الحين ليش اكثر الاعلانات في الحراج يقلك مسيومة في المعارض

هذا النصب بعينه حتا بعضهم يدخل بأكثر من عضويه ويزاود على نفسه في موترة .. الله لايبلانا ويغنينا بحلاله عن حرامه .

قبلأمس شايف اعلان لكابريس 2006 ويحلف راعيه انه شد بلد ويوم شفت الصور لقيت ان الشبك تجاري

والشمعات مغيرة ووزنيه الكبوت مع الرفرف مختلفة وواضحه ويقول مسيومه ب40 الف ؟؟؟

وبعدها كتبت له ان السيارة واضح فيها عيوب .. قام بحذف ردي وحظر عضويتي من الرد في اعلانه ..

العينات الي مثل كذا اختارو الفلوس عن نعيم الجنة .... ولك لايك .

^^^ هذا بالاضافه الى ان بعضهم ماسيمت ولا شي كل ما احد حط سومه زود عليها

وقال سيمت كذا على الجوال او الخاص او حلم بسومه معينه ...؟

معليش يا ابراهيم على الديس لايك .. مارضي يرجع لايك لاكن بعد 24 ساعة أعدله .

والله يا ابراهيم هذا الي صار وأمس دخلت على اعلانه لقيت الاعلان محذوف ونفس العضو عليه تقيم بالسالب

وكاتبين ( لاينصح بالتعامل معه ) باع على واحد موتر شبه مخبط .

للنصب فنون عند بعض دنيئين النفس .

ههههههه تعرف وقت مايقولك ( لايمكنك التقيم 7 مرات ) لازم تبدا بالديس لايك عشان يجي لايك ههههههه .

وانت عشاني قيمتك قبلها بلايك فا الثانيه دقرت على ديس لايك هههه .

نعرف نقيم بعضويات ثانيه يالومينا هههههههه .

السياره اذا دخلت المعارض وعرفوها الشريطيه ماعاد تجيب قيمه

هو يقول انسامت فـ المعارض 40 ولو باع لراعي الـ 40 كان شرا لو طالبه بعربون قبل روحته معه للفحص
شرط يعلمه بالاشياء الي فيها وفي حالة طلع عيب ثاني يرد عربونه

وخله ينزلها الجمعه الي بعدها وان شاء الله الى آخر السنه معد تجيب شي الا ان كان طب في مستخدم

من تجربه كان معي سياره نزلتبها اول مره انسامت ب 18 ما بعت بعدها كل ما نزلت يدفعون اقل الين وصلوها 11
خليتها فتره طويله وغيرت فيها خطوط وجددت لوحاتها وغيرت حروفها كانت لوحه قديمه واعطيتها واحد يبيعها لي

الحمد لله جابت 20

مستر بن ما يقدر يدخل بعضويتين من جهاز واحد ويزايد على نفسه

الموقع يرفض لازم كل عضويه تكون مسجله في جهاز يختلف عن الثاني وما قد دخل بأي من العضويتين من نفس الجهاز

الموقع يحفظ جميع الايبيات الي تدخل بعضويتك منها

كلام صحيح

وع الاقل بالعارض انت تشوف الموتر شوف عينك  قدامك

يعني السومه اللي ترميها   ماترميها الا وانت مقتنع باللي قدامك

بعكس الموقع  لما ينزل اعلان يجونك  الاغبيا يركضون يسومون بسومات عاليه جداً جداً  رغم ان فيها اعيوب او مشهبه الوجهيه   ويغتر راعي السياره واذا وقف السوم عند مثلاً 60 الف

يقول وصل السوم 65  والحد 70   وخلاص يمسك عليها

يكذب على نفسه ويصدق الكذبه

انا عني اذا اعجبني شي   ما فكرت اسومه  بالعام    يا كلمته خاص  او  اتصلت به دايركت وانتهينا   ولا افتح باب ولا سكر باب 

طيب فيه طرق بسيطة جدا لتغيير الايبي مستحيل الموقع يمنع هذي التجاوزات لزيادة السعر المفروض هذي الصفة  تكون بعيدة عنا اذا طبقنا الدين صح