أضف سؤال أو موضوع جديد          

توضيب الماكينة... معلومات

up 20 down 5
bmw x6 235
قبل 7 سنه و 4 شهر



صراحه حصلت هالموضوع وأعجبني أنكم أن شاء الله تستفيدون منه
بنتكلم في ها الموضوع عن .




1- توضيب المكينه : وراح ندخل في الموضوع بشكل كبير وموسع ومفهوم 




2- توضيب القير : وراح نتوسع فيه انشاء الله بطريقه مفهوم وسهله جداً 




بسم الله الرحمن الرحيم 




الكثير منا يسمع عن كلمة (( توضيب مكينه )) ومعناه تجديد المكينه من الداخل وتهيئتها للوجه المطلوب 




طبعاً عند الحاجه 




وفي توضيب المكينه ان كانت (4 - 6 - 8 - 12))سلندر تستخدم نفس الاليات المطلوبه




وبرضو راح نستخدم قطع التوضيب المطلوبه لاي حجم من المكائن ولاكن حسب الطب والتلفيات 




اول شي نتكلم عن القطع المطلوبه والاساسيه في التوضيب (ملاحضه انا اتكلم عن التوضيب الصحيح مو توضيب اي كلام )




القطع المطلوبه كألاتي 




1- طقم بلوف (طقم هواء ) + (طقم نار )




2-طقم شنابر 




3- بساتم ثابته 




4 - بساتم متحركه 




5 - وجيه 




6 - طرمبة زيت ((عند الحاجه والافضليه انها تتغير ))




طبعاً هذي القطع لابد من تغيرها علشان المكينه تعيش سنين من دون اي مشاكل 




زياده على ذالك لابد من الاتي :




فك راس المكينه وخرطه في المخرطه 




طبعاً المخرطه راح تسوي خرط للسلندر + خرط مجاري البلوف + خرط مجاري وتنضيف الراس وجميع المجاري الموجوده داخل المكينه 




السبب :




فائده الخرط انه يزيل الترسبات الموجوده داخل المكينه 
ان كانت ترسبات مائيه او ترسبات كربون على جدار السلندر 




وبكذا تكون المكينه موضبه من الداخل وراح تعيش معك سنين بدون اي مشاكل 




الاسعار :




سعر شغل المخرطه ينحصر من 300 الى 450 حسب الشغل وفي اغلى من كذا وفي ارخص كمان وطبعا يفرق اذا كانت المكينه 4 او 6 او 8 سلندر




سعر شغل الورشه ينحصر مابين 300 ريال الى 600 ريال وبرضو حسب الشغل ومهارت الفك والتركيب والوزن 
يعني مو اي ورشة تضبط التوضيب على الوجه المطلوب 




اما اذا كنا بنتكلم عن توضيب اي كلام ((تلفيق))




فهاذ الشغل ماينفع اذا كنت راح تستخدم الموتر لمده طويله
ينفع في حالتين :




اذا كان الموتر ما يسوى 
او 
انك راح توضبه وتبيعه 




طبعاً في التوضيب الى اي كلام ما راح تكلفك شي ولا اصلن راح تشتري قطع الى في حاله واحد 
وهي اذا كانت المكينه تشنبر زيت فراح تشتري طقم شنابر وهذي رخيصه جداً




اما بالنسبه للبلوف والبساتم فراح تنفك وتتصنفر وتتركب وهذا ما يسمى توضيب التوضيب الممتاز انه كل القطع تتجدد في اول قطعه الى اخير قطعه 




وانا الصراحه ما انصح فيه ابداً ابداً وعلى قولة المثل الشعبي ((كنك يا زيد ماغزيت )) طلع من صلب الموضوع 




هذا بالنسبه لتوضيب المكينه 




وهذا الى يحضرني الان واذا كنت ناسي شي انشاء الله معلمين المكا+++++++++ا الى بالمنتدى يذكروني فيه .




والحين راح نخش في موضوع توضيب القير ( العادي )<<<<< راعي طويله .وانشاء الله في موضع اخر راح اتطرق للقير الاوتماتيك




بالنسبه لتوضيب القير العادي ينقسم الى قسمين :




1-توضيب سطحي 




2-توضيب كامل 




في البدايه نتكلم عن التوضيب الصطحي 




ومعناها ان التوضيب لا يشمل جميع قطع القير بل يشمل القطع التالفه فقط




يعني بشكل اوضح في التوضيب السطحي راح نغير ثلاث قطع هي :




1- صحن 
2-فحمه 
3-دسك 




هذي القطع المطلوبه في التوضيب السطحي طيب وش السبب ؟؟




راح نستخدم التوضيب السطحي في حالة ان تكون التروس الموجود في القير سليمه جداً ولاكن توجد مشكله في القير 




ومن المشاكل : ثقل في عامدو التغيير او ضعف العزم او او ان الترس ما يمسك مع باقي التروس (يعني كأنك تغير من دون ضغط دواسة الكلتش )




فذالك اول شي راح نفك القير كامل ونفحص التروس ترس ترس اذا كانت سليمه نتقل الى المرحله الثانيه وهي فحص الدسك والفحمه والصحن 
اذا كانت هذي القطع معطوبه راح نستبدله بجديده وبعد ذالك راح تلاحض فرق في السياره من ناحيت :
1-العزم راح بفرق معاك للأفضل 




2-راح يخف عامود القير ويصير العامود سهل الحركه 




3- اول ماتضغط الكلتش وتغير الى نمره ثانيه راح يسمك معك على طول بدون اي صوت 




والسبب في هذي التحسنات 
انه راح يكون الفصل بين المكينه والقير صحيح 100% وبرضو الفصل بين التروس راح يكون صحيح ومافيه اي مشاكل 




وبكذا نكون انتهينا من القسم الاول من توضيب القير 




باقي القسم الثاني 




التوضيب الكامل 
طبعاً التوضيب الكامل مشابه للتوضيب السطحي ولاكن فيه فرق في المشاكل مثل ان القير ما يلقم الى بعد عشرين محاوله او اكثر 




في بعض الحالات القير يفضي نفسه بنفسه يعني وانت تمشي بالنمره الخامسه يرجع القير الى الفاضي 




بكذا نعرف ان التروس فيه مشكله 
وبهذه الحاله راح نفك القير ونفحص التروس ونشوف التروس المضروبه ونستبدلها بجديده وهذا كل يتم عند المخرطه 




طبعاً التوضيب الكامل راح ترتفع التكلفه شوي لأن راح يدخل بالمسئله المخرطه وكمان تروس جديده 




وفيه بعض الحالات تتوقع ان القير كامل يبغاله توضيب ولاكن بعد ماتفك القير وتفحصه راح تكون السالفه كلها بايخه 




ومثال على كلامي 




عندي القير بالهوندا بعد الحادث طلع يجيب الهم ومايلقم بسهوله ومافيه عزم والمكينه صارت تحن لان الكلتش مايفصل صح بين المكينه والقير 




توقعت انا ان السالفه فيها تغيير تروس بس بعد مافكينا القير وفحصناه صارت التروس سليمه المشكله كلها في الصحن والفحمه والدسك غيرتها




ورجع عزم الموتر احلى من اول واختفت الحنه الى في المكينه وصار التغييره سلسه جداً مع ان الموتر ماشي 550 الف كيلو متر 




ومع ذالك صارت التروس سليمه جداً فماقدر اقول الى ان عالم خرابات السيارات وسيع جداً 
وماتقدر تحكم من اول نضره للسياره و احسن شي ان الواحد يفحص بالعين ولا يكتفي بالتجربه فقط .


منقول طال عمركم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع جميل جدا

وذو فايده كبيره

اهنيك على طرحك

وتستاهل +1


up 3 down 0
amear 1347
قبل 7 سنه و 4 شهر



مشكور يا اخ امير ع التشجيع 


up 2 down 1
bmw x6 235
قبل 7 سنه و 4 شهر



موضوع مفيد بارك الله فيك 
جهد تشكر عليه 


up 1 down 1
أبو عبد الله 2 341
قبل 7 سنه و 4 شهر



موضوع جميل ومفيد 
هذي المواضيع اللي تفتح النفس 


up 1 down 1
t-m-d 443
قبل 7 سنه و 4 شهر



انا ماوظبت مكينة من قبل ، قير مره وحده عند ترايستار ونصبببب يالطيف 

بس معرفة الخطوات للتوظيب >> وفجعة كلمة توضيب >> وضحت وفايدة لنا جميع ....مشاء الله يشكر كل من ساهم بالموضوع +١

الي شدني الاسعاااااار المذكورة لشغل اليد غيييييير قيمة القطع 
رخيصه ، واحلا واحسن من شراء مكاين وقير التشااااليح الغااام هههههه
ياخي انك تجمع وتشتري وتحرص ع القطع الاصلللللللي وتنجح مع الشخص الي ينفذ الشغل .. احساس روعة انك بتجلدها لانك واثق 
من كل شي ... 
الي يتلف اغلب المكاين الموظبه والي سببت كره لعملية التوظيب والتوجه للتشاليح
الي يعتمد ع الورش ( تتفكل بشراء القطع الي اغلبها مستخدمة وتجاري عشان يوفر الفرق وينساااااااك
 ، وهذي بداية المشكلة
لان لو عرف انك بتجلده هوووو الفني اذا قصر في الشغل وخسرك القطع الي انت شريتها 
صدقني من البداية تلاقية يصرفك ههههه وكثير بالصناعية الدلوخ الي مازااالوا من زمان
وحنا نسمع انهم يتعلموا بسياراتنا وحنا السبب . 
++١


up 2 down 0
aziz..747.. 2421
قبل 7 سنه و 4 شهر



موضوع مفيد جدا 

لكن أعتقد الاسعار فب الواقع أعلى بكثير من 1000 الي حددتها حد اقصى لانظف ورشة 


up 1 down 0
albroker99 742
قبل 7 سنه و 4 شهر



شكرا. موظوع. مهم ومفيد جداا


up 0 down 0
خالد الاسكندر -40
قبل 6 سنه و 9 شهر