أضف سؤال أو موضوع جديد          

أحد يخبر لي كابرس ؟

up 6 down 3
youlike 561
قبل 6 سنه و 5 شهر



السلام عليكم

ياشباب انا تعبت وانا ادور على كابرس 

يا اروح المعارض احصل كابرس اسالة مرشوش يقول مدري وافحصة واحصل رش وأقولة مرشوش

يقولي رش كبر الكف ولا رش بدون معجون ولا رش من حكة بسيطة ومن هالكلام يعني أبن الكلب وأعذوني 
على هالكلمة يدري أنة فية رش ! 

والقهر مو المصارية والسودانيين القهر شياب سعوديين كبر جدي ويكذب عشان زيادة 3 أو 4 آلآف !! 

المهم بالموضوع أحد يخبر لي كابرس نظيف موديل 2011 أو 12 أو 13 وسعرة معقول ؟
يكون أستخدام واحد عاقل تكفون اللي يعرف يدلني والله تعبت ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي لو فلوسك تكفي خذ لك وكالة على يدك

المستخدم م تضمنه خصوصا الكابريس هالموديل

الغالبية اللي معاهم ذا الموديل شباب وماخذينه تفحيط ومقاومات




up 2 down 1
واآحد 244
قبل 6 سنه و 5 شهر



حدي 65 الف .. ما تجيب وكالة للأسف :(


up 4 down 1
youlike 561
قبل 6 سنه و 5 شهر



اللي عطاني دس لايك أدخل مواضيعي وكمل دس لايك عشان تنزل النقاط .. 

لاكن الله لا يحللك ولا يبيحك دامك محطية بدون سبب 


up 4 down 2
youlike 561
قبل 6 سنه و 5 شهر



اخي رح للوكالة وعطهم 65 دفعه والباقي اقساط


up 0 down 1
أبولتين555 655
قبل 6 سنه و 5 شهر



أبولتين الوكالة قصتها قصة .. 

الاولى مافية كابرس 2013 الداخلية القديمة .. 

الثانية مالي بالاقساط مرررة


up 1 down 0
youlike 561
قبل 6 سنه و 5 شهر



اسمع العلم يايولايك خذلك مازدا كرت استندر اصفار مبلغك كويس حطه في سياره جديده الله يهديك
اما تحطه في كابرس مستخدم واذا طلع فيه خلل مامعك ماتصلحه افهم وبعدين معاك


up 1 down 5
ابوآصف -74
قبل 6 سنه و 5 شهر



اصبر وعلى مهلك ولا تتسرع وتواصل مع أحد حتى لو بالامارات وأسأل الله ان يدلك على الخير


up 0 down 0
أبولتين555 655
قبل 6 سنه و 5 شهر



ابوآصف .. بيني وبينك جربت المازدا وما ارتحت لعزمها لان كل السيارات اللي سقتها v8

أبولتين والله لي حول 5 شهور أدور بالنت وما نزلت المعارض كثير 


up 1 down 0
youlike 561
قبل 6 سنه و 5 شهر



اهم شي لاتستعجل ودور زين وان شاء الله تحصل 2011 و2012 نظيف اخو الجديد




up 0 down 0
ahmad77771 305
قبل 6 سنه و 5 شهر



ياخوك الكابرس دايم اشوفه في النظيم هو والاكورد والكامري تجديع وتفحيط مادام انك تبي 8 سلندر
خذ سييرا 


up 0 down 2
ابوآصف -74
قبل 6 سنه و 5 شهر



والله ما كتبت هالموضوع الى بعد ما تعبت وانا ادور ! 

صح الكابرس سيارة شبابية لاكن ممكن تطيح بيد شايب ويدلعها وتاخذها بعدة وكالة .. 

وبالنسبة للسييرا دورت لة قبل الكابرس بس للأسف غالي وماسك سعرة مو زي الكابرس طايح سعرها .. 

عندي تشارجر ار تي لو أحصل بسعري بتكون عزز الطلب 


up 0 down 0
youlike 561
قبل 6 سنه و 5 شهر



ياعمي خذ لك فورد لنكن تاون كار .. وش لك والكابرس !
انا مجرب التاون كار وقطع غياره ارخص من الماركيز والفيكتوري بالنسبة للميكانيكا

اغلى شي في اللنكن هي الاكسسوارات .. يعني :
لو قلنا ازرار الزجاج ( المجموعة ) الي في باب السائق .. هذي خربت علي وتكسرت المفاتيح في اللنكن موديل 2004 ولقيت سعرها عند الموظع بـ 1600 ريال
طبعا سعر هبال
في الماركيز والفيكتوري نفس الشي قيمتها بـ 180 ريال .. وانا غيرتها للفيكتوري تبع قريب لي ترك سيارته عندي وطلع دورة 6 شهور
وايضا غيرها ولد عمي في ماركيز 2006 بـ 185 ريال 
وقتها كان معي فورد اكسبديشن 2003 وتكسرت المفاتيح تبع الديكور للمجموعة ومفتاحين الزجاج الخلفي ما تشتغل وخربت علي وانا في الطايف رايح رحلة للجنوب
يوم وصلت الباحة مريت وكالة فورد واخذتها منهم بـ 220 ريال 
يعني لو برا الوكالة يمكن اقل بكثير

عندك يا طويل العمر العكس خرب علي في اللنكن .. ورحت طلبت واحد اخذته بـ 570 ريال .. يوم عطيته الميكانيكي قال هذا موب تبع اللنكن هذا تبع فيكتوري
رجعته لقطع الغيار وعطاني حق اللنكن عن طريق الاستمارة وقيمته بـ 520 ريال

اللنكن بكل صراحة موتر موتر موتر .. يمشي 200 وكأنه واقف ماشاءالله تبارك الله
مكينته جبارة 
اعطاله ( لا يوجد )
السعة الداخلية رائع جدا جدا شبابي وعائلي 
الي جالس وراك يتمدد ويرتاح

خذ لك لنكن وحافظ على اكسسواراته ويعلم الله اني انصحك وكأنه لي .. على الاقل اقل اعطال من الكابرس لأن الكثير يشتكي من الكابرس

وربي يوفقنا وياك 



up 3 down 3
3zyiz 256
قبل 6 سنه و 5 شهر



اذا انت بالرياض 

تعال حايل والمناطق الشماليه  الكوابرس مالهن سوق عندنا الا قليل 

تلقى النظيف وعلى قد دراهمك 


up 1 down 0
fawaz__11 534
قبل 6 سنه و 5 شهر



يا رجال تحصل بالهبل المستخدم موجود في كل مكان 
دور بالمعارض ممكن تحصل خليجي حلو ونظيف 
65 الف تجيبلك 13 ال اس او 2011 ال تي زد فل كامل 




up 2 down 0
al_orainy 57
قبل 6 سنه و 5 شهر



الجميح المستعمل طريق الدمام الخبر السريع 
قد لقيت عنده ال اس 2012 استخدام ارامكو نظيف  جدا ب 69


up 0 down 0
نواف 009 51
قبل 6 سنه و 5 شهر



لالالالالالالا 
ابراهيم التركي انا اتحداك اذا مكيف التاون كار ضعيف 
انا  كلامي واثق منه ويعلم الله اني جربت التاون كار سنة كاملة وما بعته الا اني لقيت ارض واضطريت ابيعة بخسارة عن السوق بـ 10 الاف بيعة مستعجل عشان الارض لا تطير مني

واقسم لك بالله اني متحسف الى يومك هذا على بيعته 
جربت الفيكتوري والميركوري  وجربت اللومينا اخت الكابرس ماهنا فرق 
لكن يعلم الله اني ما لقيت افضل وارسى واطلق تكييف من التاون كار
بالنسبة لمكيف الكابرس او اللومينا انا معك انه خرافي .. لكن موب معناته ان مكيف التاون كار ضعيف .. عزالله انه ثلج ولا يخرب مثل الفيكتوري والماركيز
تختلف الثلاجة من التاون كار عن الباقي لأنها تعطي تبريد افضل بالاظافة الى المراتب الجلد من مجرد ما تشغل المكيف وتنتضر عليه كم دقيقة  تحس انك جالس بجنب ثلاجة وفاتح الباب

عزالله ان التاون كار سيارة صح من جميع النواحي


up 1 down 0
3zyiz 256
قبل 6 سنه و 5 شهر



الزبدة :
يكثر الكلام والرأي في موضوع السيارات 
لكن الرجال حاط في باله كابرس .. خلك على الكابرس وانسى موضوع التاون كار وغيره 
ربي  يسهل امرك 
هي كلها مجرد وجهات نضر في النهاية وانا حبيت ابدي وجهة نضري حسب تجربتي من جميع النواحي 



up 0 down 1
3zyiz 256
قبل 6 سنه و 5 شهر