أضف سؤال أو موضوع جديد          

لازم نضع حد لمنع التلاعب من السومات ... موضوع للنقاش

up 12 down 2



باختصار انا واحد كنت ابحث عن سياره عن طريق موقع حراج لكن للاسف ماقدرت اشتري والسبب التلاعب في السومات يعني
واحد يعرض سيارته للسوم وبعد ماتوصل 50 الف مثلا والسومه ماعجبته يجي يقول لا اصلا سيمت على الجوال ب55 او سيمت برى ب55 وكله عشان يرفع من قيمة السومه طبعا


البيع والشراء كله فالموقع ونحن لانعلم عن حقيقة السومات الخارجيه واللي مو مصدق يروح يشوف الاعلانات بعد مايجيك العالم تسوم يجيك بكل برود راعي الموتر ويقول والله سيمت برى باعلى من كذا طيب انا وش علي من برى

البيع والشراء على الموقع واتمنى انه يتم وضع حد لهذي المهزله بحيث يكون السوم على العام في الموقع فقط وبهذا الشكل راح نقطع الشك باليقين وتبقى السومات حقيقيه .... النقطه الثانيه يجيك واحد يقول سيارتي سيمت برى ب50 الف
لكن المصيبه انه اللي سام سيارته ب50 الف كان قبل شهر وتلقاه لقى موتر ثاني واشترى وخلص ولازال البائع ماسك على السومه اللي صار لها شهر وصاحبها اشترى موتر وهو لازال متمسك بسومة قد طارت الطيور بارزاقها

فعشان نوصل للبيع والشراء بشكل جدي يكون السوم على الموقع فقط هنا حفرنا وهنا دفنا وعلى العموم انا ماقدرت اشتري موتر الا لمن لفيت الصالات ولقيت الموتر الطيب ولله الحمد وافتكيت من سومات الموقع الوهميه

اتوقع عارفين انا عن ايش اتكلم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يااخي بحس ان اغلب المتواجدين بالموقع شريطية ههههههههه كل يسوم علي مزاجه


راح احكيلك موقف طريف كنت من فترة ادور سيارة معينة ورحت المعارض حصلتها بس لقيتها غالية علي في معرض معين والسيارة والله والله يستعملها صاحب المعرض حتي انا لاحظت وانا بشوف الموتر ان الماكينة سخنة شوية من الكبوت قلت هذه السيارة اكيد في حد بيستعملها باستمرار ,, ماهي واقفة للبيع في المعرض علي طول



اليوم لقيت نفس السيارة معروضة علي الموقع بسعر اغلي من اللي لاقيته بالمعرض بما يقارب 3000 ريال والله هي هي السيارة حتي الخبطة اللي شفتها هناك موجودة بالصور


خلاصة القول انا اتمني ان الموقع مايدخل عليه الا االي يبي يبيع او يشتري بصدق مو يبخس ويحط سومات فاضية وسيارات مغشوشة


up 3 down 1
kiacerato 40
قبل 7 سنه و شهر



ولا تنسى ايضا الخاص

.. مسيوم بالخاص -- بعد كم يوم وصل بالخاص -- طيب بيعه للخاص وريحنا


up 6 down 1
أهل القلوب الرحيمة 1147
قبل 7 سنه و شهر



هههههههههههههههههههههههههههههه اي والله صدقتو


احلي لايك



up 1 down 1
هتان الحربي 43
قبل 7 سنه و شهر



ههههههههههه لا ولا سوم الجوال يقولك جاني سوم علي الجوال بكذا طيب كلمه وبيعله وتمم والله يبارك





up 1 down 0
kiacerato 40
قبل 7 سنه و شهر



السلام ،،،
اعزائي بإمكانكم التأكد من السومات التي على الخاص عن طريق اي مشرف في الموقع والمشرفين كثر
تحياتي


up 0 down 0
راعي الغلفاء 95
قبل 7 سنه و شهر



شرفني مروركم بالنسبه للاخ (( aldeenamet 7 138 )) انا مااتكلم عن السياره هل تسوى او انا اقصد اللي يخلي الناس تسوم ثم يجي بعدين يرفع السومه عن طريق الجوال وصال قابلني لو جابت له سومه على الجوال صار تلاعب واغلب الاعلانات كذه يرفعون السومات عن طريق الجوال وصرنا نشك فموضوع سومات والجوال وبرى الموقع



اسف بس تقولو شريطيه انا اسف علي هالكلمه يوجد بالموقع موشريطيه يوجد اطفال او هبل جالسين




ورا الشاشه واكتب ولا حرج


واحلف ولاتفكر بالعاقبه شي والله انه يفقع المراره ولا ناهيك عن بعض الردود السخيفه الي حرام لو انه عندي لخلي العقال يلعب بظهره اسف عن بعض كلامي لاكن شي لايعقل تصرفات وسومات لاتعقل وخياليه بالنسبه لي كنت اتابع الموقع وقلت بس السياره الي ابيها ماراح اخذها الاسعار نار وين نار بس بالموقع علي الطبيعه والله بالاسعار الي هنا 90بالميه منها مو الكل اني اخذ اعلي بموديل او موديلين ولله الحمد لو تابعت الموقع كان ماخذيت سياره ابد واختم واقول لابد ان الاداره تضع ضوابط للاسعار بشكل عام والسومات وحذف الردود الغير متعلقه بالموضوع اخير اعتذر ع الاطاله ولكم الف شكر



up 2 down 0
الحربي05 7
قبل 7 سنه و شهر



صدقت يابن العم

وغير رفعت الاسعار يجي الي يبخس السلع للاسف


up 1 down 1
هتان الحربي 43
قبل 7 سنه و شهر



الله يعطيك العافية




... فعلاً نعاني من هؤلاء ندخل حراج سياراتهم ونقوم برفع السعر المعقول ثم يتوقف البيع عندك ثم لا ترى صاحب السيارة بعد ذلك ؟؟؟ فتشك هل هو فعلاً عرضها للبيع أم للتسلية .




up 0 down 0
متفائل1
قبل 7 سنه و شهر



مرحبا
مستقبلا سوف يكون هناك تصنيف للأعضاء وسوف يساعد في زيادة مصداقية السوم في الردود. التصنيف يعتمد على تحليل ردود العضو ، مثلا عضو جديد ويقوم بسوم انواع مختلفة من السيارات في غضون ايام سيقوم النظام بوضع أشاره يوضح فيها ان العضو هذا ربما غير جاد في رده ويمنعه من اضافة مثلا اكثر من 3 ردود في اليوم. ليس من المنطقي مثلا ان تجد عضو يسوم هوندا اكورد 2003 وبعد 10 دقائق يسوم تريله وبعد يوم يسوم جيب شاص وبعد ذلك يسوم مرسيدس قيمتها 200 الف مثلا. ايضا يوضح ان هذا العضو مثلا دفع عمولة، الاعضاء العملاء مصداقيتهم مرتفعه جدا ونادرا ماتجد رد او سوم غير جاد من عضو سبق ان دفع عمولة.



up 4 down 0
root 761
قبل 7 سنه و شهر



الاخ root والله كلامك في الصميم ننتظر التطوير ذا بفارغ الصبر


up 0 down 0
gsxr_600 1015
قبل 7 سنه و شهر



كلامك صحيح بس برضه اتمنى يكون السوم هنا على العام او الخاص لانه بصراحه تعبنا كل واحد يجي يقول سيارتي سيمت برى او على الجوال على كذه كل واحد بيعرض موتره بيقول سيم على الجوال ب50 الف وابي فيه 55 وفالحقيقه لاسيم على الجوال ولا شي بس يبغى السوم يبداء من ال50 !!


صباح الخير

aldeenamet 7 الله يسامحك ومعذور بس ياليت لاتستعجل خليتني اشك بنفسي وفكر وش كتبت

والله يكون خير وبركه بالتحديث الجديد root استمرو للافضل ان شاءالله




up 0 down 0
هتان الحربي 43
قبل 7 سنه و شهر



حبيبي حط السومه الي تعجبك وصاحب السياره لو بيبيع صدقني ببيع للصامل والي يسوم على شي مايسوى ويشتري يستاهل وانت منت بخسران ان جات بسومتك الله يباركلك وان ماجات فالحمد لله


up 1 down 0
قلم مائل 787
قبل 7 سنه و شهر