افضل طريقه لغسيل المكينه واسفل السياره

غسل المكينه من فوق وحده من الاثنين
1-ديزل وصراحه جربته وممتاز يزيل الشحوم والزيوت والاتربه لكن بعد فتره يرجع التراب لان الديزل فيه ماده تخلي التراب يصلق في بطن الموتر

2- فيه طريقه للاخ شاقح شارحها بدورها لك واجيب لك الرابط
عباره عن بخاخ تبخه على الكبوت وبعد دقائق تغسل بالماء و9من 10 من وجهه نظري يعطيك لمعان بالموتر وتنظيف

لا تقرب عن البستم وغسيل المكينه لان الفوردفيها حساسات كثيرة انا عندي فورد اكسبديشن 2005 غسلته بستم القير تصلب علي لو تبي تنظف المكينه نظفها بالهوا فقط

تنظيف المكينه بالهواء المضغوط.

جزاكم الله الف خير
وبالنسبه لموضوع شاقح قريته ومقنع جدا

تنظيف المكينه وداخل الكبوت بالهواء المضغوط . فقط لا غير

اذا مكينتك عليها غطاء ديكور بلاستك ممكن تمسحه بقطعه قماش مبلوله بالماء ( بعد عصرها جيدا )

نصيحه لا تغسل المكينه وبستم والخ.. ما راح تستفيد بتغبر بعد فتره قصيره .. وبيسبب لك مشاكل اكثر من نفعه

السيارات الجديده كلها حساسات وأجهزه كهربائيه

اضف إلى ذلك إنك اذا غسلت المكينه وهي حاره .. تنشعر وتتأثر

والشكمان والهدرز والخ... من الأجزاء الحاره جدا .. اذا غسلتها وهي حاره تنشعر وتتأثر

لأنها تكون حاره جدا جدا وفجأه يجيها ماء بارد مقارنه بحرارة المكينه والهدرز والشكمان

ما أنصحك بغسيل المكينه

واذا جيت تغسل بستم .. خل السياره تبرد .. و خلهم يغسلونها بصابون وماء مضغوط

بدون ديزل

لا تغسل بستم إلا اذا قالولك الورشه او الميكانيكي .. اغسل بستم عشان يشوف من وين تهريب الزيت مثلاً

أو عشان يشوف اذا راح التهريب

لكن طبعا لسبب مقنع .. مو عشان خايف يتوسخ من السياره

يعني اذا قالولك اغسل بستم أسألهم عن السبب

في بخاخ ينباع في ساكو..انصحك فيه تنفخ المكينه بالهواء وبعدها تبخ البخاخ ع المكينة وتخليه خمس الى عشر دقايق وبعدها تغسل المكينة بالماء....وتشوف كيف كنها طالعه من الوكاله
....جربتها في بليزر 78 طلعت كنها جديدة




....

افضل طريقه لتنظيف المكينة رح اي بو ريالين قل ابي ملمع أستيل اسمه موبي يجي لونه فضي او حديدي ب 8ريال بخه وخله 4 إلى 5 دقائق وتمسحه بخرقه