أضف سؤال أو موضوع جديد          

سيارات هذا الوقت ألعاب أطفال و ماتستاهل نص قيمتها

up 9 down 6
فارس بحر 45
قبل 5 سنه و 3 شهر



السلام عليكم شباب

الصراحة كان ودي أشتري سيارة و الآن لي سنة ماقدرت أقرر

لأن السيارة الجدية مثل الزواج بتقعد معك على طول

المهم جيت لسيارات تويوتا

قالوا فيها مشكلة مصنعية ألا وهو تخبيط المكينة بسبب سقوط مسمار الثلاجة

و مع ذلك أسعارها غالية

النيسان سيارات حلوه لكن تصميمها الأمامي غير جميل الارمادا و الباثفندر و الباثفندر الجديد غيروه صار ماهو بجيب و وكيله الجديد ماتدري وش وضعه
الهونداي تنك و ماهي اعتمادية

الهوندا كانت مضرب مثل فالجودة الان عليها ملاحظات وقطعها نار

المازدا سيارات غير معروفة في السوق واحلى سيارة فيها السي اكس ناين لكن مكينتها تشرب شرب و مشكلتها قطع

الامريكي الشفر و الجمس و الفورد في اجواءنا الحارة تخاف منه يقطعك المتسوبيشي سيارة شركات ماعندهم خدمات مابعد البيع للعملاء العاديين و مشكلة القطع و السيارات الاوروبية في اجواءنا ماتصلح سيارات افخم طراز كم مرة اشوفها يشيلونها بسطحه وهي موديل سنتها

يعني سيارات زي اول ماعاد فيه تحس انها السيارات الآن ألعاب اطفال و مع كم هائل من العيوب المصنعية المميتة مثل تعليق مثبت السرعة في اللاند و خسارة مالية

و اسعارها مطيرينها سما





لاأحد يزعل مني لكن هاذي الحقيقة ولا نقدر نخبي الحقيقة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السيارة شيء انت مضطر له ؛ تشتريه ؛ 

خذ اللي يناسب قروشك والاقل مشاكل ؛ عموما اول مرة اسمع عن سقوط مسمار الثلاجة ؛هذي سيارات تويوتا تمشي فوق ٢٠٠ الف ماتطلب ولا قطعه غير استهلاكية ؛ بعدها تغير اشياء بسيطة وتكمل معك 

عموما نظرتك جدا تشائمية ؛ اذا مرة مررررة قفلت معك من كل السيارات الجديدة ؛ روح اشتري لك كرسيدا وانتهينا ؛ 


up 8 down 6
سآآآل 318
قبل 5 سنه و 3 شهر



من قالك هونداي تنك اجل التايوتا فولاذ مثلا ؟!

حسب الميزانيه تقدر تشتري شي يرضيك القناعه كنز 
انا مثلا اشتريت النترا استندر بسبب انها تستاهل قيمتها وقطع غيارها عمرها طويل ورخيص بعد تجربتي
مع اني بامكاني اشتري مرسيدس s 2014 الشكل الجديد


up 5 down 10
abdullah9876 -192
قبل 5 سنه و 3 شهر



أشتر لك همر عسكري كل بعد فتره يسوون مزادات على المعدات العسكريه

يارجال خذلك سياره 5 سنوات وبيع وأشتر جديد وهكذا ترى مافيه سياره تدوم مدى الحياة

صحيح السيارات قوتها ماهي مثل الصناعات القديمه لكن أعطوك شيء وأخذو منك شيء

أعطوك سياره بودي ضعيف مقارنه بالقديمه لكن أسرع في الخط وأكثر راحه

أعطوك سياره خراباته متنوعه ومعقده مقارنه بالقديمه مافيها كمبيوتر أساساً لكن عندك تحكم بحقن الوقود

عندك فرامل ذكيه عندك طبلون فيه حسابات دقيقه لحرارة السياره وباقي امورها وعندك لمبة تظهر لك إذا السياره فيها مشكله

ومكيف وراجه مع الخط وتعليق أفضل

يعني بإختصار السيارات الجديده تناسب وقتنا الحالي 

زمان كانت المشاوير قريبه ولا يبغون نافيقيشن ولا توفير وقود ولا شاشه ولا مكيف ولا فيه حوادث الا قليل والقطع ماهي متوفره وتحصل كل عائله سياره واحده ويبغونها للحلال وتوصلهم مشاويرهم بس وتحصلهم يتوارثونها 20 سنه قدام فلذالك يصنعون قوه بلا تطور

بعكس الآن الواحد يبحث عن التطور وتوفر القطع والتكييف والراحه والمواصفات الكماليه والسرعه وخفتهل مع الدعسه وتحصل كل بيت فيه اربع ثلاث سيارات والحوادث كثيره مع الزحام فبيضطر الواحد يبدل سيارته فليش يصنعون سياره ثقيله وقويه

وبعد كذا الناس ماعد ترغبها علشان مافيها مواصفات كماليه 

ماهو معقوله إنك تبغا سياره تعيش معك مثل زوجتك الى إنك تموت اكيد مابتعدي 5 سنوات الا وانت تبي تبدل


up 5 down 1
ألو مرحبا 1893
قبل 5 سنه و 3 شهر



جرب تسوق سياره موديلها قديم وسوق سياره موديلها 2014
بتحمد ربك على هالنعمه


up 5 down 3
ryan-999 -189
قبل 5 سنه و 3 شهر



ياخوي هذي خطة شركات مايبون السيارات تطول عند الناس 

يبون الناس تستهلك عشان أقتصادهم 

يارجال بعض المكاين ما تتوضب خبطت أرميها ودور تشليح 

الله يكون بعوننا يارب 



up 1 down 3
وعلى نياتكم ترزقون 311
قبل 5 سنه و 3 شهر



الفورد عندي من 2002 ماقد واجهت حرارة الا لمى انفقع الرديتر فقط مدري انت شكلك تمشي من كلام الناس 
وانت حسب رغبتك 


up 1 down 2
سعيدksa 36
قبل 5 سنه و 3 شهر



الظاهر انك تسمع لناس كثير في كلامهم عن عيوب السيارات
يارجال اشتر سياره وخمس سنسن طق بغيرها
وتكون خلال خمس سنوات ما طلبت شي لانها جديدة


up 2 down 2
نظره امل 398
قبل 5 سنه و 3 شهر



يارجال وسع صدرك اعرف رجال من 1985 يطلع جمس جديد من الجميح ويغيره سنويا فقط يدفع الفرق ويحلف بالله مايعرف وشو الرديتر وشو الفحمات سألناه مره قلنا له ليش تسوي كذا قال انا ماعندي استعداد اصلح وافك واربط
تصدقون ماشاء الله اننا ننتظرجيته في عيد الفطر عشان نشوف سيارته الجديدة


up 1 down 0
أبولتين555 654
قبل 5 سنه و 3 شهر



ماشاء الله اجل يغيره سنوياً ، شكله عنده خير ☺


up 1 down 2
ص ق ر 525 249
قبل 5 سنه و 3 شهر



والله اخوي انت ماخذ الموضوع بسلبية رهيبة 
واذا بتنتظر شي كامل راح.تنتظر طول عمرك ولا بتحصل
بابنسبة لي السيارات الجديدة أفضل.من.القديمة بكل شي


up 1 down 0
albroker99 742
قبل 5 سنه و 3 شهر



الرجل بخير وليس غني ولكن الرجل هذي قناعته يقول فقط الفرق اللي يدفع مايتجاوز عادة عن 20 الف حتى وان اختلف شكل الموديل الجديد


up 0 down 0
أبولتين555 654
قبل 5 سنه و 3 شهر



خذلك هايلكس حمار مكده ولا ونيت ثور مكده 


up 1 down 0
b1970 88
قبل 5 سنه و 3 شهر



 اخوي جمس وشفر تغير عن زمااان

تراها صارت شركه فخمه ومنافس قوي


up 0 down 0
sehly11 644
قبل 5 سنه و 3 شهر



اعجبتك سيارات اليوم والا ماأعجبتك
انت مظطر تستخدمها

يعني بتجلس على الليموزينات مثلا


up 0 down 0
سلطان4040 1235
قبل 5 سنه و 3 شهر



ياخي وش اقول لك !!!
انت بس جاي تعيب بالسيارات 
و مين قالك الفورد و الجموس و الامريكي يقطع بك ؟؟ 
لو كﻻمك صاح طيب فسر لي ليش
انت تدري ان الفورد كراون فكتوريا صنفت افضل سيارة اعتمادية بامريكا عام 2010 
الدوريات كلها فورد و ليش بكل شارع ﻻزم تشوف لك فورد و جمس و اتحداك تجيب لي بيت ما فيه فورد او جمس 
و الحين بالعقل كيف سيارة فخمة مصممة انها تكون مريحه و فارهه الخ و تتعطل 
ياخي انت فاهم غلط بقووة 
الحين سيارات زي المرسيدس و البي ام دبليو من افضل السيارات بالعالم 
بالجودة و المتانه و القوة المحركات و البدي الخ اكيد تكون اعتمادية 
يعني بالله عليك شركة زي مرسيدس تدفعك 300 او 400 الف ريال  على شان  تتعطل عليك ؟
ما اقول الى( اللي ما يطول العنب حامض عنه يقوول )


up 1 down 1
دعبدالله 1
قبل 5 سنه و 3 شهر



صدقت ،السيارات الجديدة لم تعد كالسابق من ناحية الجودة .


up 0 down 0
أبوعمر 99 1036
قبل 5 سنه و 3 شهر



صدقت بالموضوع كانت نظرتي مثل نظرتك 
بس لما تركب سيارة جديد راح تلاحظ الفرق ؟ صح انها كراتين وكانها فليين ولا قطع قماش
بس لو كانت سيارتك اقل من موديل 2000 تلاحظ  ان كلامك غلط ؟

وسبب التغير = التطور
والحين سيارة ب 60 ولا 65 فيها اعلى المواصفات ولا تصرف بنزين حتى مثل القديم





up 0 down 1
kiphone5s 6
قبل 5 سنه و 3 شهر