موقع حراج فكنا من الشريطية والنصابين ؟

الشريطية موجودين والنصابين موجودين فالموقع 

هههههههههههههههههههههههههههههه
بالعكس وفر على الشريطيه وقت يحط اعلان وانتهت الشغله والنصابين 
يصورون السياره ويتغاضون عن الحكات والصدمات ويقول اخت الجديد
وتجي تشوف السياره تلقاها خرده

بالعكس الشريطي هنا يقدر ينصب على الناس احسن من في المعارض
يقدر يلغي خاصية الردود و يحذف ردود الاخرين التي تفضحه و يحسن صورة اعلانه.

يتميز موقع حراج بسهوله البحث عن مواصفات معينه عكس المعارض تاخذ وقت لين توصل للمواصفات

بالنسبة لي ريحني
حتى لو الاسعار اقل او أعلى ولاهم اللفلفة بالحر وعندنا بجدة شوارع دمرانة بالمعارض
اريح جدا
طبعا السلبيات موجودة ومعروفة ويلزم لها عمل من قبل الإدارة لتقليل الأخطائ

الموقع ادخله يومي واتكي عليه خاصة لعشاق السيارات يتسلى شوي 

موقع حراج ليس لبيع السيارات فقط 
نعم موقع حراج أفادنا ووجدنا قطع وسلع وأجهزة نادرة وبأسعار طيبة وأمانة في التوصيل
واقول هذا الكلام بدون مجاملة للموقع 

الشريطيه يشتغلون نت على الطبيعه

لاكن هنا يلعبون بااسعار السيارات بااسماء مستعاره كثير ويجي يزود فيها

ويحط رقم مقفل مع سومه علشان يجي واحد بعده يسوم اكثر

يعني شغل النصب فيه فيه سوا بالموقع او غيره

لان اللي يسوم بالنت لاتعرفه ولاتشوفه

ويمكن عنده اكثر من يوزر

والمواتر هنا اكثرهم مدموره ونادر تشوف النظيف

ويبين النظيف من وقفته ومن بويته اذا بانت تبدا بمرحلة الفحص والتواصل واعطاء الموتر حقه اللي يستاهله

في هل الدنيا لاتثق بااحد افحص وقلب بالموتر واجلده وشوف تغييرات النمر من حقك

وانتبه الشريطيه يدلك على فحص كمبيوتر اكثرهم يصير متعامل مع راعي الفحص ويدفه بفلووس ويقولك الموتر سليم

الكلام عن الشريطيه بالغش بحر الله يكفينا شرهم

استغرب من دوله مسلمه وعندنا الكذب والخداع وكل شيء شين ماادري وين تطبيق الاسلام

دول الغرب عندهم ذمه وكل شيء واماكن الخراب واضحه لاكن بالشارع محترمين

عندنا ماتامن بزر يروح لبقاله !!

^^^^^^^^^

السمعه الزباله . الله يكرمكم وصلت برى السعوديه واحد مصري يسولف علينا طول عمره في مصر ماقد جاء السعوديه 

يقول انه سمع بالسعوديه لما تروح للبقاله تنزل بنتك الصغيره للبقاله ولاتنزل ولدك الصغير عشان التحرشات

انا وكم واحد معاي فقعنا ضحك قلنا ابو السمعه الزباله اللي وصلت لمصر xD

ياعزيزي موقع حراج هم نفسهم شريطية المعارض بالنهار هناك وباليل هنا
انا كنت بشتري لكزسES وكان اتفاقنا على انه مافيه اي رشة بدي بلدة ويوم قابلتة طلع مرشوش كامل والمفاجئة طلع راعي معرض وجالس يحلف بالله كذب كشفت الموتر بدون فحص الدلخ يكشفة جلد الابواب مليانة بوية وحياتك راشة بالصناعية عند ورشة ابو كلب ويحسب الناس دلوخ وماتفهم ولا يحلف بالله 

قد شريت من الموقع ثلاث سيارات استعمال شخصي

فكتوريا قعد معي سنه

و يوكن له معي 7 شهور تقريبا

و اف جي له 4 شهور معي 

كلها عن طريق الموقع 

واما الاجهزه وغيرها فكثير جدا

انت وشطارتك الشريطي مايقدر يضحك عليك ابد 
الحين فيه شي اسمه فحص يطلع لك كل العيوب ،،وقبل ماتفحص الموتر اشرط على صاحب السياره عند 
الفحص هو يدفع الفلوس اذا اختلف كلامه عن الواقع هو يتحمل حق الفحص وسيارته ياخذها وان كان صادق
وعجبك الموتر توكل على الله وخذه ،
انا خسرت مايقارب 1500ريال عند الفحص في 3ايام بسبب كذب بعض اصحاب السيارات يقول السياره 
ماجاها شي وبالاخير تطلع مسمكره والارباق طالع عشان كذا صرت اشرط قبل ماخذ الموتر على الفحص
اللي اوله شرط اخره نور،،،  

المفروض ياصاحب الرد اللي قبلي اذا قالك الموتر نظيف وماسمكر قله ابفحص واذا طلع شيء غير اللي ذكرته لي بتدفع انت قيمة الفحص بكذا تقتل الشريطي واللي موتره مسمكر بيقول لا اما الموتر النظيف بيوافق على طول ومجربها انا ادفع بس حق فحص الموتر النظيف 

يابابا من قال أن الشريطي بس في المعارض وبس

هو منزوي في كل مكان في المعارض ,

المواقع و المنتديات في الوتس أب والرسائل الأعلانية مامنه فكة لو أيش هم البلاء في كل شي خصوصآآآ في زيادة الأسعار الله يكفينا شرهم وطمعهم وغشهممممممم

لاو الله يالغالي المعارض ارحم من شريطية موقع حراج مريت بتجربه بثلاث سيارات باوقات متفرقه كل السيارات ماشاء الله جدد وماشيات قليل قبل اعرض السياره ابحث بالموقع سياره مثل سيارتي وتجدهم يزودون بينهم بمبالغ خياليه قلت انا ممتاز انشاء بتجيب سيارتي نفس السعر واتفاجئ طال عمرك عند عرض السياره بالموقع  ببخس جداً مخجل يعني فرق شاسع عن السيارات الاخرى المماثله او الاردى واذا حسو مانت ببايع بالسعر الي يعجبهم يعطونك ركبه لي شهرين ولا واحد سام تحس انهم متفقين بالوقع وبكثره

لاو الله يالغالي المعارض ارحم من شريطية موقع حراج مريت بتجربه بثلاث سيارات باوقات متفرقه كل السيارات ماشاء الله جدد وماشيات قليل قبل اعرض السياره ابحث بالموقع سياره مثل سيارتي وتجدهم يزودون بينهم بمبالغ خياليه قلت انا ممتاز انشاء بتجيب سيارتي نفس السعر واتفاجئ طال عمرك عند عرض السياره بالموقع  ببخس جداً مخجل يعني فرق شاسع عن السيارات الاخرى المماثله او الاردى واذا حسو مانت ببايع بالسعر الي يعجبهم يعطونك ركبه لي شهرين ولا واحد سام تحس انهم متفقين بالوقع وبكثره