نصيحة لوجه الله اللي بيشري موتر

15 12

لايمكنك التصويت حتى الحصول على 20 نقطة على الأقل
إضغط هنا للإخفاء

غريبه الصعيدي -48
قبل 11 سنه

بسم الله الرحمن الرحيم السلام عليكم ورحمه الله وبركاته اما بعد انا اشتغلت في بيع وشراء السيارات والشغله هذي بحر من النصب والاحتيال من الشريطه الي ما عندهم لا ذمه ولا ضمير وخاصه في جده او الرياض ينصبون عن طريق وضع باكستاني او بنقالي مثلهم نصاب في السياره ويدخلونها للساحه بالمعارض او للمكرفون والمكرفون تشتري السياره سكر في ماء واهي تحصلها مقلوبه او فيها الشاصيه او المكينه ضاربه ومزوده زيت ستوب لاخفاء معالم التخبيط ولذالك انصحكم لوجه الله لا تشترون من المكرفون او من باكستاني او هندي لانك اول ما تشوفه اجنبي راح تقول اكيد راح يخرج من البلد وراح يبيع واهو في الحقيقه تبع معرض وقد يلجى صاحب المعرض بتسجيل السياره باسم الباكستاني او الهندي لكي يقول لك السياره حقي او حق كفيلي والافضل تشتري السياره من الوكاله الوكاله اسعارهم ارحم من النصابين الشريطيه وهذا الي حاصل حاليا بالسوق واذا تبي تبيع سيارتك وخايف ينصبون عليك الشريطيه روح للمعارض وادخل اسال عن سعر سياره نفس مواصفات سيارتك وبيع سيارتك نفس سعرهم وما عليك فيهم هذي النصب الي حاصل وكذالك اذا اشتريت سياره لا تفحص عند حقين الفحص لان اكثر الشريطيه يتعامل مع حقين الفحص ويدفع لهم 500 ريال على اي سياره يمشونها وفيها شي بعكس الوكاله راح تطلع لك كل امور السياره بذمه وضمير وفيه نقطه ما تعرفونها الشريطي يركب ولد اخوه سياره ويدخل ولد اخوه او قريبه بالسياره على انه ما يعرفه ويسوم سيارته من قريبه بالسعر الي اهو يبيه وانت تجي وتحسب ان السعر ممتاز واهم لاعبينها من وراك وانت ما تدري وكل الاثنين يقربون لبعض وهذا يسمى تنفيق السياره وللاسف وزاره التجاره لم تقف بيد من حديد لهولاء الي ما يخافون الله وياكلون اموال المساكين بمسمى ذكاء ولعبت عليه هذا والله على ما اقول شهيد تحياتي لكم وانا لا اخاف من احد سوى الله سبحانه ولن ارضى بالظلم لاي مواطن ابن بلدي او مقيم جاء لاكل العيش وراتبه ضعيف والي يبي يستفسر عن شي الخاص مفتوح للجميع وشكرا ( الساكت عن الحق شيطان اخرس )

الموضوع تو واحد طرحه بالموقع الاساسي
وقلت اطرحه للفايده بالمنتدى

الصوره الاخيره لي انا وابو عبد الكريم طبعا هو معروف بقناة بدايه
اللي صورني صور نص خشتي ههههه 

إبلاغ

الردود