور) ولقيت حسابات كثيرة تعرض فيها اشياء للبيع فقعت اشتري من هالحساب وابيع بالحساب الثاني وبنف الوقت ادخل موقع حراج والقا اشياء زينه 
مثال شريت لي 4 ليزر ازرق شريت الواحد ب500 ريال وبعتة ب700 ريال 
وارجو اني افتكم والمعذرة على الاطالة 
وجزاكم الله خير

استيراد من امازون وايباي وبيع هنا ياخي ترا مكسب وبقوة شوف انت الليزرات هناك رخيصة

منظار الساكتون بجميع انواعه ارخص

دربيل ليلي تلقاه برخص التراب

اذا تعرف اماكن ومنتديات هواة الطيران  اشتر من ابو ريموت تلقاها كمان وتجيب مكسب

ملاحظة انا دققت ع الاشياء اللي اشوفها تنباع بعشرة اضعاف سعرها الاصلي وممكن تلقى اشياء اكثر

تكسي
او تقسط بطاقات سوا عن طريق مكتب مضموووون ويكون شغله مرتب وتعتبر تجارة ممتازة جدا
في الوقت الحالي

m11013
حسب علمي ان الليزر والدرابيل الليلية ممنوعة

الله يعطيكم العافيه وماقصرتو على المشاركات الطيبه..
وننتظر باقي الاعضاء لعلهم يفيدونا..

انا اشوف افضل تجاره بوجهة نظري هي مغسلة ملابس وحلاق

لكن اكثر شي هي المغسله

كلها صابون وبخار وربحها ممتاز خصوصًا بأيام جمعه وسبت ووقت الاعياد

اذا انت من الرياض ممكن نتشارك ونقتح محل

الله يوفق جميع المسلمين  نفس وضعك اللهم اكفنى بحلالك عن حرامك وارزقنا بفضلك عن من سواك