الي يعرف ورشه بالرياض رشها ممتاز لايبخل بالرد

الؤلؤ قليل الي يضبطه
ون ضبط يكون قريب ماهو مثله بالضبط

رحت مركز الوفاء طلبو عالصدام 2000 ههههههه

انصحك رح الغامدي خله يخلط لك البويه
وبعدها شوفلك ورشه زينه وخله يرشه
لكن اهم شي انت اشتر البويه والغامديه يمدحونه بخلط البويه

ياخوي لا رش ولا حاجة فيه واحد يبيع اقلام بوية وعنده الوان السيارات اليابانية ومنها اللولوي واذا انك في الحوطة يضبطها لك 

الحكة ما تسوى من يرش ويخسر عليها 
يا رجال خلها بحالها 
يمكن تفكك من شر اكبر من كذا 

جربت تروح التلميع انا صارلي قريب لحكتك وحكوها بالملمع الصاروخ مع بولش وضبط معي وحطولي اقلام بويه الين شالوه جرب تروح للساطع وان شاء الله تروح 

هذي مكسيما 
وش في كفراتها تقول كفرات اكسنت 

فيه ورشة الجرفين في الشفاء ممتازين اذا حبيت ازود برقمهم تواصل معي خاص وشغلهم رخيص بس رح للتايلندي لا تروح للاتراك تراهم حرامية في ثنتين في الشفاء

روح محلات بويات السيارات

و اشتر بوية تلقيط على قولهم

المهم و بالفرشة و ما بتكون واضحة

شكل الصدام عنك بوية الوكالة ما شاء الله فلا تفرط فيها

لان الصدام اذا انرش مع ابسط دقة في الغالب تتقشر البوية

ي رجال اللون رايح ماظن ينفع الساطع   
وين مكانه بجرب اروح له   

الساطع بجنوب الرياض الفرع اللي لمعت عنده انا بالبديعه جنب وقت اللياقه بس ماادري كيف اوصفه لك اذا انت مهب من سكان الجنوب

لاكن رح اي تلميع وشوف وش يقولك وشوف التلميع اللي حولكم وان شاء الله تنحل مشكلتك يالغالي لان والله انقشر صدامي وديته التلميع وضبط ولله الحمد بس يطلع لون البويه الاصلي لاكن تحس مكانها محفور شوي ولاتوضح الا اللي بينزل يدقق بالصدا

بالصدام تعديل لاخر رد 

اذا اوضاعك تمام روح لمركز الصفوة شغل اتحداك تلقى مثله 

شغلهم متعوب عليه ويعطيك فوقها ضمان بعدم تشهب اللون 

والعماله اتراك وفلبينين موقعهم في الصناعيه القديمة 

الله يعطيكم العافيه على الردود ماقصرتوا   

قسم بالله اخلي الموتر مصدوم ولا اصلحها عن الجرفين