مشروع صالة سيارات

للاسف صارت تجارة السيارات تجارة ماهي محترمة بنظر البعض 
ولازم تحاول انك تكذب  او ما تبين للمشتري عيوب السياارة
يعني صارت التجارة  نصب واحتيال 
اذا تبي تشتغل  قسط سيارات اقساط  اشوف اغلب المعارض الكبيرة كذا نظامهم
وبخصوص فتح صالة صدقني ببتعب ولازم تكسب شره ودعاية و و وتكون مكان ثقة 
يعني مشوار طويل 
وبراحتك واهم شيء التوكل على لله لا تنسى 

عندي لك مشروع مقارب
حاول تدرسه

ألحين الكثير يعرض سيارته في الموقع و الموقع ياخذ عمولة 1%

و بعض الشباب يوقف سيارته في معرض و المعرض ياخذ عليه عمولة 1000 أو 500 و بعضهم 1500 ريال، وبعضهم يقول لك انباعت أو ما انباعت أبغى حق وقفتها.

الفكرة هي:
تفتح صالة أو حوش في المعارض للشباب اللي يستوردون و ما عندهم محلات يوقفون فيها سياراتهم.
السيارة بـ 500 ريال
صالة مقفلة و عليها حراسة أو حوش مسور وعليه حراسة
تنظيف شبه يومي للسيارات
و يكون مكتب المعرض مسؤول عن المبايعة و إنهاء الإجراءات بمقابل 100 ريال مثلا لكل سيارة.

بكذا الواحد حيحط سيارته عندك وهو متطمن بدل ما يوقفها على الرصيف و لا يدري وش يجيها
و أيضـًا يطمئن بأنك ما حتطير له زباين لأنك أساســًا ما عندك سيارات تبيعها ولا انت منافس
و أيضــًا حتدير له عملية البيع و الشراء

و بإمكانك أيضــًا تضيف خدمة مجانية وهي انك تعمل للسياراة إعلانات في موقع حراج بالسعر اللي يبغاه العميل بدون رفع سعر لأنه انت لك عمولتك 500 ريال لا أكثر، لكن انتبه في هذه الحالة عمولة الموقع حتكون 50% من قيمة عمولتك لأنها تعتبر وساطة و الموقع يشترط في الوساطة 50% من مبلغ عمولة الوساطة.
لكن ممكن عمل اعلانات في موقع أخرى مجانية أو عمل موقع خاص بك أو تشترك في موقع مستعمل بمقابل و تصير تبيع بدون عمولة.

و أيضــًا
تعمل اتفاقيات مع شركات التظليل و التلميع و يعطوك خصومات خاصة لكل زبون يشتري سيارة من عندك.

انت بكذا راس مالك خليته قليل
وشغلك أغلبه تسويقي
و فكيت نفسك من سالفة السيارات وهوجسة بيعها و تصريفها

فكر في الفكرة و ادرسها و حتدعيلي

الله يوفقك ياطلال بمشروعك ممكن لايك

معارض الرياض وجده والدمام  مترووسه ترس من السيارات الامريكية وفيه الصالح والطالح
ومكاسبه بعيده المدى انصحك شفلك مشروع افضل وبعيد عن السيارات
وتمنالك التوفيق والربح الحلا

يعطيكم العافية ياشباب ماقصرتوا راح افكر موضوع بعيد عن السيارات