أضف سؤال أو موضوع جديد          

سالفة حادث صارلي اللي ماله داعي ايام الطفره ههههههههه

up 39 down 26
شويخ من أرض مكناس 2823
قبل 6 سنه و 9 شهر



السلام عليكم
شفت نفسي فاضي قلت ندردش المنتدى نايم شوي
هذا حادث صارلي وكان تحطيم نفسيا بصراحه جاني احباط 

راتبي 3500 وقسط السياره 1350 والحال مايعلم بها الا الله

كانت مازدا زوم 3   مديل 2008 فل كامل بصراحه اروع سياره سيدان صغير سقتها مقارنه باي سياره
سافرت عليها كثير برا السعوديه فرفت فيها ممتازه مره

المهم الحادث كيف صار ؟
كنت موظف فمكتبة جرير فرع الاحساء شارع الاحساء

يوم من الايام كان الجو بارد المهم انا اتاخر في الخروج دايما
احد الموظفين سوري صاحبي قلتله خذ المفتاح وروح حم السياره وجيبها على بال ماجيك لانها كانت واقفه عند اسواق التميمي

المهم خلصت الشغل وطلعت لقيت الموظفين يناظرون فيني مذهولين
واشوف سياره خاشه فالجدار وقاعد اقول فنفسي من ذا الاهبل اللي صادم كذا
مع الليل ولون السياره غامق ما انتهبت انها سيارتي هههههههههههههه

يوم قربت الا اشوف عماد وجه النكبه  رايح وجهه مثل القووطه احمر

طبعا عماد فالاخير غلطته فالحادث انه كان يلعب فالتبتروينك اشغله عن السواقه

 اللي عارف مكتبة جرير وانت داخل المواقف قدام صراف بنك الاستثمار
الرجال جى بيلف وبدل مايمسك فرامل وهو لاف راح دعس بنزين مع دعسة البنزين لقط الصراف
من الخلف كسر العواميد وكسر خلفية الصراف
مع الربكه
زاد دعس بنزين على انها الفرامل ويخش فالجهه الثانيه وإلا يكملبها ويصدم  في حافة جدار


اول ماعرفت انها سيارتي راح بالي فالتامين الشامل على طول لان الحادث قد صار وانتهى
ومابستفيد شي لو عصبت او ضربت عماد
 بيجي المرور وبيعرف انه اللي صدم بالسياره مو انا والتامين ماراح يشملني

فقلت للموظفين توكلو على الله وياعماد امش ولا اشوف واحد واقف هنا (( ابي انسب الحادث لنفسي مع عدم وجود شهود عشان التامين الشامل هههه ))

طيرت المتجمهرين واتصلت على المرور يوم جى
قال الحادث كيف صار
قلت ابد 
كنت ماشي وشوي واحد لف علي وهرب ومامداني امسك فرامل فحاولت اني ادخل مواقف جرير  وصدمت الصراف والجدار

جى شاف موقع الحادث
قال ياخي الحادث طريقته غريبه ومقتنع فكلامك المفروض السياره توقف على صدمة الصراف وش اللي خلاها تصدم الصراف وتروح للجدار مره ثانيه !!

بعدين غريبه مافي متجمهرين ولا فيه احد ولا شهود  !!!
قال من طريقة الحادث هذي مايسويها الا واحد غشيم شكل اللي صدم بالسياره مو انت وتبي تلزقها فظهر التامين
وضعك مشكوك فيه 

قلت المهم خلص اوراقي 
ضحك وقال الا طز فالتامين خله يستاهل حطها فظهره بعد ماتخلص السياره ويصلحونها وتستلمها قول لشركة التامين انه مو انت اللي صدمت فالسياره
خويك اللي صدم فيها وانت لعبت عليهم عشان تفقع قلوبهم ذولي حراميه مايجيهم الا كذا هههههه طلع عسكري متاذي مثلنا فلاوي ههههه

اخذت اوراقي
رجعت للسكن لقيت عماد قدامي كان بيبكي من الخوف
قلتله يارجال ماعليك وش بستفيد لو تضاربت معك ماعتقد السياره بترجع ولابنرد القضاء والقدر وانت ماكنت قاصد انك تصدم فيها
فدام التامين الشامل بيصلحها انتهى موضوعها ولو اجد سبب واحد انتفع فيه من ضربك كان ضربتك ههههههههه

بس ماني مستفيد شي اخاف تصير مضاربه وافقع راسك ببلكه وتموت وبدل ماحل مشكلة السياره ادخل فمشكله اكبر منها عشان حديد

اليوم الثاني رحت للمرور وسبحان الله الله ييسرها علي ومشت اموري في دقايق بدون واسطه رغم الزحمه

دخلت مرور الملز قسم الحوادث ولقيت العالم صافه سرا لحد الباب
دخلت ابي اسئل العسكري عن اللي صارلي ووين اروح ووش اسوي لاني ماني عارف شي وكنت متجاوز الطابور

المفروض اصف سرا مع اللي صافين

العسكري قال عطني اوراقك اشوف ؟ اخذها وقال خلاص روح للمكتب الثاني خله يختمها
والله العظيم اموري مشت وخلصت اجراءات المرور بدون واسطه ولا اعرف احد كيييف والله مدري 
لدرجة انه واحد من اللي صافين تهاوش مع العسكري وقال انت تمشي بالواسطه شلون هذا الشخص مشى علينا !!

رحت لشركة التامين وقالوا دخلها الوكاله دفعت 500 بس وقيمة الاصلاح تقريبا وصلت 21 الف
الواجهه والكبوت والرفارف والمقصات والكفرات الاماميه كلها تغيرت
المهم بعد هالحادث
صرت ماحب اعطي اي احد سيارتي 

هذي صورة المازدا لها ذكريات ماتنسى 

وسلامتكم












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ههههههههههههه
قصه حلوه وممتعه أخر الحوادث إن شاء الله 


up 0 down 0
Abu Tariq 16 1086
قبل 6 سنه و 9 شهر



توي اشوفها قصدي عمان هههههههه


up 0 down 0
عاشق الشفر 90 707 128
قبل 6 سنه و 9 شهر