أضف سؤال أو موضوع جديد          

تشارجر 5.7 vs كابرس 6.0 ؟؟

up 4 down 3
youlike 561
قبل 6 سنه و 5 شهر



السلام عليكم ..

وش أفضل برأيكم .. تشارجر أر تي 5.7 أو كابرس أل أس 6.0 ؟

من ناحية قوة .. أمان .. جودة .. خرابات .. قطع غيار .. رساوة ..الخ 

طبعاً مستخدم مديل 2011 أو 2012 ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كآبرس وانت مغمض ،، قطع الغيار غالي للتشارجر

والخرابات ماظن تفرق الاثنين جودة لكن هي تعتمد على استخدامك

يفيدونك مجربين التشارجر


up 6 down 8
ammar-512 21
قبل 6 سنه و 5 شهر



خذ كابرس فل كامل ال تي زد يازينها 
رزه وثقل وقطع الغيار متوفرة في كل مكان 
وكيلها مضمون ومعروف والموتر سعره في السوق افضل من التشارجر 


up 1 down 10
al_orainy 57
قبل 6 سنه و 5 شهر



الجودة والأمان في التشارجر ! من ناحية الخرابات احب أوضح ان ان حافظت قعدت معك السيارة بغظ النظر عن السيارة كابرس او تشارجر ! ومن ناحية القطع يعني شوي التشارجر غاليه لكن هذا حل كل السيارات الجديدة كل قطعها غاليه حتى الكابرس الجديد  !
الرساوة كل الاثنين تمام فيها لكننن حسب تجربتي للإثنين أشوف التشارجر راسيه اكثر ثابته بالخط وحتى على سرعات عاليه لانها اصلا مصممة لهذا الشيء !!
وانا شخصيا أعطيك نصيحتين لتشارجر في حال انك خذيتها
اولا ابعد عن التعديل ( الفلاتر والأشياء هذي ) لانها سوى تشارجر او كابرس هذي الأشياء تلعب بالسيارة على المدى الطويل وهذا من واقع تجارب الشباب الي أعرفهم في قروب Lx club وأشوف ان التشارجر تتحمل أكثر من الكابرس ! طبعا أتكلم من واقع تجارب شفته وما اقصد أقلل من الكابرس علشان محد يفهم غلط وابعد عنه الأشياء ذي وبتمشي معك ٢٠ سنه قدام  !

ثانيا الدرفت ابعد عنه لا تشارجر كوابرس كل الاثنين تتعب بعدين من الدرفت سوى خذيت كابرس او تشارجر ابعد وانتبه على نفسك من الدرفت ترى ما ورآه لل السيل تين الا الخربات ولك مشاكل

وأخيرا اقولك ايضا أستخير واركب  الاثنين  وشف الي ترتاح لها اكثر وخذها ! ومن ناحيتي أشوف ان التشارجر أفخم ومواصفاتها اعلى وشكليتها جنان ما شاء الله وطبعا الاختيار 
 
 


up 9 down 4
fahad11-11 160
قبل 6 سنه و 5 شهر



الكابرس سنه  وتبدا تطلب . 

التشارجر    4 سنوات اذا انت محافظ      

كلام مجرب         خوي لي مطلع كابرس 2009  اس اس .. اول سنه . حلوه ثاني سنه من كثر الخربات صار مايطلع فيها نهائين وباعه 


والثاني معه تشارجير 2008  الى يومك معه السياره بس يقول من  السنه الرابعه من شريته بدات تطلب 


up 9 down 4
مستر12 885
قبل 6 سنه و 5 شهر



فهد 11 ..

انا سمعت إن الكابرس صنعت للشياب يعني لناس كبار بالسن حسب كلام حسن كتبي ..

واللي اشوفة إن التشارجر سيارة مخصصة للشباب يعني أتوقع تتحمل السرعة والدرفت على خفيف طبعاً .. عكس الكابرس ..

وانا اللي خلاني أحب التشارجر .. الأمان والجودة والهيكل مرسيدس وطولها اقصر من الكابرس يفيد بالوزنية والزحمة ..

انا بدور تشارجر إن شاء الله وإذا ما حصلت نظيف ورخيص أخذت كابرس لان الكابرس عموماً أرخص من التشارجر "المستخدم"


up 2 down 1
youlike 561
قبل 6 سنه و 5 شهر



الكابرس من ٢٠١١ وفوق تحسن ١٠٠٪ عكس ٢٠١٠ وتحت 


up 4 down 2
فهد4950 2541
قبل 6 سنه و 5 شهر



ابراهيم معه لومينا وانا كانت معي اللومينا وهي اخت الكابرس مادري ليه الفلسفه 
اجل تطلب من ثاني سنة ياحبيبي حدث العاقل بما يعقل الجيلي ماتسويها 
لو خويك معه تشارجر من ثاني سنة وهي واقفه معه شكل المشكلة فيه





up 0 down 5
al_orainy 57
قبل 6 سنه و 5 شهر



اخي العزيز انا ما قلت ان الكابرس للشباب ولا قلت للكبار شكلك ما فهمت أني اقصد التشارجر بكلامي انا قلت أني أشوف التشارجر أرسى بالخط لانها صممت للشيء هذا ! 
هذا شيء 
ثانيا انا ما قلت انها ما تتحمل نهائي تتحمل لكن مو كثير الا بتعديل ! وشيء طبيعي يا صديقي التشارجر تتحمل اكثر من الكابرس لانها اصلا مصممه لهذا الشيء من الأساس !! 

وانا ايضا قلت بالأخير انا أشوف التشارجر أفخم وأفضل يعني رشحتها لك وانت لك الخيار !! 


up 3 down 1
fahad11-11 160
قبل 6 سنه و 5 شهر



كلها أسياد خطط .. وسيارتين وحوش ..

ولاكن بعد الكثير من البحث أقتنعت بالتشارجر .. ويبقى الخيار الأخير رآجع للسعر .. 

وإن شاء الله أحصل سيارة نظيفة دعواتكم وأشكركم جميعاً على المشاركة وعسانا نفيد ونستفيد 

وحسبي الله على من عطاني دس لايك بدون سبب مقنع .. شكراً للجميع 


up 1 down 0
youlike 561
قبل 6 سنه و 5 شهر



وسع صدرك انا بردودي هذي اخذت ديسلايك على موضوع لي من شهر 
ﻻزم تتعود يابعدي .. والله يوفقك ويرزقك 


up 0 down 0
al_orainy 57
قبل 6 سنه و 5 شهر



عادي يا al orainy ..

تعودت على الدس لايك في المنتدى .. الأعضاء سارو ينزلون موضوع تنقص نقاطهم بدال ما تزيد :)

وناس تركو المنتدى بسبب هالمشكلة .. تخيل هذي ثالث عضوية اسجل فيها لان ثنتين سارت النقاط بالسالب .. بس ربك كريم


up 3 down 0
youlike 561
قبل 6 سنه و 5 شهر



ابراهيم التركي قسم بالله بقول لك نصيحه انا اشوف انك أي واحد يسالك عن سيارك اللومينا تقول اكرفها ماتخرب ومن هالكلام انا معي كابرس 2007 والله للحين مامشى غير 52 الف وماغيرت فيه مسمار واحد من تحت واي واحد يسالني عنه اقول الموتر مافيه لاخربات ولاشي و بسبوع واحد خرب عندي رمان الكمبرسور وكرسي مساعد والحراره الاحظ كل مالها وتزود ....... يعني أي واحد يسالك عن موترك قل له الموتر خياس قرمبع خربات ومن الرخيص لين تطفي عينه ههههههههههههههه


up 2 down 2



المشكله اغلب اللي يسبون الكابرس ماعمرهم ساقوه ولا ركبوه حتى
انا معاي 2012 شوفه معاي زي الحلاوه سياره راسيه وقويه ولها شعبيه ومريحه وربي تحس انك كنق فيها اللي يقولك خرابات وحراره تلقاه لعن جدفه درفت ومقومات كذا اي سياره تخرب حتى الدوج
وزي ماقولك اي سياره صونها تصونك


up 2 down 3
3boooii 68
قبل 6 سنه و 5 شهر



انا ملاك الشفر كابرس واخوي معه 13

اذا الكابرس الي ب تاخذه من 2011 وفوق هو الي ممتاز مكينة L77 قير 6 نمر ومبردين قير 

قد سافرت عليه للرياض ماشاء الله تبارك الله رساوة وراحه وعزم جباااار 

الجديد 2011 وفوق فررررررررق عن الموديلات القديمة 





up 2 down 0
ahmad77771 305
قبل 6 سنه و 5 شهر



التشارجر مواصفاتها اعلى والأمان فيها أعلى والبدي قوي




up 2 down 2
ابو عبدالله 506 240
قبل 6 سنه و 5 شهر



الموضوع قديم لكن اقسم بالله ان أسوأ سيارتين على الكرة الأرضية هي الكابريس واللومينا. من اول سنة اعطال وهندسة غبية 6 لتر وفي الأخير 360 حصان و 5700 على 4 نمر وتسخين وتهريب واصوات واحراجات قدام الناس 5 أيام في الورشة ويومين يشتغل


up 0 down 0
dell2012 1027
قبل 2 سنه و 8 شهر






up 0 down 0
حايل21727
قبل 3 شهر و 3 أسبوع