أضف سؤال أو موضوع جديد          

فل كامل بس بدون فتحه وجنوط وجناح و ... الخ

up 12 down 7
t-m-d 443
قبل 7 سنه و 5 شهر



السلام عليكم ورحمة الله وبركاته
في اعلانات عجيبه وغريبه في موقع حراج 
المفروض موقع حراج يدخل موسوعة غينيس للعجائب والغرائب 
ندخل في الموضوع 
حصلت كامري 2009 GL سياحي حتى الزجاج هندل وكاتب في الاعلان فل كامل 
انا استغربت !!!!
قلت يمكن مو عارف فئات الكامري 
رديت عليه : هذي مو فل كامل يالحبيب هذي سياحي 
قال : هذي فل كامل بس بدون فتحة وجنوط وجناح و.... الخ 
يمكن بنظره السياحي تجي بدون مكيف ومسجل ولمبات 

والمثال الثاني 
شفت هايلوكس 2012 ماشي 170 الف كيلو متر ويقول مخزن 
ماشي فيه ضعف الممشى الطبيعي ويقول مخزن !!!!
اجل لو مو مخزن بتفكيره بيكون ماشي 300 الف 

انا كان معي كامري 2009 ماشية 145 الف كيلو وبعتها بعد رمضان اللي فات ب40 الف وبحب الخشوم 
والحين انخفضت اسعار السيارات  واصحاب الكامريات 2009 حادينها ب45 الف ريال وماشيه اكثر من 250 الف
ونزلت المعارض انظف كامري ب30 الف ريال فقط 

وهذا الكلام اللي كان في قلبي وحبيت اطلعه لكم .
صور الكمورة تبعي 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بس الي في المعرض شريطيه في شريطيه وسيارتهم مضروبه اغلب الي يعلن في حراج سيارتهم نظيفه نادره 


up 3 down 2
محمد ال سلمان 820
قبل 7 سنه و 5 شهر



قبل فتره واحد عارض النترا 2014 اصفار
سقول فل كامل ما عدا الجنوط والفتحه
والسياره طيس حتى حساسات ما فيها
ومنزل اعلان عن السياره بكذا اسم
بس حذف الاعلان


up 5 down 0
اهاا 685
قبل 7 سنه و 5 شهر



اغلب السيارات الي فيها هذا المرض الهونداي والكيا

لان الازيرا مثلا تجي جنوط ومواصفات فخمة فحتى الي عندهم استاندر سووح يقلك فل بدون بانوراما

الله يعين


up 5 down 1
albroker99 742
قبل 7 سنه و 5 شهر



هههههههههه عجبتني فل كامل بدون فتحة وجنوط ولا شاشة اجل الفل صدق السياحي وش بيكون هيكل بدون رفارف وصدمات ومكينة دباب بطة
وحديدة عليها كفر وقالك سياحي هههههههههههه 


up 5 down 1
fahad11-11 160
قبل 7 سنه و 5 شهر



اشكركم على مروركم العطر 
وتم توزيع اللايكات على الجميع .


up 0 down 1
t-m-d 443
قبل 7 سنه و 5 شهر



سواء بالمعاؤض او حراج شف الاسعار هنا وهناك 

وافحص اهم شي .. والحمدلله والسعر اللي يرضيك ادفعه . 




up 1 down 1
fahadlfc 314
قبل 7 سنه و 5 شهر



الجيوب لاندكروزر كلها في الموقع فل كامل حتى بدون فتحه ودفلك .


up 0 down 0
أبوعمر 99 1043
قبل 7 سنه و 5 شهر



موقع حراج كل شي فيه غالي
مافي مصداقيه بالاعلان الستاندر فل والفل طلبيه والموتر المصدوم واكل تراب يسمونه بوية وكاله
لكن به رش تجميلي وقص على ذلك
الجوال مثلا سامسونج نوت 2 اول ما نزل كان 2500 والحين 1500
تحصل اعلان بحراج شاريه من سنه وكارف امه ولايعترف بسعر السوق يبي يبيعه ناقص
200 عما شراه ويقول مسيوم 2200 وباقي عليه ويحلف ان سعر الشراء 2500
صح يالحبيب لكن ناظر سعره الحين جديد 1500  بيدعي عليك ويحظرك ههههههه
الموقع ما تقدر تشتري منه شي
شاشه 50 بوصه kmc والله يا اخوان شيفها بمحلات الاجهزه 1750 مع توصيل وتركيب وحامل جداري 
وهنا بحراج واحد عارضها ومصلح عليها عرض ويقول مقطوع وطالب 2299
انا الي بيغبني لما يقول اقل من السوق وهو مزود 500


up 2 down 0
sc_est 717
قبل 7 سنه و 5 شهر



هذا واحد بيبيع ازيرا 2013 ستاندر حتى بدون بانوراما يقول نصف فل !!
الفرق بينها وبين النصف فل :
- فتحة بانوراما
- حساسات اماميه
- زنون
- مراتب جلد
- كراسي كهرب
- جنط 18
- دخول وتشغيل بصمه
- مكيف الكتروني

اكمل ولا يكفي :)

http://haraj.com.sa/114486656/%D9%87%D9%88%D9%86%D8%AF%D8%A7%D9%8A_%D8%A7%D8%B2%D9%8A%D8%B1%D8%A7_%D9%85%D9%88%D8%AF%D9%8A%D9%84_2013_%D9%86%D8%B5_%D9%81%D9%88%D9%84_/


up 1 down 0
اهاا 685
قبل 7 سنه و 5 شهر



المعارض والله انها افضل من موقع حراج الف مره

دخلت وشريت لخوي اكسنت 2013 نظيفه فل كامل

ب 29 الف بديها وكاله ماشاءا لله


وبالنت تحصلهم على 35

وغير حقين التنازل اللي يقول تدفع لي مبلغ كذا لي وتكمل اقساطها

وماشي فيها واجد ولمن تجي تحسب تطلع لك سعر السياره اغلى من سعرها اصفار يعني زين اذا احد تقبلها بدون مقابل

الموقع اغلبه شريطيه ولعب بالاسعار واستدراج للصغار واللي مايفهمون بالسيارات كثير


up 0 down 0
amear 1347
قبل 7 سنه و 5 شهر



يا كثرهم خاصة حقين الكامري ضايعين مايعرفون مواصفاتهم 
انا توني ادري ان فيه فرق بين الفل وبين فل الفل 
ههههههه والله شيء غريب 


up 0 down 0
al_orainy 56
قبل 7 سنه و 5 شهر



تالمت يعني قدامي اكيد اشوفها اجل اشتريها مطفي النور سوء في الموقع او في الحراج بشوفها لو حتى يمدحها الى بكره  ماني خسران شيء


up 0 down 0
محمد ال سلمان 820
قبل 7 سنه و 5 شهر



ياكذاب اصلا الكامرري من 7 وفوق تيجي قزاز كهرباء بكل الفئات


up 0 down 0
صهيب أحمد 31
قبل 7 سنه و 4 شهر