قصتي مع راعي الإلنترا و أحداث مشوقة ؟؟
16
2
إضغط هنا للإخفاء
السلام عليكم ورحمة الله وبركاته ،،،
إخواني و حبايبي أسعد الله أوقاتكم بكل خير ، بالبداية أحب أشكر كل من سأل عني الفترة الماضية
و أقول لكم الله لا يريكم مكروه في من تحبون !!!! و جزاكم الله خيرا على السؤال و الاطمئنان
و أبشركم بأن المدام الآن طيبة يا ربي لك الحمد ، الله لا يهينكم و يسعدكم يا غالين ؛؛
قبل فترة كنت ماشي على رجولي بالمخطط اللي جنب بيتي ، طالع حول الساعة 12
بالليل ما جاني النوم فقلت أطلع أمغط رجولي دامي مصحصح !!! المهم لبست البوت الرياضي
و آخذت معي قارورة ماء صحة و وجهت للمخطط ، و أنا بالطريق ماشي إلا و يشطفني
راعي إلنترا أسود مكتم و مر من جنبي ومير يهدي !!!! أنا بالبداية خفت ظنيتهم شلة
حونشية و سرابيت و شافوني لحالي و خططوا يزرفوني !! المهم هديت مشيي و تعوذت
من إبليس و جلست أفكر شلون أطلع من المشكلة بأقل الخساير و بدون ما توصل
للملاكمة و الضرب و الضريب !!!! محدثكم أنا ماني راعي مشاكل و القطوة تاكل
عشاي هههههههه بس طبعا" ماهو خوف ولكن من باب إبعد عن الشر و غني له !!!
المهم جلست أفكر مع وين أنحاش لا إنحشت يمين بيصير فيه مسافة ما هي بسيطة
على بال ما أطلع من المخطط و أوصل للشارع العام !!! و ممكن بسهولة يدز و يحجرني
قبل ما آصل الشارع العام ، و إن إنحشت يسار بيصير فيه بحص = حصى صغير و ممكن
أتعكرف و أطيح بالأرض !!!!! حجرة صح ؟؟؟ المهم وكلت أمري لله و جلست أنتظر
الشباب يداهموني !!!! و فجأة ولعت اللمبة الداخلية اللي بالسيارة و إنفتح الشباك و
أطالع إلا شخص ملتحي و معاه طفلتين و جلس يأشر لي بيده ، و تنهدت بعدها و قلت
بداخلي بعد تنهيدة عميقة : الله يرج شيطانك يا شيخ روعتني !!!! المهم سلم علي و جلس
يسولف عن قصة حياته و إنه ساكن بالطايف و جاي للرياض و عنده مراجعات بالمستشفى
و نقصت فلوسه ولا معه حق البنزين و العشا ويبي أي مساعدة أقدمها له !!! المهم أنا
ما صدقته للأمانة يعني حنا مو بعصر الثمانينات لا فيه حسابات بالبنوك ولا جوالات !!!!
ما في أحد اللحين ما عنده جوال و حساب بالبنك !!! البزر اللي عمره 15 سنة عنده
حساب بنكي و جوال كشاف أقل شي !!!! إتصل على معارفك على أهلك يحولون لك
فلوس بنفس الدقيقة عن طريق الجوال مثل مباشر الراجحي بالجوالات الذكية إلخ ...
المهم تعذرت منه و قلت له الله يرزقنا وياك ، و أحب أقترح على الشحاذين يدورون
حيلة جديدة لأن سالفة أنا مسافر و ضاعت فلوسي أو نقصت !!! صارت حيلة مستهلكة
و ما توكل عيش ولا تمشي على الناس !!!!!
سامحوني على الإطالة و أتمنى إنكم إستمتعتم بسالفتي و ما ننحرم من تعليقاتكم ؛؛
محبكم &&& أبو طلال
إبلاغ
الردود
0
0
قبل 9 سنه و 10 شهر