لا مافيه الا قير عادي فئه لموزين 2000 سي سي درايش عادي سعرها 2014 تقريبا 52 عند عماد الدين في النسيم ولا الفل كامل فتحه 78

بس الاحسن القير عادي 6 نمر ومكينه 2000 سي سي عزم خيالي على كيف كيفك احسن من التماتيك

ماعندي مشكله قير عادي لاكن قزاز هندل سلامات ...

مافيه مثل م قالوا الشباب و حتى لو فيه بيكون 4 سرعات على محرك 2000 تخيل حنة الموتر في الخط ع الرابع ؟! متوفره في الفل .. لكن و الله غريبه نازله بقزاز هندل !

اما 2014 وقزاز هندل..!!

بعدين عبداللطيف ذا خبل ماهو صاحي..والاخبل منه اللي يروح يشتري من سياراته..

ايش اللي 78 في كورولا...

وهونداي نفس الحكاية بدت تمشي على مسار تويوتا..

النترا فل كامل صكت 70..!!

والاستاندر مكينة 2000 بحوالي 57..بس شهادة حق هونداي قزازهم كهرب خخخخخ

والله اشوف سعرها مناسب خوصا لي 2000 سي سي 52 الف هذا اعلان يوضح الموصفات 4310153 وبعدين ماقصر حط لك مرايات كهربا وتحكم طار وريموات ولا تستغني عن محرك 2000 وتاخذ 1600 عشان الدراش الهكربا انت اختر بينهم

حمار هالوكيل ولكن ذكي


يبغى يحيرك

تاخذ الفل علشان قزازها وريموتها
لكن مكينه صغيره بتطلع عليك قيمتها أغلى بكثر رغم إنه هو ماهو خسران مرره لانه زود في المواصفات البسيطه وجاب لك مكينه أرخص

وإذا تعذروا الناس وقالوا لازم مكينه كبيره 

مالك الا تاخذ إستاندر مكينه كبيره درايش هندل ويكون باع الثنتين وكلهم سوقهم ماشيء
واحد تهمه قوة مكينه
والثاني تهمه المواصفات 

كأنه يقولك الوكيل تعال أعطيك بيمينك بشرط أقص يسارك

ولا تعال  أعطيك بيسارك بشرط أقص يمينك

عاد أنت مثلا أشول تحتار تقول آخذ اليسار لاني أعرف أكتب بها

ولا آخذ اليمين علشان أعرف أسلم على الناس

عليه غضب الله هذا الإستغلالي

والله يا اخوان صاحبي اشترى ستاندر مكينة 1600 قير عادي وندم عليها 

المفروض ياخذ 2000 وقير عادي

بس اللي خلاه ياخذ 1600 عشان القزاز تماتيك 

ونصيحة القزاز مو بذاك الاهمية

وخذ مكينة 2000 قزاز هندل عادي

والا شف لك المعارض خله يجيب لك طلبية 

او الوكالة ويجيبون لك طلبية مكينة كبيرة ستاندر قير عادي قزاز كهرباء

والله يوفق الجميع

اخواني انا اضحي بالمكينه اهم شي قير تماتيك قزاز كهرب خصوصا القزاز للاطفال يريحك

ولاكن عزم الكورلا 1600 هل ممتاز او مثل عزم الاكسنت 2010 تماتيك مكينة 1400 ومثيلاتها

عندي خطه 
اشتري كوروﻻ سياحي مكينة 2000 زجاج هندل 
وبعدين اشتري ديكورات الابواب ومكينة الزجاج وحولها زجاج كهرب
ماتكلفك 1000 ريال 

انا استاجرت كورورلا ٢٠١٤ مكينته ١.٦ والله العظيم عزم زفت ومكينه خياس وتغثك كل ماتهدي وتمشي مالك الا تكون كابس على دعسة البنزين على الاخر عشان يالله تقدر تخارج عمرك في الاشارات والانتقال مابين المسارات 
فنصيحة لك من محب ابعد عنها دام مكينتها ضعيفه ودورلك على بدائل افضل. وبالتوفيق

يارجال خذ ألنترا مكينه 2000 سي سي فل كامل قير تبترونيك وقزاز كهرب ...الخ  الكورلا شكلها حلو وأفضل من السابق بس قزاز هندل !! اغلب شركات سياراتهم أقل فئه وقزاز كهرب خذ النترا فل كامل ومواصفاتها جدا حلوه وارخص من الكورلا

انا معجبتني الالنترا بس يقولون الكورلا ارسا ...

أنا مدري عـن رساوة ألكورلا لكن أستاندر ألكورلا قيمة ألنترا فل كامل أو نص فل .. إلنترا فل كامل بالوكاله حول 68 ألف بالمعارض حول 64 ألف

جربت الكورلا استاندر1600 لا تدور لا عزم ولا رساوة زفت
والسيراتوالجديدة نص فل نفس الشي زفت اسئل مجرب