أضف سؤال أو موضوع جديد          

معلومات لايعرفها الملايين تجاه الوكلاء النصابين

up 14 down 3
YASSER505 4165
قبل 4 سنه و 10 شهر



السلام عليكم



للأسف 99.99.99% من الناس يحسب الوكيل باعك السياره خلاص انتهت مسئوليته وما لك اي حق تجاهه

بما ان موديل سيارتك ما مضى عليه اكثر من 10 سنوات فإليك بعض حقوقك تجاه النصاب ,, قصدي الوكيل :-

1- الوكيل ملزم رغم انف انفه احضار القطعه لك بسعرها الحقيقي خلال مدة لاتتجاوز شهر والا سيتم تغريمه ,, ولا يحق له اضافة ريال واحد اضافي على المبلغ الفعلي والا قم بابلاغ وزارة التجاره
2- لك الحق بشراء القطعه من وكيل وتركيبها لدى وكيل اخر او العكس اذا استوفت القطعه جميع الشروط الاصلية المعتمدة من المصنع ولا يلغي هذا الضمان
3- اذا تعطلت السيارة بعطل عجز عنه الجميع ،، الوكيل ملزم بفحص السيارة واخبارك بالعطل بالضبط " مو نظام غير المكينة كامله او القير كامل وتحديد العطل الدقيق " بدون اي تكلفة اضافية وان قال كلمة " ماتتصلح " ابلغ وزارة التجارة فوراً

4- لايحق للوكيل ترك السيارة لديه اكثر من شهر للاصلاح والا سيتم تغريمه من وزارة التجارة " الوعلان كمثال ,, اقل موعد استلام عنده 25 يوم "

5- يحق لك اعادة السيارة " موديل السنة فقط" اذا اكتشفت انك وقعت على مواصفات الفل اوبشن واكتشفت خلاف ذلك من وكيل محلي اخر وتعويضك بالمبلغ المرضي او تركيب النواقص " قضية بوزارة التجارة "

6- يحق لك رفض السيارة ان تجاوز الممشى 25 كيلو متر اثناء الاستلام بدون اييي خصم من المبلغ الي دفعته او ارغامهم على استبدال السيارة بسيارة لم تستخدم بشكل كبير

7- يحضر على الوكيل عدم تزويدك برقم القطعه والتسعير عند الطلب متى ما اردت وعند الرفض ابلغ وزارة التجارة
8- يجب على الوكيل افادتك بأي استفسار غير متوفر بكتيب المستخدم سواء بالحضور او بالاتصال او بالمراسلة وعند الرفض يحق لك الشكوى


بالختام تعريف وكيل السيارات بالمختصر : هو الفرع الاخر للمصنع وله الصلاحيات كاملة وكأنه مصنع السيارة نفسه والتزامته الي عليه هي نفسها التزامات المصنع

لكن بعض الوكلاء الانجاس الي عندنا كروشهم ممتليه من الفلوس بسبب غبااااء ودلااااخة البعض الي مايعرف حقه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكثر الشعب مايعرف هذي الحقوق له 
لكن لنفرض انه يعرفها وحصل له مشكله مع الوكيل ماراح يأخذ حقه 
لان الوكيل اقوى وكلنا نعرف رفع شكوى كم تأخذ ولا فيها فايده ابد
والمشكله الاكبر من الشعب كل سنه ترتفع اسعار السيارات  ترتفع المبيعات شيء غريب


up 1 down 0
السيدالمحترم 552
قبل 4 سنه و 10 شهر



معاك حق بكل الكلام اللي قلته لكن هل وزارة التجاره ستتفاعل مع الشكاوى المرفوعه بالسرعه الكافيه لضمان عدم التاخير والتلاعب..
والوكلاء عموماً مسوين كأنه متفضل عليك بالسياره مو كأنك أنت العميل وله الحق بانه يرضيك بكل الطرق المشروعه..
تستاهل عشره لآيك إن شاء الله أوصل للمسموح وأعطيك..


up 2 down 0
alasfi 79
قبل 4 سنه و 10 شهر



وزارة التجارة اشهد لها بكسر خشم وكالة الوعلان , ساكو , اكسترا , جرير لي شخصياً 

والتفاعل سريع 
 وكيل الوعلان الشرعي اتصل بي يقول امر وش تبي ونصلحه لك بس خلاص الغ الموضوع والموضوع انتهى لكن ماتواصلوا معي وصعدوه الوزارة دون طلب مني والله يشهد واني تفاهمت مع مدير الصيانة السابق واقنعته بعد الشكوى لكن ما تواصلوا معي للمتابعة ورفعت للتصعيد ,,, هاه وش رايك ؟؟؟ 




up 3 down 0
YASSER505 4165
قبل 4 سنه و 10 شهر



اخوي طيب افرض ان نروح نشتكي على وكاله فلان..
في وزاره التجاره ؟



السوال اللي يطرح نفسه

.
.



.


.

.بيعطوك وجه هم ولالا ؟؟؟؟!!؟!؟!؟


up 1 down 0
sehly11 643
قبل 4 سنه و 10 شهر



للمعلومية ,, بقانون التجارة يمنع اخذ العربون بالسلع المشابهة للي بالسوق الا للسلع المستعملة 

وحنا الوكلاء ياخذون عربون 50 بالمية ههههههه 

العربون للطلبيات الخاصة والالوان الخاصة والمستعمل بسسسس مو للجديد لان الجديد اذا ما اخذته انت بياخذه غيرك ويكون اسمه حجز 


up 0 down 0
YASSER505 4165
قبل 4 سنه و 10 شهر



وزارة التجارة " بعد توفيق الله ثم الوزير توفيق الربيعة " تغيرت وصارت تظاهي حماية المستهلك بالدول المتقدمة ,, 

عمرهم ماحطوا الخطا علي ولا مره 

وفيه مره من المرات رد علي الموظف " طيب لاتصلح عنده " والله انهم اعادوا الاتصال ويعتذرون عن خطا الموظف وان كنت ابي شي منه  " قبل نظام التقييم ببدايات الرقم 8001241616 " 

والقصه هي اشتكيت اسعار الوعلان ,, قال لي " ياخوي ما جبرك احد انك تصلح عنده وهو حر بشغل يده " 

واقوم اصيييح عليه ويحولني على واحد وقفلت وبعدها بحول اسبوعين دقوا يعتذرون وش رايك ؟ 


up 0 down 0
YASSER505 4165
قبل 4 سنه و 10 شهر



اخوي  بالنسبه للوزير 


بس بيرفع سمعته ثم يفطس...  والوعدد قداام


up 0 down 1
sehly11 643
قبل 4 سنه و 10 شهر



يارجال فيه وكاله توقف عندها السيارات المصدومه اكثر من شهرين 

والعذر طلبيات قطع


up 0 down 0
ابو راكان تبوك 954
قبل 4 سنه و 10 شهر



ابو راكان لان مافيه احد يشتكي ... انا الوعلان قال لي 45 يوم عالاقل .. كلمت التجارة قالوا دخل السيارة وفعلا .. مع اجازة العيد جلست السيارة 27 يوم تقريبا .... بس ما انتبهت انهم صادمين بها الا بعد يومين


up 0 down 0
YASSER505 4165
قبل 4 سنه و 10 شهر



ياشباب انا اليوم عند عبدالله هاشم
قلت لهم المكيف ماصار يبرد والسياره هوندا ٢٠١٣ ماكملت معي سنه!؟
قال شوف احنا بنفحص الموتر وان طلع عيب مصنعي بنصلحها،، وان كان بسببك فاني راح اكون مجبر ادفع قيمت الفحص ٥٠٠ريال!!؟؟
قلت شلون بكون السبب؟ قال يمكن انت ماسك خط وظرب حجر صغير بالرديتر! فبيكون الخطأ علي وبدفع قيمت الفحص ٥٠٠ ريال من غير قيمت القطع وشغل اليد!؟
(بس يناظر في السياره ب٥٠٠ ريال اجل لو صلحا كم بياخذ!؟
قمت سحب السياره وقلت بفكر بالموضوع ويمكن اجيبها الاحد إن شاء الله.. بس شكلي بسحب عليهم بالفحص حتى لو نتظارب فانا ما اظن ان لهم حق في هالمبلغ،،

ياليت توجهوني ياشباب...


up 2 down 0
الشيخ فواد 301
قبل 4 سنه و 10 شهر



والله ثم والله ما ينفع معهم غير تدق خشمه


up 0 down 0
sehly11 643
قبل 4 سنه و 10 شهر



مشكور ياطارق وشكل هذا اللي يبي يصير


up 0 down 0
الشيخ فواد 301
قبل 4 سنه و 10 شهر



نعم بس لازم نعرف حقوقنا وش اللي لنا وش اللي علينا مو كل مشكلة ندرعم لوزارة التجارة و نقلقهم يعني حنا استبشرنا خير بقدوم هذا الوزير المحترم فما ودنا نخسر تعاونه و وقوفه مع المواطن ضد التاجر المخالف أحيان يكون الخطأ أو الحق على المستهلك فنصيحة لكل شخص قبل ما ترفع السماعة و تتظلم أعرف حقوقك 


up 0 down 0
أبو جـود 2750
قبل 4 سنه و 10 شهر



مصدر الأنظمة لو تكرمت ؟

ممكن تشرح الفقرة هاذي لاني مافهمتها


6- يحق لك رفض السيارة ان تجاوز الممشى 25 كيلو متر اثناء الاستلام بدون اييي خصم من المبلغ الي دفعته او ارغامهم على استبدال السيارة بسيارة لم تستخدم بشكل كبير


و شاكر لك جدا توعيتك لنا جعله الله في موازين حسناتك يوم تلقاه



up 1 down 0
فارس بحر 45
قبل 4 سنه و 10 شهر



اخوي فارس ,, سواء استلام سيارة جديدة او استلام السيارة بعد الصيانة

5 او 6 كيلو كافية جداً جداً لتجربة السيارة بعد الاصلاح الا ان وقعت على هالشي وسمحت لهم بالتجربة بالخطوط السريعة مع انه خلاص ماعاد يحتاج التجربة مع وجود الاجهزة الحديثة

وبالنسبة للجديدة

اعتقد من المصنع للسطحة ثم للموقف ثم للباخرة ثم للموقف ثم للسطحة ثم للمستودع الرئيسي ثم للمعرض ماتاخذ ولا 10 كيلو كحد اقصصصصى


up 0 down 0
YASSER505 4165
قبل 4 سنه و 10 شهر