أضف سؤال أو موضوع جديد          

يحتر المكيف اذا وقفت السيارة

up 5 down 1
nezarnuaimat 732
قبل 5 سنه و 2 شهر



السلام عليكم كيفكم عساكم طيبين
اليوم وقفت سيارتي الجيب شيروكي 2006 تحت الشمس و هي مشتغلة.
درجة الحرارة في الخارج كانت 44 و المكيف على الحد الأقصى مع التدوير الداخلي.
بعد حوالي ثلث ساعة صار يخرج هواء حاااااار لا يطاق
حركت السيارة رجع الهواء بارد تمام و ما فيه أي مشكلة ...
من عنده خبرة أو تجربة يفيدنا لاهنتم ...
مشكورين جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتوقع انه ضعف في الكمبرسور


up 1 down 2
moathyaseen 1388
قبل 5 سنه و 2 شهر



اخوي درجه الحراره مرتفعه بالخارج 44كثيره مره عالسياره انت بالطبلون مايوضح ارتفاع الحراره عندك بس لو طفيتها وفتحت السوتش تلقاه مرتفعه بعد الطبيعي 
فارتفاع الحراره يضعف الكمبرسور ويخلي التبريد حار او شبه حار حاول ماتوقف بالسياره تمشيها بالانتظار لان المكينه تنضغط مع الحراره زياده 
بالتوفيق 


up 2 down 0
احمد شريف 3210
قبل 5 سنه و 2 شهر



غير فريون لامريكي 134


up 0 down 1
مستريح البال 1 1785
قبل 5 سنه و 2 شهر



انت ضاغت على المكيف اكيد بيكون حار مشغله اعلى شي و درجة الحرارة اربعين اكيد ما راح يبرد طبيعي 
خفض الدرجة و خلاص لحد يقعد يقول غير كمرسور و غير مدري وش 



up 2 down 0
aooa1729 533
قبل 5 سنه و 2 شهر




اهلا





ادا كانت المروحة ميكانيكة يقل برودة المكيف بالوقوف

لأنها كل ما تزيد من السرعه تزيد من دوران المروحه

الحل ان طالما كنت واقف خلي رجلك على البنزين حتى تسرع المروحه ( ضغط على 1.5-2 )



والحل الافضل ان تركب مروحتين او مروحه اضافيه كهرباء امام الاديتر ( الرديتر )

انا مجربها بشروكي 93 و تاهو 04 والحمدلله اوقف اكثر من ساعه و المكيف ما يقل برودته



up 2 down 0
عمر الزمان 670
قبل 5 سنه و 2 شهر



هذا البلف الكهربائي بالكومبروسر يفصل اثناء الوقوف لمدة طويله لكي لايجهد المكينه ويوفر في اقتصاد البنزين

بعضهم يغيرون كمبروسر بدون فاصل كهربائي 


up 1 down 0
لحـن المفارق 531
قبل 5 سنه و 2 شهر



اتفق مع العضو عمر الزمان ... 
من الطبيعي عند التوقف فترة طويل وخصوصا بعضضض السيارات الامريكية
لانها تعتمد ع حركة السيارة بالتكييف
الوقفه كثييير تخنقها وتحتاج تتحرك عشان يبدا التكييف بالدوران
او حلها بمراوح اضافيه
موترك سليم لحد يتعبث فيه 
ماليبو١٣ حق اخوي نفس المشكلة!!!


up 2 down 0
aziz..747.. 2421
قبل 5 سنه و 2 شهر



السلام عليكم
حصل معاي نفس موضوعك الصيف اللي فات بفورد ماركيز
رحت لحق الرديترات قال روح مغسلة سيارات خليه يرش عالرديتر مويه ينظف خارجيا خلف الشبك مباشره او من جهة الشبك اهم شي من الخارج مو من جهة المكينه 
المهم حق المغسله يعرفلها لاتخاف
وبعدها ولله الحمد الامور جدا طيبه 
عموما جربها مبدئيا وبالتوفيق...


up 2 down 0
المدينه 300 776
قبل 5 سنه و 2 شهر



و نعم منكم و من ردودكم ... أعضاء محترمين ظليت اديكم لايكات الين وقف التقييم  :) 


up 2 down 0
nezarnuaimat 732
قبل 5 سنه و 2 شهر



اذا ماظبط معاك التنظيف المروحه حل جيد ركبتها اول على كابريس ثمانيه سلندر وفرق معاي


up 1 down 0
المدينه 300 776
قبل 5 سنه و 2 شهر



نظف رديتر المكيف


up 1 down 0
مورد الماء 321
قبل 5 سنه و 2 شهر



اذا جيت توقف حتى أبو 10 دقائق وانت واقف افتح الكبوت وخلي السياره تتنفس لأن وانت واقف الكبوت مسكر والحراره مالها مخرج الا من تحت والارض نفسها حاره افتح الكبوت وخلي الحراره تطلع من فوق وتحت عشان ترتاح الماكينه ترى الحراره تهلك ابو السياره 


up 1 down 0
kaboom smash 643
قبل 5 سنه و 2 شهر



عندك مشكلة في الحساس حق الهوى اللي يحافظ على ارتفاع ضغط هوى المكينه اذا وقفت قل دوران المحرك وزاد الضغط وترتفع الحرارة ويسخن المكيف واذا حركت زانت امورة واذا الحساس مضبوط سيارتك تسخن احتمال مراوح التبريد تدور عكس او انك تحتاج يامروحة ثانيه ياريش اكثر


up 1 down 0
بريق الرياض 261
قبل 5 سنه و 2 شهر



السلام عليكم ورحمة الله وبركاته 

 اخي الكريم بالنسبة لمووضوعك حله بسيط جدا 
الحل الاول وهو الافضل بالصيف وخصوصاً الي سيارتهم مروحتها كلتش ( يعني مروحه ميكانيكه ) يعني لها سير . 
تقدر تفك مروحة الكلتش بالكامل لاكن لازم تشوف لك طقم مرواح تكون راكبه على الاديتر وقريبه منه بالحيل بخصوص انها تسحب الهواء من الاديتر وتبرده تبريد ممتاز ولابد من ان تكون المروحه سرعات طريقة التشبيك سهله جدا تروح لكهربائي وتخليه يشوف لك الاسلاك ولابد من الاسلاك ان تكون اصليه وكتاوت اصليه  المروحه الاولى اذا مافيه حساس حراره بالسياره  لا زم تشق الخرطوش وتركيب فيه ماصوره مناسبه لمساحة المقطع وتكون حديد ذات جوده عاليه  وتركب بالماصوره حساس حراه وتوصله مع المروحه اهم شي تكون المروحه له اكثر من سرعه اما المروحه الثانيه تكون مع المكيف  يعني يوصل الكتاوت مع السلك الواصل للكمبروسر بحث اذا شبك الكمبروسر تشتغل واذا فصل تفصل وفقط وهذي الطريقه مجربة ع دينالي 2002  ولله الحمد الحراره ماتتعدى الربع وبدرجة حرارة الجو الخارجيه اكثر من اربعين .
الطريقه الثانيه بدون ماتفك مروحة الكلتش تركب مراوح سريعه او اكثر من سرعه وانصحك بمراوح السوبارو تركبها خارج الاديتر  وتشبكها بكتاوت واحد وتوصلها بالكمبروسر بحيث اذا شبك الكمروسر تشتغل واذا فصل تفصل وتخليه يحطها على السرعه الثانيه وانصحك لاتشبكها دايركت بحيث تكون طول الوقت شغاله لانه احتمال يبرد الكمبروسر وينفجر اتمنى تتقبل مروري تحياتي 


up 1 down 0
الباحث400 63
قبل 5 سنه و 2 شهر



مشكورين على الردود يا غوالي ...
البارحة فكيت الشبك الأمامي و غسلت الرديتر من الخارج في محطة الغسيل ...
رشيت الموية من امام السيارة باتجاه الخلف (اتجاه المحرك) ...
نزل منه اكرمكم الله اوساخ و اتربة و موية برتقالية ما كنت اتخيل كذا..
حسيت فيه فرق لكن قليل. حيث ما زالت الحرارة عالية نوعاً ما (تصل الى النصف كثيرا و المروحة تشتغل بالسرعة القصوى كثيراً)
قررت اتني اركب مروحة كهربائية سوبارو قبل الرديتر مثل ما قالوا الاخوان الله يجزاهم الخير
بخبركم وش يصير ان شاء الله


up 0 down 0
nezarnuaimat 732
قبل 5 سنه و 2 شهر




اذا ارتفعت حراره السياره على النصف بشي بسيط مايبرد المكيف


اذا حراره السياره طبيعيه احتمال ضغط الكمبروسر ضعيف وسهل يعرفه الكهربائي يركب ساعه وتشغل المكيف يبان عنده


up 1 down 0
Abu-Nawaf 339
قبل 5 سنه و 2 شهر



اذا ارتفعت الحارة غير السيارة ههههههههه كثرا الطبخين  على اكلة واحدة 
راسك وراس المكنيكي 


up 0 down 1
jeddawy 157
قبل 5 سنه و شهر



نفس الخلل معي في اكسبلورر 2006 ولا شفت له حل ليومك. حتى صرت اتنب المشاوير اللي بها وقوف


up 0 down 0
ostad 153
قبل سنه و 4 شهر