فحص السيارات كمبيوتر
7
1
إضغط هنا للإخفاء
السلام عليكم
فحص السيارات كمبيوتر لو احد باع سيارته اكيد الي بيشتري راح يفحص بس هنا صارت قصه
فيه شخص قابلته وقالي قبل 4 او 5 مااذكر بضبط كان معي يوكن جديد موديل 2009 السياره على يدي وكاله ماكملت معي سنتين وماشيه حوالي 49 الف صيانته بوكاله ومحافض عليه والرجااال واضح عليه كبير ومحافض
وقررت ابيعه مجرد اغير من سياره كبيره الى صغيره فارحت معارض علشان ابيع موتر وقابلني شخص وقالي كيف سياره ومحركات قلت سياره على يدي وكاله ونظيفه وبودي بلد وصيانته بوكاله
قال ابي افحصها ونتوكل على الله راحو الفحص وبعد الفحص هنا مشكله الفحص قالو السياره تحتاج تصفيه مكينه هذي معليه كل الفحص يقلون كذا قالو فيها ضعف بتروس القير هنا مشكله قالو فيها صوت بمكينه داخلي ماندري ممكن سبايك ممكن عمود هنا مشكله اكبر الرجال مسك راسه
والشخص الي فحص السياره قال ياخي انت تقول سياره وكاله الرجال صاحب السياره انحرج ودفع قيمه الفحص وهو فيه حيره فقرر يروح وكاله وفحصها بوكاله الوكاله قالو خل سياره نفحصها لك فحص دقيق خلها عندهم ودقو عليه وكاله قال بشر وش فيها سياره قالو سيارتك سليمه ولا فيها شي تقدر تستلمها
الرجال فرح والحين سياره معه وماشيه حوالي 200 الف وهذي هي معه ولده وماشيه زي حلاوه
الفحص يبالغون كثير ولو تساله ليه صوت هذا يقولك مادري روح مكانيكي طيب انت وش فايده منك
صحيح ممكن فيه فحص ممتااز يحدد لك مشاكل لكن والله بعضهم ماعنده سالفه ويبالغ في شي سهل وصغير ومسوين ان حنا خبره وفاهمين وهم دجاج ومتعاونين مع شريطيه افضل شي انك تروح مكانيكي خبره وله خبره واسعه بسيارات يفحص لك سياره بدقه ويقولك وش تبي وش فيها بضبط
بنسه للسيارا ت الجديده لها جهاز فحص خاص ويشبك بكميوتر مباشره ويحدد لك اعطال بدقه
مو يحطون اسلاك ببطاريه ودينمو ويطلع لك برنت كامل ماتدري وش مكتوب فيه ويجي يتفلسف عليك
فاللي صارت له مشكله مع الفحص ياليت يذكرها لنا
إبلاغ
الردود
0
0
اشتريت سياره من شريطي نوعها كابرس رويال جايبه من الامارات وفحصته كمبيوتر وبالجهاز حق الفحص وطلع 100% واشتريت وبعدها بشهرين قلت ببيع وجاني رجال من الرياض وفحص الموتر في نفس المكان الي فحصت فيه قبل شهرين وقال البدي كامل مرشوش !!!!!!!
بصراحه ارتفع ضغطي قلت انا فاحصه عندك قبل شهرين تقول سليم قال ما اذكر وهنا شهرين ممكن انت رشيته !!!!
قلت حسبي الله عليك
والرجال عشيته وحجزت له على حسابي واعتذرت منه وحلفت له اني ما ادري انه مرشوش والرجال الله يذكره بالخير طيب وكفو وقلت خذه ب50 وكان السعر المتفق عليه 75 والله كلها عشان مشواره واحراجي قدامه
وجلس الموتر معي سنه كامله وجيت لشريطي وقلت وش رايك بالسياره قال مافيها شي لا رش ولا غيره !!!
رحت وفحصت في مكان ثاني بالجهاز وطلع سليم 100% وفرحت والله اني كرهت السياره والسبه من الفحص الخايس
ورجعت لرجال وقلت افحص انا جيت كذا فحص والموتر سليم وانت تقول مرشوش ابيك تفحص الحين وفحص وطلع سليم في اللحظه هذي صفقته بحديده جنبي ولا فرع فيه الا الشباب الي كانو حاضرين
وبعته ب69
هذا الي صار معي ..
2
0
رحت للنسيم ومعروف يمكن فحص كارتك انا مالفت انتباهي الي بدي السياره الطعوج و المخوش الي عليها قلت هذي تهون
استلمها المهندس طلعت فيها بلاوي الدنيا قلت ماودي اظلم الرجل قلت له قيمت الفحص عليك اذا الموتر مافي شي انا اتكفل في كل
شي قالي طيب طبعا دفعت المبلغ الاول قلت له رح ودها لفحص ثاني اشوف التقرير الموتر طبعا بعدها لادق ولا شفته
انا بس ابي اقول للي ماعندهم ذمه ولا ضمير بالبيع ان البركة بالبيع كيف ترضي انك تاكل مال حرام
0
0
أرفع عقالي و شماغي الأحمر لك
مع لايك
ههههههههه
أكل علقه ما ينساها
0
0
أغلب محلات الفحص عند المعارض ما يعرف يفحص وكثير منهم متفقين مع الشريطية إذا كان بايع يقول السيارة نظيفة وإذا مشتري يطلع عيوب علشان يبخسوا موترك
حسبي الله على كل ظالم
1
0
رقمي 0569995123
2
0
0
0
1
0
١- الكمبيوتر لايفحص الا الاشيا الكهربايية في السيارة وتقرير نسبة المكينة كذب ودجل
٢- اذا ترغب في فحص المكينة والقير والدفرنس تحتاج خبير او ميكانيكي فاهم
٣- فحص البدي والشاص تحتاج خبير او جهاز فحص البدي الالماني الصنع
٤- وبالنسبة لمحلات الفحص القريبة من المعارض يبغا يكسب فلوس شريت او ماشريت
بالتوفيق
0
0
1
0
وانا بيني وبينك إذا جيت أشتري السياره أفحصها بنفسي وأجربها وأسئل راعيها وأحسسه قبلها إني بفحصها
كمبيوتر علشان لو فيها شيء يقولي
أدري إنه تقصير بس والله ما أثق بفحص الكمبيوتر
جربت وفحصت سياره لي علشان عندي مشكله والله ماطلعوها لي
مغير انا وصلت لها بعد عدة صيانات
وأعرف واحد وضب مكينه وقير لأفلون راح يفحصها على حسابه كمبيوتر
قبل لا يبيعها علشان يشوف الفحص يطلع إن المكينه موضبه ولا لا
يقول والله إنهم اما دروا عن شيء
فلذالك أغلب محلات الفحص متعوشين مايدرون عن شيء
أما الوكاله ما أقدر أفتيك فيهم لاني ماجربت ولكن أعتقد إنهم هم أصحاب الخبره
شكراً سكودر
قبل 9 سنه و 10 شهر