إذا لم تستح فافعل ما شئت

السلام عليكم ورحمة الله وبركاته ؛ 

بقولك رد غير عن كل الردود ؛ وانشالله انك تسمعني يالغاالي ؛ 

انا شخصيا كنت مثلك اتضايقك اذا احد جيراني وقف بمواقفي ؛ لكن بعدين انتبهت ع شغله ؛ 

ياخي هذا جاري !! لو حط سيارته عندي بالموقف ؛ كني خذيته من يده وجلسته بالمجلس وقهويته ؛ 

يعني تحملته وتحملت سيارته ؛ ولي اجر انشاء الله اني تحملت جاري ؛ اعتبرها ضيافه له يالغالي وقوله حياك الله وان ماشالتك مواقفنا نطلع سياراتنا وانت توقف ؛ والله العظيم لا ينحرج ! ويحس ع دمه شوي ؛ 

ولو وقف مافيه ضرر لو وقفت بعيد شوي ؛ ومشيت خطوتين ؛ 

وتذكر ان حبيبنا ورسولنا صلى الله عليه وسلم ؛ ورد عنه انه قال مازال جبريل يوصيني بالجار حتى ظننت انه سيورثه ؛ في مما معناه  ؛

بالاخير جزاك الله خير على حلمك معه وانك ماصرت مثله وكنت احسن منه ؛ وتركت الجدل وياه وهذا من حسن خلقك يالغالي 

الحل انك تتصل على راعي العماره وتفهمه السالفه ويقسم المواقف ويرقمها وانت وقتها حط حديدتين وسلسله وصلى الله وبارك