تصليح السيارة بعد حادث

ارجع للورشه اللي صلحت عندهم وقلهم عن المشكله

وراح يخبرونك بحكم انك مصلح سيارتك عندهم

احسن من تروح لورش السباكين وكلن يفتي لك

رجة العكوس تبان مع دعسة البنزين واذا شلت رجلك تختفي

الرمان يطلع صوت مع المشي 

رجة الكفرات تبان في الدركسون يرج 

ابداء من الاول     رصص  ان زان كان بها مازان شف الي بعده 

طيب لو اودي الموتر الميزان مثل العضيب 

ويرفعون الموتر ممكن يعرفون المشكلهه ؟

اتوقع العكوس عندك والا احد الاذرعه مطعوج

اكيد بيعرفو بس خذها مني الرجه حلها ترصيص او كفر محبل او وزن اذرعة طبعا اقلك لاني معاي سيراتو
اخت الالنترا و قطع سيارتي نفس قطع سيارتك

زي ماقلتلك ارجع للورشه نفسها

بتروح ترصص ثمن لاقدر الله ماتضبط

ثمن بتروح تغير كفر ولايضبط

ثمن تروح توزن ذراع

خساير في خساير واخرتها الكفر سليم والذراع سليم

وعندنا يغشونك لو تجيب لهم موتر وكاله قالك يبيله ترصيص ووزن اذرعه

اسمع نصيحتي ارجع للورشه وقلهم بالحرف

انا صلحت سيارتي عندكم وطلعت كذا وخلهم يكشفون عليها ويعلمونك

لان انا اترزق الله كل ماجمعت لي قرشين بالسيارات بشي بسيط ازيد دخلي

واعرف الورش زين واعرف نصبهم يجونهم شباب يلعب بمخه ويكبر المشكله ومناك تحصلها شيء بسيط

وانا نصحتك من اخ لخوه واذا تبيهم يتعلمون على موترك الله يقويك

وانت ورايك اسئلني عنهم الورش

بالتوفيق

اخ amear

انا وديتهم الموتر قبل ورفعوه بالرافعه وكشفوه ما شافو فيه شي !!

انت فاهمني ..

يبن الحلال اطلع للعضيب في 5 دقايق يكشف لك على الموتر ولا اي ميزان مهب شرط العضيب وخله يشيك على العكس اذا قال لك سليم خله يدور على الكفرات يمكن واحد منهم محبل اذا شافها سليمة اكيد ترصيص مايبي لها 1 ولا 2 يمكن مع فك وتركيب الكفرات وهم يسمكرون الموتر تغيرت وزنية الكفرات واختلفت وبعدين انت تأكد الرجة مع الدعسة بس ولا بدون ولا على سرعة كم


وصدقني نسبة 90% ياكفر محبل ولا ترصيص وكلها تساهيل ... تقبل مروري

الرجه تجي من

الكفرات محبله او متآكله بشكل غير متساوي او تحتاج ترصيص

تحتاج استبدآل فقط اذا هي تالفه اقصد ماهي متآكله بشكل متساوي بسبب استخدام القوي للفرامل

تقدر تروح آي بنشري ويفك الكفرآت ويشيك لك يحتاج ترصيص او لا

واذا بغيت تعرف الرمانات فيهم مشكلة او اذا رفع السيارة البنشري جرب حرك الكفرآت شوفها تتحرك او لا

مثل في هذآ الفيديو

http://www.youtube.com/watch?v=5ybpuQTwoFg

وممكن تحتاج ميزآن

معروف آي سيارة بعد الحادث او بعد ما تآكل رصيف تحتاج تشييك في الميزان

انت الافضل تبدأ تشيك على الكفرآت تحتاج ترصيص او لا وبنفس الوقت شيك على رمانات الكفر بطريقة اللي بالفيديو

وبعدين آذا كل شي سليم روح ميزآن وان شاء الله يطلع فاهم ويضبط لك الرجه

ابد بالاقل تكلفه دائماً اول شيء تسوي تروح اقرب بنشري تحصل عنده مكينة الترصيص خله يفك الكفر كله ويشيك عليه واحد واحد في الجهاز ويبين معك المشكله من الترصيص او الجنط او من الميكانيكا .