أضف سؤال أو موضوع جديد          

بعيدا عن السيارات .. اعتذر .. مساعدة ..

up 2 down 6
fahadlfc 314
قبل 7 سنه و 7 شهر



السلام عليكم ورحمة الله وبركاته 

مساء الخير ...


مساعدة في اختيار تخصص جامعي 


بسم الله الرحمن الرحيم . 

إخواني وضعت لي 3 خيارات . 

الحرس الوطني .. 

علم النفس ... 

الهندسة هندسة معمارية ... 

تربيه بدنية .. 

وش رايكم ووش تقترحون ؟ 


وعندي عملية جراحية بيدي اسياخ وتم ازالتها والحمدلله 

هل له تاثير بالقبول قدمت ع الحرس الوطني ...


وشكراً واعتذر ي جماعه الخير والله اني مهموم بالتخصص 

وادعي لكل من يساعدني لو بدعوة من ظهر الغيب او نصيحه . 

وان شاء الله اني بدعي بمكه لكل من ارشدني وراح انوي 

طواف اجر عن اللي ارشدوني وبستخير في بيت الله .. 

اعتذر كل الاعتذار عن وضع الموضوع هنا ..  م شاء الله 

فيه ناس غبها خير وفاهمه وتنصح وتعطي .. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك واسطه تمشي امورك


up 2 down 10
ryan-999 -189
قبل 7 سنه و 7 شهر



انصحك بالحرس الوطني والهندسة المعمارية ! لكن احتياط قدم على الكل علشان تضمن نفسك بجامعة !


up 5 down 2
fahad11-11 160
قبل 7 سنه و 7 شهر



انا بعطيك رايي الشخصي  

طبعا انا عاطل وحالتي حاله  كله بسبب اني ماكملت تعليمي 

اعرف  كثير بالحرس الوطني لكن اشوفهم كلهم يشتكون من قل الرواتب والمرمطه

فـ هنا نصيحتي لك كمل دراستك  ماتدي يمكن بكرا   تصير شي نتمناه كلناَ

بخصوص التخصص =  هنا غلط كبير انك تختار الانجح فيهمَ  بل اختار الي يناسبكَ

انا يوم خلصت الثانوي  قبلوني  كذا تخصص بس ماداومت  لضروب اشتغلت  - ولو يرجع الزمن ورا والله لـ اخذ تخصصات كهربائي او مكانيكي 

لان هذي هوايتي  احب  الاشيا الي كذا

فـ كما قلت لك نصيحتي لك خذ الشي الي  تحس انك بتبدع فيــــــه  عشان ماتمل من عملكَ~


up 6 down 2
taarq 679
قبل 7 سنه و 7 شهر



ابراهيم وش فيك اكلت الرجال بقشوره ههههههههههههههههههههه , اسمع نصيحتي وانا اخوك .. انت اول شيء تحب الدراسة ولا لا ؟؟؟ 



ان كان في راسك دراسة استبعد اول شيء تخصص التربية البدنية , وتخصص علم النفس , لايجي واحد ويقول ادرس اللي تحبه , لا ياخوي اللي يقول لك كذا مع احترامي له غلطان 



ادرس تخصص مطلوب في سوق العمل ولا بتجلس في منتدى حراج 24 ساعه ههههههههههههههههه 



تخصص التربية البدنية وعلم النفس سوق العمل اصبح فيه فاااائض ونادر تحصل لك وظيفة وقبل فترة جابوا في برنامج الثامنة خريجي علم الاجتماع متخرجين من سنة الفين وحطبة وللحين ماتعينوا 




انا لو اني مكانك ابدخل هندسة معمارية او الحرس الوطني رغم اني ما انصحك تدخل عسكرية بشهادة الثانوية , لكن فيه تخصصات حلوة ومرغوبة في سوق العمل مثل : ادارة الاعمال , المحاسبة , الحاسب الالي , الطب , الهندسة ..



في الاخير استخر ربك قبل كل شيء وفالك القبول ان شاء الله 


up 2 down 3
ابو سعود629 4708
قبل 7 سنه و 7 شهر



شكراً للجميع .. وحسبي الله ونعم الوكيل .. 

الحمدلله احب الدراسه وناجح فيها بامتياز .. 

قدمت ع اكثر من تخصص وهذا اللي براسي .. 


up 3 down 1
fahadlfc 314
قبل 7 سنه و 7 شهر



اشكرك ابو سعود جزيل الشكر .. 

ميزه الحرس دراسه بمكافأة 3600 .. 

وانتظر البقيه واتمنى من اخي إبراهيم التركي لنك لا زلت اخي ومحترمك .  

فضلا لا امرا قل خيرا او اصمت .. 


up 4 down 1
fahadlfc 314
قبل 7 سنه و 7 شهر



تبي نصيحتي قدم في كل شي لا تخلي ولا اي تخصص او كليه ماتقدم وبعدها اذا قبلوك تخيير لا تكون محدد الاختيارات هذي وجهت نظري والله يوفقك 


up 2 down 1
keeeeeeeeeds911 137
قبل 7 سنه و 7 شهر



اذا تبغى تتصور مع الشهاده 20 سنه قدام ادخل علم نفس او بدنيه

 
بأعطيك رأيي وعيوب ومميزات كل تخصص 
افضل شيء الان
التربيه الخاصه - صعوبات التعلم - الانجليزي 
بالنسبه للتربيه الخاصة والصعوبات فيها بدل 2000ريال مجرد ماتتعين 10آلاف بجيبك + علاوه سنويه 450 بعد حسم التقاعد

التربيه الخاصه متعبه جداااااااا وكل طالب له تحضير خاص وكل طالب له موال وتعامل الحاله ميزتها 11 بالكثير وانت في البيت وتعطل بدري قبل المعلمين باسبوعين
لكن الصعوبات مريحه جدااااااااااا عندنا واحد بس يتبطح 


up 1 down 0
ابو راكان تبوك 956
قبل 7 سنه و 7 شهر



^ انا مع اللي يقول قدم على كل شي ؛ طبعا لا تقفل على نفسك اي باب مفتوح ؛

ثاني شي ؛ خلي الهندسة اول اختيار ؛ وهذي والله ماتعرفها الا بعد ماتتوظف ؛ تشوف نظرة المجتمع مختلفه للمهندس ؛ حتى باالعمل المهندس يترقى ويصير مدير بشكل اسهل خصوصا لو كمل ماجستير ادارة اعمال ؛ ويهايط ب اسمه مهندس ؛ واحنا شعب هياط على فكره :) بالتوفيق


up 2 down 0
سآآآل 318
قبل 7 سنه و 7 شهر



على فكرة تقديم ارامكو الظاهر يبدا يوم ٢٥ شعبان ؛ تاكد من الموقع ؛ 

بالتوفييييق يارب 


up 1 down 0
سآآآل 318
قبل 7 سنه و 7 شهر



الهندسة تخصص مطلوب لكن القليل اللي يقدر عليه لانه كرف وصعب


up 1 down 0
albroker99 743
قبل 7 سنه و 7 شهر



هندسه اخوي ماخذ البكالوريوس من بريتش والحين له شهر شغال في وزاره الاسكان
بالمرتبه السابعه وبعد رمضان بيسافر كندا يكمل ماجستير 


up 1 down 0
نادرالزهراني 429
قبل 7 سنه و 7 شهر



اخوي بين قوسين 


( الشهادة سلاحك في هالعالم ) 

رح الهندسه في البدايه راح تتعب 

لكن لمن يكون دوامك من ٩ صباح الى ١٢ ظهر << وتشوف العسكر مساكين مستلمين ليل نهار 

هذاك الوقت تقول ياربي لك الحمد اني درست واخذت شهادة


up 2 down 0
maximum speed 578
قبل 7 سنه و 7 شهر



الله يعطيكم العافية مشكورين الجميع لايك .. 
ولكم دعوه وطواف في الكعبه ان شاء الله .. 


شكراً من القلب ♥ 


up 1 down 0
fahadlfc 314
قبل 7 سنه و 7 شهر



يامرحبًا فيك
ألف سلامة على ايدك وربي يوفقك ويسرك لك الخير

شوف انت بتحب ايه وادخله 
الحرس الوطني ضابط ولا عسكري ؟!
ممكن نتفاهم على الخاص 
لو محتاج مساعدة


up 0 down 0
mohammad saeed 2864
قبل 7 سنه و 7 شهر



الله يوفقك 

لكن فكر في اللي قلت لك عليه 
التعليم حلو مع انه كررررررررف بس ميزته تعرفها لا جو لك عيال وتعطل معهم وتفلها لاي ديره تبي 

اعجبني رد ماكسيوم سبيد ( الشهادة سلاحك في هالعالم ) اتعب 7 سنوات في تخصص محترم ترتاح عمرك كله 
ما ضيعنا الا الدجه زمان 


موووووووووووفق


up 1 down 0
ابو راكان تبوك 956
قبل 7 سنه و 7 شهر



نصيحه ادا تبي تطور من نفسك ادخل تخصص واطلع بعثه خارج المملكة
هذا احسن حل

مجرد رأي شخصي

والله الموفق ...


up 0 down 0
basil .b .q 49
قبل 7 سنه و 7 شهر



كلامك منطقي وعلى للعين والراس ي ابو راكان 


up 0 down 0
fahadlfc 314
قبل 7 سنه و 7 شهر



اخوي محمد راح نتفاهم ع الخاص م في مشكلة .. 

م تقصر والله .. 


up 0 down 0
fahadlfc 314
قبل 7 سنه و 7 شهر