أضف سؤال أو موضوع جديد          

وين أركب مراوح كهربائية في الرياض

up 5 down 2
nezarnuaimat 732
قبل 5 سنه و 2 شهر



السلام عليكم ،
كنت قد كتبت موضوع سابق (يحتر المكيف اذا وقفت السيارة) و الاعضاء بارك الله بهم ردوا ردود كافية وافية.
و بعد التفكير و قراءة جميع الردود استقر الرأي على تركيب مراوح كهربائية اضافية أمام الرديتر ان شاء الله.
و طلبي هو ممكن تدلونا على مكان أروح له؟ يفضل في الصناعية القديمة ....
أبغى كهربائي فاهم و متخصص و يعرف الشغل المطلوب ... 

أرجو منكم المشاركة حتى لو ما عندك تجربة مباشرة ... نحب نسمع من الطيبين :) 
مشكورين بارك الله بكم جميعأً
و فرصة نقول لكم رمضان مبارك و كل عام و أنتم بخير

ملاحظة: غسلت الرديتر من الخارج في المحطة و نزلت منه مويه مررررة وسخة اكرمكم الله ، فكرة طيبة لكنها لم تحل كامل المشكلة








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليك بمرواح السوبارو
الريش حقتها جباره موزونه بحيث انها تسحب كمية هواء اكبر 

بخصوص مشكلتك موجوده عندي في الفورد 
داخل المدينه المكيف يحتر ويبرد واذا مسكت خط يثلج المكيف


والسبب ان المروحه ماتسحب الحراره لان رديتر المكيف في الواجهه والمروحه ملصقه فديتر المويه ماتلحق تبرد على رديتر الميكف

ففيه واحد في فورد العربيه ركب مروحه لاصقه في رديتر المكيف ومن بعدها المكيف صار ثلاجه
بحاول اجبلك الموضوع حقه


بارك الله بك أخي شاقح ما تقصر .. بانتظار ردك


up 0 down 0
nezarnuaimat 732
قبل 5 سنه و 2 شهر



في الصناعية القديمه رحت مع واحد من الاقارب طبعا اخذنا مروحة مستعمله عليها ضمان شهر لأن الحرارة توصل فوق النصف ركب له مروحة الدينمو حقها عريض يقول فيشين بس ماشاء الله اول ماركبها يعلم الله في عز الظهر توصل الربع والمكيف شغال لأن الاول كان الدينمو صغير ودفعه خفيف اخذه 130 ريال


up 1 down 0
مهووس سيارات 472
قبل 5 سنه و 2 شهر



http://www.ford4arab.com/vb/t63570.html

شوف هالرابط مركب مروحه وزبطة اموره


دور واحد فاهم بالكهرباء ومعاه مراوح مستعمله بعضهم تلقاه معاه المروحه المناسبه بس خليه يركبها دايركت لاتخليه يركبها مع الكمبرسور لان المروحه تسحب كهرباء الكمبرسور وممكن يروح عليك الكمبرسور والدينمو حق السياره 
خليه يركبها مع فتحه السوتش وترتاح كذا منها كهربتها تكون واصله على طول 
اي خدمه حاضر لك


up 1 down 1
احمد شريف 3210
قبل 5 سنه و 2 شهر



ﻻ تركبه مع فتحة السوتش نصيحة اما تخليها مع المكيف او لها فاصل تشغلها من عندك ﻻنك لو خليتها مع السوتش مجرد تفتح السوتش شوي تنساه وانت تسولف مع واحد راحت عليك البطارية وهذي غلطتي اني سويتها في واحد من مواترنا وماودي تطيح في نفس المشكلة 


up 3 down 0
ابوابراهيم ksa 1386
قبل 5 سنه و 2 شهر



اي كهربائي ممكن يركبها لك مافيها قلق وبسيطه الشغلة

بس اهم شي انت تكون تعرف خطوات تركيبها عشان تتأكد انه ما بيلعب لك في السيارة
وتذكرة لو نسي شي ...
مفتاح تشغيل للمروحة الاضافية يكون بسوتش لحاله وانت الي تتحكم بتشغيلها
وابعد ع خط كهربة الكمبروسر
يركب كتاوت + فيوز للامان اذا حصل للمروحة عطل ماتوصل المشكلة عن طريق الاسلاك الي الاجهزة داخل السيارة
واهمها كمبيوتر السيارة ، يفصل الفيوز بس
 تثبيت المروحة بمسافة ٥ ١٠ سم حسب المساحة المتوفرة ، رأي لاتلزقها بالرديتر
عشان تتوزع التهوية صح ، ومييل ناحية فلتر الهواء شوي
بالتوفيق


up 2 down 0
aziz..747.. 2421
قبل 5 سنه و 2 شهر



وعليكم السلام
المراوح مو اي واحد يركبها ,,لانها تسحب كهرباء وتحتاج كتاوت لتنظيم الكهرباء من شان ما ترهق البطاريه والدينمو او لا قدر الله تسبب حريق ,,فبعض المراوح تحتاج قوة كهرباء معينه ,,والمراوح اللي بتركبها هل تبغها بفاصل داخل السياره او تشتغل اذا الحراره وصلت حد معين او شغاله على طول؟
لذا انا بوصف لك سعودي شباب وفنان وتخصصه تركيب مراوح وكل السيارات اللي عنده مرهمه ويركب لها مراوح كهرباء وراح يفيدك بكل شي ويختصر عليك اشياء كثيره من شان ما تخسر ,,
الوصف,,وانت بالدائري الشرقي ووجهك جنوب ,بعد مخرج 17 على طول امسك الخدمه حتى تجي لوحه على يدك اليمين (تقديرات المرور) اطلع يمين الحين صار وجهك شمال امشي على طول حتى تجي ع يدك اليمين ورشة المرور ورشة الرجال قبل ورشة المرور تقريبا ب خمس ورش على يدك اليمين  الورشه عليها لوحه تقريبا متر في متر اسمها  اعتقد زهور الريم ,,فيها قسم سمكره وكهرباء وراح تشوف جيوب نيسان واجد فيها


up 2 down 0
ابونادر4647 285
قبل 5 سنه و 2 شهر



شوف يالغالي

إذا بتركب مراوح صينيه من الآن أقولك إرتاح ولا تركبها



مال أمها داعي مغير تتعب على الفاضي

انا مركب ثنتين وعز الله مانزلت الحراره

صح المكيف تغير وصار أبرد حاجه بسيطه

لكن الحراره هي هي ماتغير شيء

رغم أن واحده ماليزيه والثانيه صيني

ولكن كل وحده أطقع من الثانيه

ومسوي لها فاصل عندي بالغماره

ركب أصلي أو لا تركب


up 0 down 0
ألو مرحبا 1892
قبل 5 سنه و 2 شهر