أضف سؤال أو موضوع جديد          

اللي يفكر ياخذ ايجار منتهي بالتمليك يتفضل

up 14 down 4
سآآآل 318
قبل 6 سنه و 7 شهر



السلام عليكم ورحمة الله وبركاته ,,

اول شي , اذا يمديك تاخذ قرض من البنك ,, لا تاخذ ايجار منتهي بالتمليك ,, خذ قرض شخصي واشتري السيارة كاش ,, ارخص لك بكثير ,, هذي النقطه ذكرتها عشان لاحظت البعض ,, يلجأ للتاجير وهو ماعليه التزام اخر ,, دائما اجعل الايجار المنتهي بالتمليك هو اخر الحلول ,,

ثانيا راح اجاوبك على هذا التساؤل , كيف تختار جهة التاجير ؟ بنك او شركة ؟ اذا بنك ايهم افضل؟ ,,
غالبا اللي نسبته اقل يكون افضل ,, لكن ! بعض البنوك والشركات يمكن شروطهم وانظمتهم ماتناسبك ,, وهذي فكرة الموضوع انك تتطلع على الانظمة الخاصه بكل بنك ,,

بنك الراجحي مسوي كتيب ,, يشرح فيه كل اللي لك واللي عليك بطريقة مبسطة ,, فيي الايجار المنتهي بالتميلك ,,

اهم النقاط المذكورة ,, واللي لازم تسأل عنها بعد السعر والقسط والدفعة والاجمالي ,, هي التاليه:
١- تفويض القيادة داخلي وخارجي ,, وتفويض سائق اخر ,,
بعض الشركات والبنوك يعقدونك عشان التفويض الخارجي ,, هل يشترط عليك تدفع قسط زياده ؟ ,, هل هناك  رسوم تفويض ,, لك حق تفوض شخص اخر ؟؟
٢- التأمين وحوادث السير ,, 
هذي انا شخصيا اشوفها اهم حاجة تطلع عليها ,, وتكون على المام تام بها ,, ايش بيصير اذا راحت السيارة تالف لا قدر الله ؟ متى تعتبر تالف ؟ هل راح تدفع لهم تعويض ؟ كيف رح يحسبوه ؟
٣- التنازل عن السيارة ,, او ارجاعها ,,
هل فيه تنازل ؟ اذا مافيه كيف يكون الاسترجاع ؟؟ الخخ ,,

طبعا كل هذا يختلف من بنك ل بنك ومن شركة ل شركة ,, لكن نفس النقاط هذي لازم نتاكد منها قبل نوقع على شي نتوهق فيه بعدين ,, و ان شاء الله الموضوع يكون افادكم لو شي بسيط ,

http://www.alrajhibank.com.sa/ar/personal/car-finance/car-deals/documents/new-arb-car-lease-quide.pdf رابط الكتيب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم معلومات قيمة ومفيدة شكرا


up 3 down 1
saad1b 132
قبل 6 سنه و 7 شهر



رحم الله والديك

فعلا كثير من البنوك وشركات التأجير يذكر الامور الإيجابية فقط ويسكت عن الأمور الي ممكن تورطك


up 3 down 0
أبو عبادة 4852
قبل 6 سنه و 7 شهر



الراجحي الوحيد اللي يسترد السيارة ويصفي لك المبلغ على حسب العقد وكم دفعت وبعد كم يوم تحصل سيارتك يافي المعارض او معروضه في مكان ما كل شركات التاجير اذا تلفت السيارة ماتعوضك االا اذا دافع لهم دفعه اولى يا يسحبون عليك ربع الدفعه يا ترجع لك كامله وهذي من المتحدة للتقسيط دفعت 10 الاف ورجعو لي 11 الف وسلامتكم


up 2 down 0
بريق الرياض 259
قبل 6 سنه و 7 شهر



فعلا اذا تبغى تاخذ سيارة خذ قرض من البنك واشترها كاش افضل بكثير.. الفوايد اقل والسياره تكون بسمك اي وقت تبغى تبيعها بعها عكس التاجير المنتهي بالتمليك ...


up 2 down 0
mosfer alyami 774
قبل 6 سنه و 7 شهر



للاسف مافيه فايده
الواحد اول مايشوف السياره يوقع على العقد ولا يهتم للشروط ولا يضرب لها اي حساب
اهم شي يطلع السياره الجديده
ويجيك بعد سنه يتبكبك ويقول البنك ظلمني البنك سوا فيني  !!!

مو انت موقع على عقد ماتدري وش مكتوب فيه بعد ماتوي حادث او تصير لك مشكله تقول البنك نصاب !!!


up 4 down 0
شويخ من أرض مكناس 2823
قبل 6 سنه و 7 شهر



يزين الكاش تنام وانت مرتاح ولو سياره قديمه شوي بس اهم شي ارتاح


up 3 down 0
الـتاجر الـكبير 726
قبل 6 سنه و 7 شهر



الله يكفينا واياكم شر عبد اللطيف جميل مص دمي مص ٤ سنوات ودفعه اخيره وبعدها نقل وتامين عليك حسبي الله ونعم الوكيل لاكن قالو وش حدك علا المر قال الي امر منه


up 2 down 0
ابو عبد العزيز 305 417
قبل 6 سنه و 7 شهر



جمع لك كم قرش و اشتر سيارة نظيفه و لا تسلم رقبتك للتجار او البنوك.
بعدين سالفة ان السيارة مأمن عليها و اذا صدمت فيها يعطونك وحده جديدة هذي من اكثر خرافات
التأجير المنتهي بالتمليك انتشارا.


up 1 down 0
أبوعمر 99 1043
قبل 6 سنه و 7 شهر



صدق الاخوان ..

ابتعد عن الايجار المنتهي بالتمليك قدر الامكان للاسباب التي ذكروا ولأن الزيادة في السعر باهظة جدا
مثال: احد جيراني اشترى قبل فترة النترا 2014 فل كامل طلعت عليه بحوالي 100الف 5 سنوات
يعني زيادة اكثر من 35 الف وقتها
ثم اولا واخيرا انت مستاجر !!!

فلذلك اؤيد النقد ولو كانت قديمة


up 2 down 0
saqr111 35
قبل 6 سنه و 7 شهر




الف شكر و +1 لايك تستاهل


up 1 down 0
Abu-Nawaf 338
قبل 6 سنه و 7 شهر



شكرا لكم كل ابوكم ؛ يعطيكم العافية ردودكم اثرت الموضوع :) ؛ 


up 0 down 0
سآآآل 318
قبل 6 سنه و 7 شهر



ياخي تأكدو من الحكم الشرعي .. 

والله كل اللي أعرفهم أخذو تأجير منتهي بالتمليك سار لهم حوادث ..


up 0 down 0
youlike 561
قبل 6 سنه و 7 شهر



اسوأ تامين من بنك الراجحي    ناتخذ حقك الا بعد شكاوي ومراجعات وتعامل وخدمات زفت من البنك. 


up 0 down 0
فورد taurus 23
قبل 6 سنه و 7 شهر



قبل فترة بسيطه موتري بدى يطلب قطع غيار بسيطه قلت بس الموتر مقبل خلني اتخلص منه وكانت مشكلته حرارة مالقيت لها حل المهم بعتها وخذت لي سيارة تاجير قسطها 1300 ريال قلت مبلغ بسيط والله يالربع انها تسخن العن من سيارتي الاوله ويا راتبي مايبقى منه شي طفره في طفرة توهقت قلت بتزين انشاء الله واجلس 5 شهور لاني من راتب ولا سيارة زي الناس حتى مكيفها يحتر في الليل رجعتها للشركه وكلو علي مبلغ وقدة من غير اقساطهم واتسلف مبلغ معين واشتري لي موتر مستعمل صلت فيه اشياء بسيطه ويالله لك الحمد شايل رجلي


up 2 down 0
بريق الرياض 259
قبل 6 سنه و 7 شهر



زبدة الكلام التاجير مافيه بركة


up 1 down 0
بريق الرياض 259
قبل 6 سنه و 7 شهر



الله يعافيك فعلا موضوعك يجعل الشخص يعيد حساباته وافكاره والله اكسنت ب15 الف كاش افضل من اقساط ودفعه اولى واخيره واقساط وقلة حيا ومدري عن حكمها الشرعي وتجمع لك قرشين حلووين ووتبيع الاكسنت وتزود عليها وتاخذ كاش موضوعك اعاد الحسابات وغير الافكااااااااااااار تشكررررررررررررر جزاك الله خيرررررر مووضوعك جيمل جدا


up 3 down 0
امير الاصيل 1713
قبل 6 سنه و 7 شهر



جزاكم الله خير عالتعقيب والتنويه ؛ وفعلا الحكم الشرعي فيه من اجاز بشروط ؛ احدها ان التامين يكون على الشركة المؤجرة ؛ وهذا طبعا الذي لا يحصل ابدا بطبيعة الحال عندنا ؛ 

ف ا انت ملزوم بالتامين شتسوي ؟؟ كلنا نعرف انه حرام لكنه مفروض علينا من الدولة ؛ ف صار واجب طاعة ولي الامر ؛

~~~~ امير الاصيل

اشكرك انت على استنتاجك الجميل حقيقة ؛ اثرت نقطه حلوة ولفت انتباهنا لفكرة ممتازة ؛

فيه واحد ؛ خويي ؛ شرى له كروز كاش ب ٣٠ الف ؛ قعدت معه فتره ؛ ما ارتاح لها ؛ مافيها بلوتوث ؛ aux ; حساسات خلفية ؛ وتعرف الشباب يهتمون بهذي المواصفات ؛

باعها بعد شهرين ب ٣٢ ؛ وماشالله تبارك الله كسب فيها وخدمته فتره ! 


 


up 1 down 0
سآآآل 318
قبل 6 سنه و 7 شهر



ابعدووووووووو عن مصرف الراااااجحي


up 0 down 0
mohand20008
قبل 3 سنه و 4 شهر



لا بارك الله في مصرف الراجحي


up 0 down 0
azizksa2011
قبل سنه و 5 شهر



والاهلي اخس من الراجحي


up 0 down 0
abuakram123
قبل سنه و 3 شهر