اليوم بانزل المعارض

مبروك مقدماً وان شاء الله تلاقي مرادك

لكن اهم ماعليك انك تاخذ وقتك كله في الفحص ولا تستعجل 
ولا تصدق الا بالشوف والحوف وعينك ما تغرك

وبالبركه ان شاء الله

فحص كذب سيارات جديدة من الوكالة تطلع مرشوشة وخرابات وعيوب

اختلف معك مسشار براهيم التركي. الفحص قد يبين لك عيوب ماتعلمها مثل صوت جنزير المكينه  الغير واضح ونسبه استهلاك المكينه والجلد والشاص  ولديه امكانيات بس اهم شي تروح مركز فحص معروف ومتخصص مثل البريدي في النسيم او الشفا ناسي بالضبط مكانه وعندك الي خلف معارض الشفا بجانب نقليات البسامي في وصط محطه وقود يفصفصلك السياره فصفصه

يعطيكم العافيه ياخواان .. طبعاً انا من مكه المكرمه 
اي شخص يعرف افضل ، مكان لفحص الكمبيوتر يقولي عليه وعلى مكانه 
احتمال انزل جده .. وفيه شخص دلني على واحد ورشة اسمها ابو عمار .. قرب المعارض
يقولون الرجل هذا تركي امين جداً .. ويخاف الله

باخذ كم شخص فاهم في السيارات معاي ، وبرضو بافحص كمبيوتر ، باكشف جميع مشاكل السياره قبل شرائها
ونستفيد منكم ومن خبرتكم ، يعطيكم العافيه جميعاً !!

فحص الكمبيوتر شامل كمبيوتر وبودي وينزل المهندس يفحص بطن الموتر بكشافه ويطلع عليه ويجربه ويمسكبه خط. من قالك ان فحص الكمبيوتر مجرد جهاز لا اسمه فحص كمبيوتر وبالاصح هو شامل ب ٣٥٠ الا ٤٠٠ ريال وبدون البودي ٢٠٠ ريال خذ العلم

حبيبي بعد نزول 6 اسابيع متتاليه عشان اشتري سيارة ... فحص الكهرباء والله مسخره ,,, اللي يهمك الاساسيات فقط
ثانيا جرب السيارة بنفسك وقلب ام امها .. فوق تحت .. صرت من الخبره .. اقله المسجل حق السياره كويس ولا لا ! ..
لا تستعجل وانا اخوك وتتندم .. خذ راااحتك والسوق كل شوي وهو نازل .. يعني تمشى وخذ راحتك ماهو لازم تشتري على طول

ابو حاتم !! طيب لو فحصت مثل ما قلت واخذ المهندس السياره وجرربها !! واخذت السياره وطلعت فيها مشكله !! 
هل يتحملها المهندس !! مستعد اعطيه 500 مو بس 350

صحيح عزيزي خالد !! ولكن انا أنسـان عندي دوام ، ورمضان جاي
يعني صعبه اني كل ماجيت أداوم اتصل على خويي يجيني وهو يرجعني وكذا !!
غير التكاسي في رمضان الظهر وكذا خلها على الله .. 

اذا ماعندك خبرة ماعناها نص فلوسك اللي جمعتها عشان تشتري بها موتر بتروح على الفحص لأنك منتاب صاحب خبرة


نصيحة شف أحد من اقاربك او اخوياك له خلفية في المواتر وخله يروح معك اذا شفت الموتر يستاهل ينفحص اطلع انت وياه جرب الموتر اول شي شخصيا ادعس له شف عزمه في تفتفه في شي فيه اصوات قربعة فيه صوت حنه او شي في المكينة تبديلاته سليمة ولا لا وبعدها رح افحص واذا ماجاز لك الموتر قله والله اعتذر الموتر ماجاز الله والله يرزقك ... تقبل مروري

اسال الله لك التوفيق وباذن الله تحط بواحد امين
لكن نصيحتي اشتري من واحد مستخدم 
وخلي عنك ذولي الي يجون ويقنعونك والله السيارة نظيفه
ومن هالكلام اكثر الي بالحراج شريطيه

.. أن شاء الله اخذ السياره تكون نظيفه جداً دعواتكم .. واشكر الجميع على التفاعل 
أخوي ابراهيم انت افدتني كثير .. شكراً لك اصوات التفتفه والدعسه والفرامل المفاجئه الحفر باحاول اطلع عليها اسمع اصوات القربعه والله يكتب اللي فيه الخير
شكراً لكم جميعاً

يا اخي علا حسب مكان الفحص الي تفحص عنده انا فاحص سياره عند مركز مجنوون لدرجه انه يحط سمعات اذاني زي حقات الدكتور ويتسمع صوت رمانات البكرات ويطلع اذا فيها شي ولالا ويطلع علا الموتر ويقول لشاري اركب معي والبايع انطق لين نجيك ويجربها خط ويعلمك وزنيه رجه صوت ونه حذفيه تبديلات القير عكوس اصوات ثم يرجهعا للحفره وينزل ومعه كبس قوي ويمشي علا بطن السياره شبر شبر لدرجه انه يحك الشاصي بحديده ملسا معه ويعلمك اذا هو مصدي ومرشوش ولالا الفحص انواع لاتجيلي عن بنقالي وتقولي الفحص اخرطي ياما فكني الله من سيارات بسسب الفحص بعد توفيق الله عز وجل

بس انت مو كل سياره تاخذها وعلا طول للفحص جربها وقلبها بنفسك قبل وادعس لها دخان شي اصوات مخيفه اتركها جازتلك وفحصا مبداي كويس دخلها الفحص عشان ماتخسر دراهمك

ابو حاتم .. الله يعطيك العافيه ، طيب الورشه هذي وين في مكه ولا جده !؟
غير كذا انا اشكرك جزيل الشكر ، يكفي أنك أتعبت اناملك الكريمه لافادتي .. جزاك الله خير

اهم شي لاشفت الشريطي يحلف ان سيارته مافيها شي انحش عنه

زي اليوم شريت لكزس ادق القير ويطلع صوت دقه قويه يطلق انا القير سليم جلده جلده قلت هين روحت ابعد عن الشخص الي سيارته تبع شريطي يجي