اسعار السيارات حسب الزمان والمكان

13 5

لايمكنك التصويت حتى الحصول على 20 نقطة على الأقل
إضغط هنا للإخفاء

صوت العزاوي 523
قبل 10 سنه و 5 شهر

السلام عليكم ورحمه الله وبركاته  

ان شاء الله انكم بتمام الصحه والعافيه جميعا 
جايب لكم موضوع بسيط وملل شوي 

اليوم جبت موضوع من عندي وان شاء الله محد سبقني عليه او  تكلم نفس كلامي 
لاني لاحضت بعضكم ينفعل اذا قرا موضوع  وطلع منقول  او مكرر من عضو بالمنتدى 
او من منتدى اخر  مثل منتم عارفين فيه بعض المواضيع المدفونه اسميها والمميزة
والي انحذفت وراحت علينا بسبه المشرف وسياسته الخاطئه 
طبعا انا مماحب المواضيع المنقوله واحد كاتب تجربته لسيارة وقاعد يسبها ولو نسئل صاحب الموضوع
تحصله يا مايرد او ساكت او سافهنا والرجال لهم ملاسن بين بعضهم بسببه ذا الدلخ 

 فيه بعض الاعضاء او الزوار يستفسر عن سعر سيارته  
او يقول كم تجيب او كم تسوى  
طبعا عندي ملاحضه بسيطة وانا مااقصد احد طبعا  بس فيه بعض الاعضاء الجدد
الي متحمس وحاب يثبت وجوده بالمنتدى تحصله يتفلسف  بالعربي 

مثل منتم عارفين  كل منطقة وكل مدينة وكل قرية وكل محافضة  لها سعر الخاص 
يعني مثلا يجي واحد يقول  كم سعر االنترا ياخوان نص فل 
يجي ابراهيم التركي يقول اانا حصلتها بمبلغ 60000 الف ريل
يجي راضي يقول تكب توني محصلها بـ61000 الف ريال 
يجي شاقح بن مشقوح يقول تكذب توني حصلتها بـ59 الف ريال
ويجي بعدها ابو سند يقول توني مصور المزيونه وحصلتها 57 الف 
 طبعا كل واحد فيهم ما كذب  وصادق بكلامه بس الفرق بس
ان كل واحد ساكن بمدينة ومنطقة ثاني وتبعد عن بعض 500 كيلو 
((ماراح اذكر اسم المدن حفظأ للخصوصيتهم))
امثلا على اسعار السيارات الي ترتفع وتنزل وحسب المناطق 
طبعا كلامي اقصد الاغلبية وبشكل عام وكثير منهم 
1--اهل الرياض يرغبون تويوتا    والنتيجة الاسعار مرتفعه عندهم
2-- اهل الشرقية الفوردات رخيصة عندهم والامريكي  والسيارات الجير العادي غير مرغوبة
3--اهل الجنوب او الشمال ما يرغبون  ابدا ولا يتعاملون مع السيارات الاوربية وسيارات المازدا
واكثرهم هايلوكس يرغب 
4-- الاسعار وقت الشتاء  يرتفع الامريكي ووقت الصيف يرتفع والسبب الطلب 
55 وايضا السيارات الـ4 سلندر بالصيف ترتفع وبالشتاء تنقص 
6--  وقت الاجازة والعطل   والحج الجموس ترتفع  ويصير عليها طلب ورغبة 
7-- اهل حائل والقصيم وسكاكا وجده والرياض والدمام والخبر والجوف وعرعر والطائف والباحة 
وابها و و و و كل مدينة لها سعر بالنهاية
8--ومواصفات السيارة ايضا اذا خليجي امريكي سعودي  كندي  بريمي  اردني مستورد 
اتمنى مثالي واضح وبسيط  وكلامي مفهوم
9--واسعار الدداسن والبيك اب والجيوب وقت الربيع والامطار تطير بالسماء  
وعندنا هنا بمحافضة حفر الباطن  اغلب الشرريطية يجيبون من الشرقية ويبيعون
عندنا هنا الامريكي   هنا اغلب السيارات متهالكة وسوق الكويت قريب 
والنتيجة السوق عندنا ضيعف واغلبهم  يبيع كرامته وذمته ودينه بـ200 ريال
 
عندنا اسعار السيارات هنا نازلة وطايح قبل اسبوعين بيعت كامري 2008 بيضاء توماتيك بــ26 الف ريال
 والامثلة كثيرة والي عنده ملاحضة ونقطة معينة ابشر بضيفها للموضوعي وشكرا لكم جميعا 

وكلمة اخير بدات الاجازة المدارس ياخوان وانتبهو من السرقات 
قبل امس انسرقت من سيارة اخوي شاحن الجوال و ومشغل فلاش ميموري مخليها فاتحه الله يهديه

وشكرا لكم جميعا واخوكم محمد العنزي __
حتى  

إبلاغ

الردود