الفارق بين نظامي التأجير المنتهي بالتملك والتقسيط

نظام التاجير
كانك مستاجر سيارة من مكتب تدفع لهم شهريا قيمة التاجير (قسط) وبعد 5 سنوات تدفع الدفعه الاخيرة وتتملك السيارة وينقلونها باسمك
طبعا الاستمارة باسم الشركة وانت مستخدم مادفعت يسحبوها ويدفعوك قيمة الكيلوات الزايدة عن المتفق عليها 

نظام التقسيط
عقد بينك وبين الشركة بانك اشتريت سيارة وتدفع قيمتها على شكل اقساط لمدة...
على طول تنقل السيارة باسمك ولك الحرية بالتصرف بالسيارة ملكك

لكن شروطهم لنظام الاقساط تعجيزية اقرب مثل صافي الراتب بعد حسم الالتزامات اللى عليك يكون فوق 7 الاف واكثر
وتلاحظ الموظف يشجعك على التاجير عشان في الطلعة ماكلينك والنزلة ماكلينك 

التقسيط تكون السيارة بأسمك و تقدر تبيعها 
اما التأجير فالسيارة تكون بأسم الشركة و انت مفوض لقيادتها و ما تقدر تبيعها
و ما تقدر تطلع برا المملكة الا بتفويض من عندهم 

السلام عليكم عطوني ٥ لايكات وربي محتاج انزل موضوع ضروري ، 

التقسيط العادي افضل
اما التاجير فهو نظام نصب كل شروطه مع الشركة و ضد العميل

شكرآ لي عطاني لايك

اتوقع التقسيط غير النسبة الزيادة ؛ مايكون عالسيارة تامين ؛ 

لكن يضل افضل اذا لك امكانية عليه ؛ والافضل اذا تقدر تاخذ قرض وتشتري كاش ؛ 

 التاجير المنتهي بالتمليك يكون اخر الحلول ؛ 

سعيد اخو مبارك

# خلاصة هالنظامين ان المواطن مأكول مأكول ، مثل المنشار طالع اكل ، نازل اكل 
الله يسهل الامور ،،

قرض شخصي من البنك واشتري الموتر باسمك ولاتذل نفسك للمجرمين


اما المنتهي (بالتهليك) فهو فخ ، لاالسياره باسمك ولاتحس بالأمان وممكن لو سددت ٤٠ قسط
وباقي ٨ اقساط مثلا ، عادي يسحبون الموتر منك بدون تفاهم !! اذا كان العقد يقول كذا

بالله ماهي قهر تقسط من دمك ٤ سنوات وبرضة يطلع احتمال يروح تعبك بلوشي لو تأخرت لظروف 
أو صدمت بالنوتر لاقدر الله ؟

بغيت اتورط فيه واشتري لاند كروزر لكن يوم قريت العقد شي يشيب الراس انا اقول كيف العالم
ذي توقع على العقد بدون ماتقرى حتى السوداني يقولي مااحد يقرى العقد الا انت وفي الاخير
رفضت واكتشفت شي انك راح تنبسط اول شهرين بعدها تفيق من الغيبوبه وتعرف ان
السياره ماهي لك اجار ودفعه اولى والخلاصه ماحرموه العلماء هو والربا الا لانه يزيد
الغنى غنى والفقير فقر