سبحان الله وبحمده سبحان الله العظيم

لا تخلي فلوسك ابد وانشب لهم واذا ماطل روح اشتكيه 
وانا صارت لي نفس مشكلتك مال الكفر الامامي بعد حادث ورحت ميزان العضيب والحمدلله شغلهم تمام لكن غالي شوي .

إختصار الموضوع زين الرجال جاء و اخذ و أعطى معك

الكفرات لها دخل بالحذف بشكل واضح و أغلب الحذف من الكفرات

بعدين وش هالميزان 400 ريال

ابو عبد الله شكلك مكثر الرجال يقول بدلت الكفرات ونفس الجهه تحذف ههههههههههههههههه ه

بعدين يسوي من 10 إلى 15 سيارة باليوم

خلنا بالحد الأدنى 10 سيارات من 400 ريال

4000 ريال باليوم

120 ألف بالشهر

و باقي يقولك شريك و خرابيط

من ثاني مره المفروض يستحي و يعطيك حقك

المفروض ما يطلع من بيته يريح نفسه المبلغ اللي تبيه

ما يجي ولا 1 % من دخله الشهري

يريح عمره و يعطيك حقك و إنتهى الموضوع هههههههههههه

مر المحل بكرة وشوف اذا شفته يماطل اتصل على الشرطة تأخذ حقك من فوق خشمه 

قريت الموضوع على السريع

لكن شوف
مره جات حذفيه فالفورد عندي
رحت للعضيب وقال 
بدها كبس بسندل وبدها كبس كمر وبدها ودبها وكلها بتكلف 1400 تقريبا

رحت لمحلات ثانيه وزنو وماتعدلت الوزنيه ولاعطيتهم فلوسهم

اخر شي رحت لميزان اليرموك في الصناعيه القديمه
شيك على لاسياره 
قالي عندك ميلان في الكفرات الاماميه متقوسه لازم نسوي لها كبس مقصات
بعدين نسوي لها وزن
كبس المقصات لحد ما استقامت الكفرات
بعدين وزنها اذرعه والحين السياره صارت مثل السيف

كبس مقصات ب300 وزن والله مدري بكم بس مايتعدى 150

بصراحه صاحب المحل ماقصر وقليل يسوي مثله 
باله طويل هو وعامله 

طيب شف الصواميل اذا مختلفه 
تسبب حذفه اقولك عن تجربه 
ركب لي صواميل غير صواميل
السياره طلعت تحذف 

حصلت معي بعد تغيير الكفرات و سويت لها ميزان 
صارت تحذف لليمين  
و كل مارحت عند واحد قال يبيلها سحب مقص 
رحت لليرموك قال اعكس الكفرات اذا راحت الحمدلله ما راحت لازم كبس مقص 
و الحمد لله راحت بعد ما قلبت الكفرات 

لو انت ف الطائف اوديك عند باكستاني شايب ماشاء الله عليه خطير 

ياخوي لا تدقق انا والله مطلع كامري وكاله ٢٠٠٤ وكانت تحذف ومازالت  لكن حذفه بسيطه  فلا تدقق الا اذا كانت الحذفه قويه 

الشي الثاني انت متأكد ان سيارتك ماصار عليها حادث في المقدمه ترى تأثر وبتتعبك ماتلقى له حل 

شكله سيارتك فيها بلى وفيها صدمه فالوجهيه
وبعدين صاحب الورشه جاك بنفسه وطلع معك والعامل المسكين رجع وزنها لك خمسين مره ضيعت عليهم وقتهم واشغلتهم والعيب في سيارتك المصدومه وتاليتها تطالب بفلوسك
ياخي انا استغرب في الناس يلي عندها وقاحه فوق العاده
والله لو اني صاحب المحل اني ما اتحمل كذا زباين

الحادث صار للسيارة في المقدمة للسيارة ،، انا سويت ميزان عشان السيارة فيها حذفهه والكفرات الاماميه مايله

الحذفهه على 60 تعتبر خفيفه ،، على 100 الحذفهه قويه يعني لو ثانيه وتحذف السيارة يمين ودخلت بالصبة

لو الحذفه بسيطة كان ليش اروح اسوي ميزآن؟

اللي يقول عن صاحب المحل وعامله بالهم طويل ،، والله العامل مايدري وش الطبخة ،،

عمرك شفت احد يرفع السيارة من الامام ثم يقولك اضرب فرامل ثم يفك مسامير الكفرات؟

ويجربون سيارات الناس على طريق منتهي مطبات وحفر ومايل

وانا اللي صبري طويل ،، طيب نفرض سيارتي فيها بلا ومايعرف لها ،، يرجع فلوسي ومانبي اي خدمات

يعني يا اخ سلطان تبي اتنازل له عن فلوسي وانا ما استفدت شي؟

واضح العامل مايعرف لها ،، يشتغل عليها وتحذف يمين ،،، ومره ثانيه يشتغل عليها وتحذف يسار ،،، وش المشكلة بالسيارة ولا بالعامل مايعرف لها؟

المشكلة باللي مايعرف يوزن صح

انا مسوي سيارتي بوكالة الكفرات وكانت فيها حذفيه والكفرات الخلفية مايله ،، سويتها عند وكالة الكفرات ضبط السيارة خلفي وامامي ب180 ريال

اشتغل عليها نص ساعة ورحت جربتها فيها حذفه يمين بسيطة جدا ،،

وزنها من جديد شغل عشر دقايق او ربع ساعة وضبطت سنتر ماتحذف لا يمين ولا يسار يومين

ورجعت لهم مشكلة بعد يومين عشان بالدريكسون فيه رجه بين 90 الى 120 ،، عملوا لي ترصيص مجاني واختفت الرجه ،، صارلها خمس ايام مثل العسل

اليوم ان شاء الله آذا صار قد كلمته وسلم لي فلوسي ،، بروح وكالة الكفرات وبسوي لها ميزآن عندهم