سيارات هذا الوقت ألعاب أطفال و ماتستاهل نص قيمتها

السيارة شيء انت مضطر له ؛ تشتريه ؛ 

خذ اللي يناسب قروشك والاقل مشاكل ؛ عموما اول مرة اسمع عن سقوط مسمار الثلاجة ؛هذي سيارات تويوتا تمشي فوق ٢٠٠ الف ماتطلب ولا قطعه غير استهلاكية ؛ بعدها تغير اشياء بسيطة وتكمل معك 

عموما نظرتك جدا تشائمية ؛ اذا مرة مررررة قفلت معك من كل السيارات الجديدة ؛ روح اشتري لك كرسيدا وانتهينا ؛ 

من قالك هونداي تنك اجل التايوتا فولاذ مثلا ؟!

حسب الميزانيه تقدر تشتري شي يرضيك القناعه كنز 
انا مثلا اشتريت النترا استندر بسبب انها تستاهل قيمتها وقطع غيارها عمرها طويل ورخيص بعد تجربتي
مع اني بامكاني اشتري مرسيدس s 2014 الشكل الجديد

أشتر لك همر عسكري كل بعد فتره يسوون مزادات على المعدات العسكريه

يارجال خذلك سياره 5 سنوات وبيع وأشتر جديد وهكذا ترى مافيه سياره تدوم مدى الحياة

صحيح السيارات قوتها ماهي مثل الصناعات القديمه لكن أعطوك شيء وأخذو منك شيء

أعطوك سياره بودي ضعيف مقارنه بالقديمه لكن أسرع في الخط وأكثر راحه

أعطوك سياره خراباته متنوعه ومعقده مقارنه بالقديمه مافيها كمبيوتر أساساً لكن عندك تحكم بحقن الوقود

عندك فرامل ذكيه عندك طبلون فيه حسابات دقيقه لحرارة السياره وباقي امورها وعندك لمبة تظهر لك إذا السياره فيها مشكله

ومكيف وراجه مع الخط وتعليق أفضل

يعني بإختصار السيارات الجديده تناسب وقتنا الحالي 

زمان كانت المشاوير قريبه ولا يبغون نافيقيشن ولا توفير وقود ولا شاشه ولا مكيف ولا فيه حوادث الا قليل والقطع ماهي متوفره وتحصل كل عائله سياره واحده ويبغونها للحلال وتوصلهم مشاويرهم بس وتحصلهم يتوارثونها 20 سنه قدام فلذالك يصنعون قوه بلا تطور

بعكس الآن الواحد يبحث عن التطور وتوفر القطع والتكييف والراحه والمواصفات الكماليه والسرعه وخفتهل مع الدعسه وتحصل كل بيت فيه اربع ثلاث سيارات والحوادث كثيره مع الزحام فبيضطر الواحد يبدل سيارته فليش يصنعون سياره ثقيله وقويه

وبعد كذا الناس ماعد ترغبها علشان مافيها مواصفات كماليه 

ماهو معقوله إنك تبغا سياره تعيش معك مثل زوجتك الى إنك تموت اكيد مابتعدي 5 سنوات الا وانت تبي تبدل

جرب تسوق سياره موديلها قديم وسوق سياره موديلها 2014
بتحمد ربك على هالنعمه

ياخوي هذي خطة شركات مايبون السيارات تطول عند الناس 

يبون الناس تستهلك عشان أقتصادهم 

يارجال بعض المكاين ما تتوضب خبطت أرميها ودور تشليح 

الله يكون بعوننا يارب 

الفورد عندي من 2002 ماقد واجهت حرارة الا لمى انفقع الرديتر فقط مدري انت شكلك تمشي من كلام الناس 
وانت حسب رغبتك 

الظاهر انك تسمع لناس كثير في كلامهم عن عيوب السيارات
يارجال اشتر سياره وخمس سنسن طق بغيرها
وتكون خلال خمس سنوات ما طلبت شي لانها جديدة

يارجال وسع صدرك اعرف رجال من 1985 يطلع جمس جديد من الجميح ويغيره سنويا فقط يدفع الفرق ويحلف بالله مايعرف وشو الرديتر وشو الفحمات سألناه مره قلنا له ليش تسوي كذا قال انا ماعندي استعداد اصلح وافك واربط
تصدقون ماشاء الله اننا ننتظرجيته في عيد الفطر عشان نشوف سيارته الجديدة

ماشاء الله اجل يغيره سنوياً ، شكله عنده خير ☺

والله اخوي انت ماخذ الموضوع بسلبية رهيبة 
واذا بتنتظر شي كامل راح.تنتظر طول عمرك ولا بتحصل
بابنسبة لي السيارات الجديدة أفضل.من.القديمة بكل شي

الرجل بخير وليس غني ولكن الرجل هذي قناعته يقول فقط الفرق اللي يدفع مايتجاوز عادة عن 20 الف حتى وان اختلف شكل الموديل الجديد

خذلك هايلكس حمار مكده ولا ونيت ثور مكده 

 اخوي جمس وشفر تغير عن زمااان

تراها صارت شركه فخمه ومنافس قوي

اعجبتك سيارات اليوم والا ماأعجبتك
انت مظطر تستخدمها

يعني بتجلس على الليموزينات مثلا

ياخي وش اقول لك !!!
انت بس جاي تعيب بالسيارات 
و مين قالك الفورد و الجموس و الامريكي يقطع بك ؟؟ 
لو كﻻمك صاح طيب فسر لي ليش
انت تدري ان الفورد كراون فكتوريا صنفت افضل سيارة اعتمادية بامريكا عام 2010 
الدوريات كلها فورد و ليش بكل شارع ﻻزم تشوف لك فورد و جمس و اتحداك تجيب لي بيت ما فيه فورد او جمس 
و الحين بالعقل كيف سيارة فخمة مصممة انها تكون مريحه و فارهه الخ و تتعطل 
ياخي انت فاهم غلط بقووة 
الحين سيارات زي المرسيدس و البي ام دبليو من افضل السيارات بالعالم 
بالجودة و المتانه و القوة المحركات و البدي الخ اكيد تكون اعتمادية 
يعني بالله عليك شركة زي مرسيدس تدفعك 300 او 400 الف ريال  على شان  تتعطل عليك ؟
ما اقول الى( اللي ما يطول العنب حامض عنه يقوول )

صدقت ،السيارات الجديدة لم تعد كالسابق من ناحية الجودة .

صدقت بالموضوع كانت نظرتي مثل نظرتك 
بس لما تركب سيارة جديد راح تلاحظ الفرق ؟ صح انها كراتين وكانها فليين ولا قطع قماش
بس لو كانت سيارتك اقل من موديل 2000 تلاحظ  ان كلامك غلط ؟

وسبب التغير = التطور
والحين سيارة ب 60 ولا 65 فيها اعلى المواصفات ولا تصرف بنزين حتى مثل القديم