طيب خلاص سامحتك ـ ويصكوني ب 3 مخالفات ـ الأردن
10
2
إضغط هنا للإخفاء
﷽
بين إجازة الفصلين السابقة ، رحت للأردن مدة يومين بس انهي شغلة وارجع
وطبعا أول ماوصلت استاجرت موتر
وتعرفوا اللي يسوق في السعودية ويطلع برة يسوق ياكل هوا
لأن عندنا متعودين نوقف مزدوج عادي ، مانحط حزام
المهم --
رحت الظهر اجيب لي رز بخاري وشواية >> حتى في الاردن هههه
ولقيت الناس موقفين ومافيه مكان ، وقفت مزدوج جنب سيارة ، ومشيت للمطعم
بعد دقيقة وحدة ، اطالع علىٰ السيارة ولا العسكري ماسك الدفتر عند سيارتي
واجيه بسررررررعة ، اقول له معليش سامحني والله ماحصلت موقف وانا الآن جيت من خارج الاردن ، ابتسم ابتسامة تسامح وقال لي روح الله ييسر امرك سامحتك
المهم وفي نفس اليوم كنت ماشي ، طبعا عندهم في الدوار مافيه اشارة ، العسكري هو اللي ينظم يوقف خط ويمشي خط
وجيت أنا كنت ملتهي في الطريق وضايع ، والشرطي كان موقف السير اللي أنا فيه وانا مشيت وماوقفت
طالعت في المرايا ولا لقيته يسجل رقم اللوحة علىٰ طول وجعت ريوس ونزلت له ، كان معصب مرة قال عطني اوراقك
قلت له تكفى والله أنا ضايع في الطريق أنا مو من هنا من السعودية ، ابتسم وقال لي خلاص الله معك
المهم جا وقت تسليم الموتر لشركة التاجير ، وقال لي سدد ٣ مخالفات أنا انصدمت
وين سامحتك ومدري وش هههههه اندال قسم بالله
مجموع المخالفات كان ٦٠ دينار ( الدينار = 5 ريال ) تقريباً يعني ٣٢٠ ريال بس
تعتبر رخيصة مقارنة بالمخالفات اللي عندنا
إبلاغ
الردود
أنا مااخذت معي سيارتي ، استاجرت سيارة اردنية
وغير كذا يمكن مخالفة السرعة غالية
أنا كل مخالفاتي وقوف غير نظامي وتجاوز المرور في الدوار عند التنظيم
0
0
انا رحت انا ولد عمي من طلعنا من المفرق طبعا انا اللي اسوق صكوني مخالفة سرعة ب80 دينار الله لا يوفقهم
عاد قعدت اقوله ان عندي موعد بالمستشفى واخروني جوازاتكم يمكن نقعونا ساعتين ونص ..
قال مو شغلي بدك تدفع فوري ولا اذا جيت تطلع , قلت الله لايبارك بكم ندفع فوري ..
الزبدة ولد عمي طول الطريق يضحك علي قعدنا يوم خلصنا من المستشفى واخذنا شقه وقاعدين نرابط عند الشباك عشان السيارة مماتنسرق
نمنا نستنى الصبح يطلع عشان نرجع وحنى راجعين ولد عمي يسوق وصكوه ب100 دينار اعلى مخالفة كان يمشي 190
وجينا عند المنفذ ويقولنا العسكري انتم سابع سيارة تجيني من الصبح بمخالفة 100 دينار وكلهم سعوديين
هههههههههههه قلنا اشوى مو بس حنى
قبل 10 سنه و 4 شهر