اللي يفكر ياخذ ايجار منتهي بالتمليك يتفضل

14 4

لايمكنك التصويت حتى الحصول على 20 نقطة على الأقل
إضغط هنا للإخفاء

سآآآل 318
قبل 10 سنه و 5 شهر

السلام عليكم ورحمة الله وبركاته ,,

اول شي , اذا يمديك تاخذ قرض من البنك ,, لا تاخذ ايجار منتهي بالتمليك ,, خذ قرض شخصي واشتري السيارة كاش ,, ارخص لك بكثير ,, هذي النقطه ذكرتها عشان لاحظت البعض ,, يلجأ للتاجير وهو ماعليه التزام اخر ,, دائما اجعل الايجار المنتهي بالتمليك هو اخر الحلول ,,

ثانيا راح اجاوبك على هذا التساؤل , كيف تختار جهة التاجير ؟ بنك او شركة ؟ اذا بنك ايهم افضل؟ ,,
غالبا اللي نسبته اقل يكون افضل ,, لكن ! بعض البنوك والشركات يمكن شروطهم وانظمتهم ماتناسبك ,, وهذي فكرة الموضوع انك تتطلع على الانظمة الخاصه بكل بنك ,,

بنك الراجحي مسوي كتيب ,, يشرح فيه كل اللي لك واللي عليك بطريقة مبسطة ,, فيي الايجار المنتهي بالتميلك ,,

اهم النقاط المذكورة ,, واللي لازم تسأل عنها بعد السعر والقسط والدفعة والاجمالي ,, هي التاليه:
١- تفويض القيادة داخلي وخارجي ,, وتفويض سائق اخر ,,
بعض الشركات والبنوك يعقدونك عشان التفويض الخارجي ,, هل يشترط عليك تدفع قسط زياده ؟ ,, هل هناك  رسوم تفويض ,, لك حق تفوض شخص اخر ؟؟
٢- التأمين وحوادث السير ,, 
هذي انا شخصيا اشوفها اهم حاجة تطلع عليها ,, وتكون على المام تام بها ,, ايش بيصير اذا راحت السيارة تالف لا قدر الله ؟ متى تعتبر تالف ؟ هل راح تدفع لهم تعويض ؟ كيف رح يحسبوه ؟
٣- التنازل عن السيارة ,, او ارجاعها ,,
هل فيه تنازل ؟ اذا مافيه كيف يكون الاسترجاع ؟؟ الخخ ,,

طبعا كل هذا يختلف من بنك ل بنك ومن شركة ل شركة ,, لكن نفس النقاط هذي لازم نتاكد منها قبل نوقع على شي نتوهق فيه بعدين ,, و ان شاء الله الموضوع يكون افادكم لو شي بسيط ,

http://www.alrajhibank.com.sa/ar/personal/car-finance/car-deals/documents/new-arb-car-lease-quide.pdf رابط الكتيب

إبلاغ

الردود