أضف سؤال أو موضوع جديد          

بما ان كل واحد حاط قصة بموضوع -- هذي قصتي

up 18 down 9
YASSER505 4167
قبل 4 سنه و 10 شهر



مدري اشوف الناس كلن حاط قصة بموضوع قلت وليه ما احط

هذي قصة حصلت قبل 3 سنوات تقريباً

كنت توني متعرف على شخص ، ومعرفتي فيه معرفة عادية جداً وهذاك الوقت كنت اوائل ايامي معه ،،، المهم ،

طلعنا هذاك اليوم للمواقف جنب مدينة الملك فهد الطبية وكل واحد راح لسيارته ، وشوي الا يجي فورد وفيه خوينا هذاك بس شايل الشماغ وحاط سماعات ووقف جنبي ونزلت القزاز وشوي الا اشوفه يتكلم حساوي " اخووي ,, مدينة الملك فااااهااااد الطبية وييينهاااااااا " وانا قلت خلنا نجاملة ,,

واعطيه هذيك الضحكة : هاااع هيييع هوووع هع هق هق هق ,,, وش اسوي يستظرف لازم اجاملة


وشوي

خوينا يشيل السماعة ويقول الحمممد لله والشكرررررررر ,,,
طلع مو هووووو :( :( :( : ( واحد يمين بالله يشششششششششششبه لــــــــــه :( ويوم جيت ابي اوضح له دعس وما خلاني اكمل ولا حتى اعتذار :(


الى الحين جسمي يحتر من الاحراج كل ماتذكرت الموقف :( :(







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههه
موقفك يهون احسن من 
الى يمسكه العسكري ومسوي
انا الى اعرف ناس في اﻻخير 
طلع هو نفس الشخص الى يسال
عنه
ولك ﻻيك


up 11 down 0
ابوسعيد الاحمري 1018
قبل 4 سنه و 10 شهر



ههههههههههههههههههههههههههههههههههههههههههههههه 

الله يسعدك 

طيرت النوم  من راسي 


up 2 down 0
شبح 600 sel 6075
قبل 4 سنه و 10 شهر



بقوه احراج زي الي تبي تبين له انك مشبه ولا زبطت هههههههههههه


up 2 down 0
سكودر 14904
قبل 4 سنه و 10 شهر



اي ابين له ..!!!
الرجال قال الحمد لله والشكر ومشى :( وما اقدر الحقه واوضح له :(


up 1 down 0
YASSER505 4167
قبل 4 سنه و 10 شهر



هههههههههههههههههههههههههههههههههههههههههههههههه

طيب وشرايك في قصتي

وقف زميلي عند بقاله ونزل من السياره وانا تذكرت شيء ونزلت اقوله يجيبه

وكان سيارته تاهو فضي , ونزلت كلمته ورجعت للسياره وركبت مكان الراكب والوضع طبيعي

وشوي يطلع شايب معه العقال ويقول بيسرق سيارتي ملعون الوالدين

والله اني انخشرت واطالع يمين شمال وين هذا


الا والشايب قاصدني وفتح الباب وقام يشحط فيني

واقوله ياعم وش فيك السياره سيارة خويي

قال انزل يالحرامي والناس تجمعوا

وتطلع سيارة خويي واقفه بعد سيارتين وهذي سيارة الشايب فعلا خخخخخخخخخخخخخخخخخ

والله اني انحرجت واتفلشت وقمت ابي اسلم فوق راسه لكن ما رضى وقلت والله اني احسبها سيارة خويي وشوفها قريبه من سيارتك

مابينها الا سيارتين وسامحنا والجماعه فزعوا واقنعوا الشايب اني ما كنت ادري

وربك عداها على خير هههههههههههههه

والله لو اني مفتح عيوني كان عرفت انها مو سيارة خويي

خويي شايل الحمال اللي فوق السقف وفاك الطيس من الجنوط

وهذاك موجود الحمال فوق التنده والجنوط مع الطيس موجوده

لكن انعميت وقتها وما ادري وش السبب

يالله ماعليه اهم شيء الواحد يتعلم من اخطاءه :)


up 19 down 1
ابو يزيد 000 8697
قبل 4 سنه و 10 شهر



ابو يزيد ,, نفس قصتك مع اخوي صارت بس حنا سيارتين جنب بعض قدام الحذاء الايطالي وانت بكرامة بسوق حجاب

اخوي دخل وعصصصب من الاسعار ولا اسعار اغلى المولات ياشيخ ,,

وشوي يرجع يركب السيارة ويقول امش امش ابوهم هم واسعارهم

وشوي الا واحد جنبه يقول خييييييييييير يابوي .؟؟؟؟؟؟؟؟

طلع راكب سيارة جنب سيارتي وانا افطس ضحك وكل المحلات الي قدامي سمعوا ضحكتي لاني كنت فاتح القزاز ويوم عرفوا الموضوع ضحكوا معي


up 7 down 1
YASSER505 4167
قبل 4 سنه و 10 شهر



ههههههههههههههههههههههههههههههههههههههههه

اهم شيء سعة الصدر يارجال وانا تراي احب هالمواقف اللي تسير لي لانه ما انساها ابدا


up 1 down 0
ابو يزيد 000 8697
قبل 4 سنه و 10 شهر



ياخوي كل ماتذكرتك يوم تقول وينه وينه واجلس اضحك ههههههههههههههههههههههههه


up 0 down 0
YASSER505 4167
قبل 4 سنه و 10 شهر



هههههههههههههههههههه
طيب بعلمك عن موقف حصلي اقوى من موقفك
امي الله يحفظها طلبتني انزلها السوق الشعبي
و مشكلتي ما اعرف امنعها منه لازم اوافق
اخذتها و وديتها و اشترت كل شي تبيه و نقصها فلوس .. قلت
اصبري ي الحبيبه اروح اسحب فلوس من الصراف و اجيك
قالت طيب
والله رحت سحبت و رجعت
و اجي جنبها و امسك يدها و اعطيها الفلوس
و ترميها بوجهي و تسبني
ي قليل الحيا ي الله ما تخاف الله ي و ي و ي
انا بلحظه حسيت اني دلخ من العيار الثقيل
ما طلعت امي هههههههههههه
طلعت وحده ثانيه بنفس البنيه بالضبط
رحت ادور لامي و انا عقلي ماهو معي
اخرتها لقيت امي جاتني من ورى تقول تعال ادفع لصاحب المحل

صرت اطالعها بفجعه
قالت وش فيك ..?? قلت مو انتي كنتي بالمحل ذاك
قالت ايه .. بس دورت محل ثاني
قلت ما سمعتي صياح..??قالت لا
قلت بسرعه خليني احاسب و نمشي وراي مشوار مهم

بالسياره حكيت لها السالفه .. و ضحكت علي

الى يومك هذا والله ماني مستوعب اللي صار ههههههههههههه


up 11 down 0
خيال الامس 2016
قبل 4 سنه و 10 شهر



هذي كله تهوان ان بغيت اركب في سياره فيه حرمه يوم شفته مغطت وقعد تناديني طبعن السياره ددسن وان كنت نازل عند محل اظاهرمطعم او بقاله


up 0 down 1
نايف مجول القحطاني 368
قبل 4 سنه و 10 شهر



هذي كله تهوان ان بغيت اركب في سياره فيه حرمه يوم شفته مغطت وقعد تناديني طبعن السياره ددسن وان كنت نازل عند محل اظاهرمطعم او بقاله


up 0 down 1
نايف مجول القحطاني 368
قبل 4 سنه و 10 شهر



اجل مره من المرات معي مرسدس بحري وساكن في شقق في الرياض ويوم نزلت الا موتر مايفتح احاول مافيه فايده واروح اجيب كهربائي ينقزه وهو يشتغل في السياره الا راعيها ماس الهندي كف خير وش فيه قال وانت معه يا ابن يبن الحالال وش فيك قال وشتبي انت وهنديك تنقزون موتري قلت ياولد تراك فاهم غلط قال انت الي فاهم غلط والله ياشباب مايختلف عن موتري الا رقم اللوحه فقط حتا القزاز كتم ومركب شكمان نيكل مثل موتري المهم اناضر الا موتري بعد ٧ سيارات في مواقف البطحا ويروح وجهي الوان واشكال ارجال دق علا الشرطه قلت يامسلم تعال شف موتري واحكم والله مير يوم شاف موتري وهو يبخها ضحك قلت الحمد لله


up 8 down 1
ابو عبد العزيز 305 382
قبل 4 سنه و 10 شهر



ههههههههههههه
أجل هاك سالفتي
كنت ادوام مع صاحبي بسيارته
وذاك اليوم
اتصل علي صاحبي قالي بجيك بسيارة ثانية واطلع بسرعه بس اتصل عليك

اتصل صاحبي وعطيته مشغول وطلعت بسرعه وأول سيارة قدام البيت ركبتها 

وقلت يللا حرك هههههههه ولا ألتفت إلا واحد اسمراني تبسم في وجهي وقلت له تنتظر أحد انت هههههههههه
قال أختي ببيتكم قلت له أوكيه الحين بتطلع لك هههههههههههههههه وونزلت ياشيخ أبو الإحراج 


up 2 down 0
sheikalqla 27
قبل 4 سنه و 10 شهر



ههههههههههههههههههههههه

حلوة القصص

خذو قصتي

كان قبل اربع سنوات تقريبا معي كرسيده

ونزلت سوبر ماركت كبير وخرجت وجيت عند السيارة وادخل المفتاح بالباب ابي افتحها مو راضيه وجلست احاول واهز الباب بقوة والمفتاح الفه بقوة ابغى الباب ينفتح بأي طريقة لان الوقت ظهر
طبعا وانا واقف عند الباب 

وجلست عشان احاول من جديد لاني تعبت وانا واقف 

الا واشوف الحرمه جالسة مكان الراكب وانخرشت قلت وش معها هذي بسيارتي وطالعت يمين يسار الا وسيارتي واقفة قدام السيارة اللي احاول فيها 
وهي كرسيده ايضا ولافي فرق بينها وبين سيارتي ابدا 

حرام ركبت سيارتي وفحطت وشردت لايخرج الرجال وتصير مضاربة هههههههههههههههههههههههههههه


up 3 down 0
coco13 849
قبل 4 سنه و 10 شهر



وقصة ثانية قريبة من قصتي بس لواحد من اصحابي

الرجال كان منتظر ولد عمه

ولد عمه معه سوناتا

كنا جالسين بسيارتي وقال صاحبي شوف ولد عمي وصل

وقال بيمقلب فيه وراح وفتح باب السوناتا ورا الراكب باليمين ويدخل ويصيح ويضارب في الرجال طبعا اللي بالسيارة يطالع فيه ساكت ومستغرب شوي الا وصاحبي جاي مسرررع وركب وقال ادعس بسرعة وراعي السوناتا نزل معصصصصصب ع الاخر

انا فهمت الهرجة لمن نزل الرجال معصب وقلت ماعليك بنعتذر

طلع الرجال حرمته معه وهي انفجعت مررره 

بالقوة رضي صاحب السيارة قسم ياوجه صاحبي صار طماااط هههههههههههههههههههههههه


up 3 down 0
coco13 849
قبل 4 سنه و 10 شهر



هههههههههههههههههههههههههههههه كل قصة احلى من الثانيه 


أنا مره اخذت موتر اخوي كامري 13 وواقف عند محل معجنات جمبي واحد معه نفس الموتر كان بعايلته وانا لوحدي سيارتي مافيها احد

اخذ طلبه وراح جهت سيارتي فتح الباب الخلفي وحط الاغراض وقفل الباب مشى خطوتين اﻻ السياره مافيها احد ويلتفت اﻻ سيارته واقفه بعد سيارتين وحرمته تنتظره ف سيارته

فتح باب سيارتي اخذ اغراضه وقفل الباب وراح لسيارته وجهه قامممط العافيه هههههههههههههههههههههههههه


up 1 down 0
ahmad alhodali 399
قبل 4 سنه و 10 شهر



اخذت شقه مفروشة حق ابو يومين مع اهلي .....

المهم وادخل الشقه وانا معصب ابي دراهم للموتر وملعنة ام 

الا والشقه كلها قووووووة صيااااااااااااااااااااااااح حراااااااااااااااااامي سراااااااااااق وانا وش السالفه !!!؟؟؟
مع دخلت الخال وشبكم وشبكم ايش الهرجه ويطالع فيني ويحبرني فهم غلط ويحول المطبخ وانا حط رجلك
عرفت اني جبت اووووووووم اوووووووم العيد ياشيخ

اثاري اهلي حولهم بالضبط وادق على اهلي يله يله مشينا لقيت شقه اطلق من اللي انتم فيها )))) ابي اصرف عمري هههه
ههههههههههههههههههه


up 3 down 0
عبدالله 711 776
قبل 4 سنه و 10 شهر