أضف سؤال أو موضوع جديد          

الله لايهينكم شوفولي حل مع الفيوجن 2012

up 1 down 1
وليد202 103
قبل 11 سنه



السلام عليكم الله لايهينكم والله اني عانيت مع ذا السيارة الي بتكمل معي سنة
لين جا ١٨رمضان القادم المهم نبدأ بالموضوع 

انا الحمد لله شريت فيوحن 2012 والسيارة معجبتني ماعدا فيها مشكلتين صراحة تكره الواحد فيها 
ولا قد شفتها باي سيارة غيرها لان كان معي قبلها اكسنت وكابرس 
اولا المراتب سيئة جدا ويابسة بالذات مع الصيف ومع حرارة الشمس الظهر معاناة ياليت تشوفون لي حل بس غير التنجيد 
والمشكلة الثانية سواقتا متعبة جدا بصراحة وانا شبه اسبوعيا من شمال الرياض الى الجنوب لان الفرامل رفيعه وحتى دعسة البنزين اضطر اني اصلب القدم بحيث تكون مستقيمة علشان اوصلها او اني احط النعال وانتم بكرامة تحت القدم لكن في كل الحالتين متعبة ودايم احاول اني استخدم مثبت السرعه اريح شوي

وهل الي عنده فيوحن مواجه نفس المشكلتين الي معه بالذات البنص والفرامل ؟؟


وحفظكم الله وين ماكنتوا... 













إبلاغ إبلاغ



الردود


انا ركبت الفيوجن القديمه الجديده

مراتب الفيوجن الجديده جلستها مريحه وليييينه مره

القديمه مراتبها قاسيه  حسب تقييمي لها

ماجربتها في الممشى

انتظر الشباب المجربين يفيدونك عنها



الله يعينك ان شاء الله والله انا مطلعها فل كامل وكل مرة يطلع فيها عيب والسيارة صارلها معي تقريبا سنتين
واصوات فيها مادري من وين ولكن السيارات الجديده صار الواحد يخاف من العيوب المصنعيه ولكن مشكلة الفرامل ماشوفها شي فيها واسال الله ان يبارك لك فيها وانا محافظ عليها واصحابي كارفينها وماشاء الله معهم زينه..


up 1 down 0
eng.07 51
قبل 11 سنه



عشان مراتب في شغلة متل مراتب تتثبت ع كرسي ومريحة ورخيصة وبدون تنجيد وعشان دعسة مادري شلون اخدمك


up 0 down 0
bmw x6 235
قبل 11 سنه



تبي حل غير التنجيد 

كيف يعني

أجل فك المرتبة كلها و ركب مرنبة سيارة ثانية

مراتب قاسية بنظري مالها حل

بيع السيارة بكبرها أجل


up 0 down 2



ابيع السيارة !!! سلامااات يا ابو عبد الله


up 1 down 0
وليد202 103
قبل 11 سنه



ركب الفرو صح شكلو بااايخ لاكنو مريح


up 0 down 0
اااااحمد 412
قبل 11 سنه



وزد على ذلك سيارة ضيقة كنها كورلا 


up 0 down 0
mohammed shareef. -21
قبل 11 سنه



سيارتك من السيارات المتوسطة واختلاف المواصفات والفئات فيها بتغيير بعض من
اجزاء السيارة عشان تطلع للمستوى الاعلاء ضمن تصنيف فئتها
كل هذا يعلب دور بالراحة وغيرة

حبها مثل ماهي وترتاااااح صح لاتتوقع منها اكثر من الي انت شايفه

بالنسبة للكرسي او اي شي مو عاجبك فيها قاااابل للتغيير
ومو شرط التنجيد يعني تغيير جلد او قماش
 يقدر المنجد تغيير ( السست الداخلية او مضاعفتها
وتدبيل الاسفنجة بنوع غير الخفيف الي دايم يستخدموه
ههههه لك شي اطلب ودور على الانواع وشوف السماكة بنفسك والي تناسبك
ورجع حق بلدها .. وبالتوفيق 


up 1 down 1
aziz..747.. 2421
قبل 11 سنه



اكره شيء تعبني بالفيوجن

قطع الغيار

ماتحصل الا بالصناعيه القديمه ببعض المحلات او بالوكاله

وليس كل القطع كمان

الزبده الموتر ماكمل معي شهر الين بعته وافتكيت منه




up 2 down 2
amear 1347
قبل 11 سنه



^ امير

ماشاءالله عليك تدور قطع غيار والسيارة ماكملت شهر!!



up 0 down 2
talal abdullah 5420
قبل 11 سنه



^^^^^^^^

لاني شريتها مصدومه خفيف رفرف وكبوت وشمعه وجسر الصدام

وقلت بتكسب فيها لاكن قطعها ناار وبالتشليح قليل تحصلها بحاير

مقارنه بالسيارات الثانيه رقعتها ترقيع لاني اخذتها برخيص ثمن بعتها على طول


up 1 down 0
amear 1347
قبل 11 سنه



 ملاحظاتك غريبه فعلا

الدعاسات حاول تعدل المراتب بشكل معين حتى توصل لوضعيه تناسب اقدامك

المراتب مالك الا تنجدها دبل او تحط تجعيده 

انا جربت ٢٠١٢ واشوف فيها مميزات وعيوب لكن من الاخر ماناسبتني اجمالا

راح اكتب بموضوع مستقل تقرير بسيط عنها


up 0 down 0
فكوك 1684
قبل 11 سنه