هذه قصتي مع قطتي

12 10

لايمكنك التصويت حتى الحصول على 20 نقطة على الأقل
إضغط هنا للإخفاء

أبــوســالــم 775
قبل 10 سنه و 4 شهر

السلام عليكم

استغفر الله 
قبل تقريبا سنة 
كانت فيه قطه اشوفها طابه عندنا بالحاره وشكلها مميز ولونها بعد
لونها فيراني وشعرها كثيف 
يعني واضح انها مب من قطط الشوارع المنتفه 


لكن الحقيقه كانت في نفس الوقت فيها ريبه وشك ووضعها مرعب 

وكانت فيها حركات غريبه 


يعني تخيلوا
اذكر اني كنت اقوم انزل من البيت ابي اروح صلاة الفجر 
الاقيها من بعيد تلمحني وهي واقفه بزاويه الحاره ونظراتها مهيب نظرات قط 

العجيب
وهذا تكرر كثير منها 
كل ما نزلت لصلاه الفجر الاقيها تلمحني بالحاره عند مدخل الحاره

المهم اذكر اني رحت للمسجد وهي كانت خلفي 
واسمع صوت ركض شديد 
واناظر بالخلف و اشوفها جايه باتجاهي وتركض ركض 
والتفت بكامل جسمي واضرب الارض ، وترجع تحشر نفسها خلف الصخور

وتكررت هذه الحاله اكثر من مره 



الخلاصه اني قلت بنفسي هذه القط فيه مس وشيطان 

وكنت ولازلت ولله الحمد كل ما خرجت من البيت اذكر الله


الوكاد يالربع ان القط اختفى 
ولا صرت اشوفه 

قلت بنفسي فكني الله من شره



قبل كم يوم 
اسولف مع جاري يسكن قريب من عندي سواليف عاديه واخذ وعطا 
ودخلنا سوالف الجن

وقال لي 
كان معي قط فيراني شعره كثير مره معطيني اياه عمي هديه 
وكان القط فيه جن 
قلت له اثريه هالقط من عندكم ههههههه
قال لي تعرفه ؟
قلت له وكيف ما اعرفه وانا لي معه قصص هههههه

المهم قال لي
من يوم ما اعطاني عمي هالقط والبيت مب طبيعي
والقط تصرفاته غريبه جدا 
قال انا مخصص له مكان للنوم 
واذا رحت من عنده الاقيه طالع بالملحق ينام لوحده في ظلام 
قال ودائما يناظر بالسقف ويطارد اشياء مهيب موجوده
قال والمصيبه انها صارت في بيتنا معه قصتين
قال مره طلعت عنده فوق ولقيته منسدح واقعد امسح شعره وكان الوقت بالليل والنور طافي

يقول المهم فجأه كذا القط حرك براسه تجاه الباب وقاعد يناظر الباب 
قال وناظرت الباب واشوف واحد مطلع يده من الباب مثل الي يبي يفتحه 
يقول وبشعور لا ارادي انقز للدرج واحط رجلي وتعوذت من ابليس
الموقف الثاني صار لواحد من اهله
يقول ظهر لهم رجل ضخم على راس قطتهم

يقول من بعدها عزمنا نوديها الحراج 
وبعناها 100 ريال وفكنا الله من شرها 


عالعموم حبيت اسولف معكم وتذكيرهم بذكر الله دائما وابدا

والمعذره على الاطاله#

إبلاغ

الردود