أضف سؤال أو موضوع جديد          

مساعدة في الإختيار

up 2 down 1
ssv8 1048
قبل 7 سنه و 11 شهر



السلام عليكم ورحمة الله وبركاته ، وش أخباركم يا شباب ، إن شاء الله إنكم بخير ، بدخل في الموضوع على طول ، عندي قريب لي بيشتري سياره وهو محتار بين سيارتين طبعا كلهم جدد ، السيارتين هم هيونداي أزيرا 2015 الدفعة الأولى فل كامل بسعر 108 ألف والسياره الثانيه هي تويوتا أفالون 2014 XLI ( ستاندر) بسعر 110 ألف  ، وش رايكم يا شباب والرجاء كل الرجاء لحد يخش عرض ويقول اشتر الموتر الفلاني والا زيد شوي فلوس واشتري كذا ، أبي رايكم بالسيارتين فقط وكل الشكر مقدما 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


افلون الازيرا بيتغير شكلها 


up 1 down 0
abdullah 9111 132
قبل 7 سنه و 11 شهر



الازيرا 

بصراحة حلاة السيارة أنها تكون فل كامل 

اما الاستاندر باي سيارة تطفش من السيارة بسرعة


up 2 down 0
albroker99 743
قبل 7 سنه و 11 شهر



افالون ويكفيك انها تويوتا 


up 2 down 3
صهيب أحمد 31
قبل 7 سنه و 11 شهر



قل له ياخذ الفل و انت عبها له فل ههههه

الازيرا الفل ما ادري تجي مكينة 3.3 و الا نفس الاستاندر 3.0
ﻷن ال3.0 قوتها 260 و ال3.3 قوتها 290 ( اللي في السنتافي و الكادينزا )
الافالون 3.5 قوتها بحدود ال280 حصان


up 1 down 0
أبو نجوى 2443
قبل 7 سنه و 11 شهر



اسمع كلام صهيب ااحمد عليك بالتويوتا تمسك السعر ررر ورغبة السووووووووقـ لها واستعمالها ممتاز مرتفع شوف المديلات السابقه لهونداي كيف يطيح سعررها تويوتا تووووووووووووووووووووووووووووووويوتا


up 1 down 1
امير الاصيل 1714
قبل 7 سنه و 11 شهر



استغرب من هالناس اللي تقول له عبداللطيف يقلب في المواتر ويغير شاشات ومواترهم تتصنع في استراليا يقول تويوتا يعني وش تويوتا اوكي عام 2002 وتحت على عيني وراسي كانت سيارتهم من احسن السيارات لامشاكل تنقيص ولا مشكلة ضعف بدي ولا ديكور ولا غيره لكن الحين سيئة كل سياراتها مافيه الا الافلون هي اللي ماتعتبر من تويوتا والحين خربوها بذا الشكل 2012 احسن منها حتى الشريطية ساحبين على ذا يشترون القديمة لأن وراها مكسب وثانيا بياخذها ستاندر ليه بتقولي هاذا حده يتشري موتر فل ولا لا يتشري


بالعقل بجلس اقصد 5 سنوات كل شهر يسحبون مني مايقل عن 1800 او 2000 ودفعة اخيرة وحالتي حالة واخرتها ستاندر ياحبيبي شف الجنسس ستاندر وش فيها وفوق كذا سعرها 115 اتكلم عن القديمة طبعا مهب الشكل الجديد تركبها كنك راكب افلون فل ودفع خلفي بعد وافضل شكل منها

وبالنسبة للازيرا لا يعلى عليها مواصفاتها ماشاء الله كاملة والكامل الله ستاير واوتو هولد وجلد وبانوراما وكل شي ولا فيه اي عيوب ولله الحمد والراي الاول والاخير له ولا يهمك اللي يقول تويوتا يمسك سعره شف اسعار السوناتا الحين والازيرا تناطح الكامري والاوريون بعدين فيه فرق بين اني اشتري موتر 110 ستاندر وفيه فرق اشتري 108 فل يعني وش ما ابي في سيارتي اتدلع واتبردق وارغب عند البيع اكيد الفل محد بيطل في وجهك وموترك ستاندر ... اسف على الاطالة وارشح له الازيرا وانا مغمض


up 1 down 0
a.ibrahem 3169
قبل 7 سنه و 11 شهر



جزاكم الله خير تم توزيع اللايكات للجميع والإختيار وقع على الأفالون نظرًا لتغير شكل الازيرا في القريب ، وأيضا رحابة الأفالون من الداخل وسعتها الداخلية بعكس ال أزيرا ضيقة من الداخل شكرا لكم 


up 0 down 1
ssv8 1048
قبل 7 سنه و 11 شهر