أضف سؤال أو موضوع جديد          

بخصوص صغار السن

up 19 down 3
x_o_w 51
قبل 8 سنه و 5 شهر



السلام عليكم ورحمة الله وبركاته 
اخواني اعضاء موقع حراج : 




اول ارجو حذف صغار السن من موقع حراج 




فيه أمور يا أخواني تصير كثير في موقع حراج .. 
وهذي الامور ماتصير ، وبعض هذي الامور : 
النجش ، المبزره او الهياط ، الكذب او الغش ، اللقافه








اولاً النجش : 
هو المزايده بغير نية الشراء ، وهذا الحاصل في الموقع بكثره . 
مثلاً : يجي واحد ويرمي سعر عالي ، لا هو الجاد ولا هو خلا الناس تسوم بعد هالمبلغ والضحيه فيها : البايع والمشتري .. وحكم النجش ( حرام ) 




ومن امثلته : يكون البايع كاتب موتري مسيوم بـ 80 مثلاً ، عشان يرفع سعر موتره وفي الحقيقه مافي احد سام موتره بـ 80 
وحديث الرسول عليه الصلاه والسلام /
{ ولا تناجشوا } 








ثانياً المبزره او الهياط : 
وهي يجيك بزر كاتب في التعليقات ..
زي سيارتي / زي لون سيارتي ..
عندي زيها عندي اختها .. ياخي هنا حراج ياتسوم زي الرجال وتشتري ولا تلايط ولا تهايط 








ثالثاً الكذب او الغش : 
وهذي صارت معاي شخصياً .. 
كنت ادور موتر وتواصلت مع الرجال ويحلف ان الرفرف مرشوش بس واكشتفت ان السياره مرشوشه كامله .. يعني انا جايك وطاق مشوار وفي الاخير هذا حال موترك !!! 
{ من غشنا فليس منا } 








رابعاً اللقافه : 
يكون البايع حاط موتر ، على السوم 
ويجي واحد مدرعم .. ويكتب في التعليق 
مثلاً : ( انصحك لا تبيع اقل من 100 )
ترى يجيب لك الـ 100 بالراحه .. 
ويكون سعر الموتر اساساً في بحر ال 60 
هنا انا اقول له
وش لقفك ياخي !! وش لقفك !! 












اما بالنسبه ( للشريطيه ) 
خافوا الله ولا تبخسون ..
ياخي ترزق الله بـ ألف ألفين بـ خمسه
مو عشرين ألف ، تكسر سعر الرجال وتعذرب في موتره وتطلع عيوب ! 








اعتذر على الاطاله ولكن هذا الحاصل في موقع حراج .. 




اللهم صلِ وسلم على سيدنا محمد وعلى أله وصحبه اجمعين ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اكثر كلمة تقهرك (فتح باب) السلعة تسوى 50 يسوم 20 ويقول فتح باب!!
اتمنى من شركة مايكروسوفت اضافة خاصية في ويندوز 8 انك تقدر تطلع رجل مع الشاشه 


ودك تشوت بعض الناس


up 15 down 1
m11013 923
قبل 8 سنه و 5 شهر



باقي حاجه ماذكرتها وهي الطمع 
يجيك راعي السياره ينزلها ويحط في باله انها لو جابت 30 راح يبيع 
لكن بعد مايشوف السومات 30, 32, 33, يطمع ويجلس يردد نطلب من الله الزود 
وفالاخير يختفون كل اللي سامو وتضل سيارته محد اشتراها 


up 2 down 1
bmw z4 1500
قبل 8 سنه و 5 شهر



في ملاحظة مهمة في الردود

أحيان بعض الاعضاء يجي في الردود ويقول (عن إذن راعي الاعلان عندي نفس السيارة
للبيع ومسيومة بكذا)
أو يطرح سلعة ثانية

طيب انا تعبت وسويت موضوع والناس تسوم
مالك حق تجي في موضوعي وتحرج على سلعتك

مدري هل هو كسل أو تخريب !!؟؟




up 1 down 0
أبو العنود 564
قبل 8 سنه و 5 شهر



الاداره يبيلها احد يديرها ويعلمها شلون تدير الموقع

اجل واحد منزل اعلان عن فورد للبيع وبعد ماخلى العالم تسوم يقولهم اصلا مابي ابيع بس ابغى اشوف كم يجيب ؟

ولحد الان الاعلان موجود  !!!!


اول شي ماهي على العمر هي على عقل الشخص فيه ناس اعمارهم 18 لكن محترمين ورجال وفيه شياب اعمارهم 50 لكن العقل ابو 11

عندكم العضو انيق محترم بالعكس ينزل مواضيع قمة الروعه

وفيه واحد كبير ينزل مواضيع تافهه


up 3 down 0
ابو ابراهيم2021 352
قبل 8 سنه و 5 شهر



المفروض يوظفون بعض الشباب يكونون مشرفين في الموقع

ولهم رواتب من الموقع


up 0 down 0
mgnonk_702 599
قبل 8 سنه و 5 شهر



شاقح بالله لو تقدر تحط رابط الاعلان حطه


up 1 down 0
hamodyaz 179
قبل 8 سنه و 5 شهر



انا شايف انتشار لغلاء اسعار السيارات المستعملة يعني المستعمل اول كان رخيص و الجديد غالي الان تحصل اعلانات لمعارض تعرض جديد باسعار مستعمل سنة 

شفت اعلان هايلكس صافق زاوية الواجهة يعني الكبوت مطعوج و الرفرف و الشمعات يقول اذا ما تدقق ما تشوفها و يبي يبيع بسعر مستعمل نظيف

ولا راعي اكسدبشن 2011 ماشي 220 الف كم استاندر و امريكي يبي فيه 85 الف سلامات مكروف و حالته حالة مايفرق الا 25 الف عن الوكالة 

طبعا الواحد يطنش ويشوف غيره 

من راقب الناس مات هما


up 1 down 0
super x 175
قبل 8 سنه و 5 شهر



الاعلان انحذف ياشاقح


up 1 down 0
d7oom0 26
قبل 8 سنه و 5 شهر



اسعار الموقع غالية


up 0 down 0
ابوسحبه 5
قبل 8 سنه و 5 شهر



افضل شي صراحه ي ليت حذف عضويه نهائي


up 0 down 0
رائـد الويباري -16
قبل 8 سنه و 5 شهر



يعطيك العافية على هالموضوع الكويس


up 0 down 0
alenazi-01 -4
قبل 8 سنه و 5 شهر



الأسوء لما يكون صاحب السلعة فاتح له اكثر من حساب ويعزز لمواضيعه!


up 0 down 0
armycomrade 23
قبل 8 سنه و 5 شهر



مطلوب من الاداره الاهتمام اكثر بالموقع


up 0 down 0
Abu-Nawaf 337
قبل 8 سنه و 5 شهر