سيارات اهرب عنها وانحاش

الله يعوض عليك قوية 16 الف بفترة قصيرة قهر
وعموما أغلب اذا مو كل السيارات الحديثة ديكوراتها سييييئه وتتهربد وسعرهاااا سماااا

غريبه والله

انا تجربتي مع الدينالي

قالوا الدينالي بطل ومريح و كل شيء

وطلع اليوكن العادي او الفل كامل اطلق منه

ما ادري ويش الفرق بين الدينالي واليوكن الفل كامل

الداخليه نفسها بالتمام ما فيه اي اختلاف والمواصفات مافيها اي اختلاف ما عدا الدبل شغال على طول بالدينالي والفل كامل تقدر تتحكم فيه

الدينالي قاسي جدا والله

وهو نفس اليوكن الفل كامل بالجنوط يعني كلها 20

لكن الدينالي اعوذ بالله قاسي جدا جدا ما كملت 70 الف واحسها خلاص راح تتفكك

اتوقع كل 100 الف لازم تربيط

مساعداتها يقولون رياضيه عشان كذا قاسي عليك

مثل الكابرس التي زد و مثل الاس اس كلها نفس المواصفات لكن الاس اس رياضي والرياضي يكون قاسي جدا

والعزل سيء ايضا والناس تقول هذي ميزه مسويتها شركة جنرال موترز عشان تسمع صوت المكينه والدبه الرياضيه

هو صح صوت دبته ( الشكمان ) طرب وهو شد بلد وكاله كانه سيارة سباق و مكينته ايضا صوته ابداع

لكن والله انها ازعاج في نفس الوقت وكانك فاتح الابواب

تسمع اللي يسولف بالشارع تسمع الاصوات كلها

فقلت في نفسي ليتني اخذت يوكن فل كامل بدل الدينالي كان اصرف لي

لاني ركبت والله ياعزله ممتاز جدا وناعم وهادي مع المطبات

بس يالله ماعليهه

الحياه تجارب

تبي الموتر اللي تنحاش عنه ؟    الأوبل  ( z )  والله ان يشيب بك  وايضا اللومينا الى غاية 2003   وبرضو الترايل بليزر وشقيقه الانفوي   

الفرق طبعا بين اليوكن الفل كامل او العادي والدينالي

الاكسسوارات الخارجيه بالاضافه الى المكينه حجمها اكبر فقط

الطرب صدق الاسكاليد ماشاء الله تبارك الله واتوقع هو والدينالي تقريبا نفس الدبة او يمكن فيه اختلاف بسيط لكنه يجخر ماشاء الله تبارك الله

يالبى ابو يزيد يا شيخ الرد لحاله موضوع 

يارين يوكن سواقته مريح ومكيف ثلج 

الله يعوضك بأحسن ان شاء الله

مافحصته قبل لا تشتريه .؟؟؟؟؟

فعلا الاكسبلور سيي لا راحه واصوات ديكورات

أخذت إكسبلورر وكاله 2005 م ولا غيرت زيت إلا في الوكاله واستمريت على الصيانه كل 5000 كم وفي الأخير قررت أتوقف عن الصيانه الكامله واروح لهم بس أغير الزيت عندهم وفي عام 2012 ضربت الماكينه
يعني مهما تسوي ما يمري فيه حرام بالله يحمل اسم سياره وكلفتني 10000 ريال ومع ذلك ضربت مره ثانيه لا بوك لابو من سربك عليا يا الإكسبلورر

الامريكي بشكل عام ماينفع لنا في السعودية لأنه حساس بقووة ..كل شوي لازم صيانة ومتابعة ...و..الخ ..

الأفضل لبيئتنا الياباني ...

مشاكل الاكسبلووووور بالحقيقه ليست غريبه كم مره احصلت موضوع يشتكي منها واذكر واحد من اهل الديره اشترى فورتشنر وكان معه اكسبلور سالته عنه قام يسبه ويسبه يقول توضيب قير ومشاكل مالها حد مع ان مديله تقريبا 2009

نرجع لسؤالك عن التجارب انا تجربتي عن الفورتشنر سته سرندل اوتوو دبل دفلووك 2006 موتر بر ومرغبوب بالسوق ولايطلب قطع غيار هلكس بقس وتقريبا يحافض ع قيمته ولاكن مراتبه قاسيه و بالخطوط ممل والراحه لك عليهاا وطبعا كل سياره تبي شي لازم تعوض بشي وشكراااااااااااااااااااا

الومينا والكابرس والاكسبلورر والتريل والانفوي والاوبل والفلكس واجن كلها خايسه

شعب التويوتا والنيسان

معوض خير إن شاء الله الإكسبلورر تأخذه جديد على يدك و عساه يسلك 

التاهو الحين نفس اليوكون من ناحية العزل ولا يختلف 

لا لا لا .. اللي يقول الفلكسواجن سيئة مع إحترامي ما يعرف شي .أو ما جربها .
الماني قوة وجودة وفخامة وامان ..
صحيح قطعها غالية ووكالتها زفت . بس تعتبر من أفضل السيارات اللي إقتنيتها .