أضف سؤال أو موضوع جديد          

بغيت اروح ضحيه شريطي بكستاني

up 20 down 11
مستر12 861
قبل 4 سنه و 5 شهر



سـلام عليكم ورحمة الله وبركاتة
اخبارك بدخل الموضوع  عشانه طويل شوي 

انا رجال على قد حالي  رزقني الله يارب لك الحمد طبعن جمعت لي تقريبا سنه ونصف وانا اجمع قيمت جيب
لاني اعشقه الجيب جدا  وبا الاخص الاند كروزر  برادو  

المهم  نزلت المعارض اليوم في منطقة الرياض  الشفاء   
 حصلت   لكن شي لكن قلت بشوف الافضل طبعن الي احصله على قيمة فلوسي يعني فلوسي 95 حصلت با 94 
و93  

المهم قلت بمر حراج بس  المهم شفت  واحد يبي يد خل حراج السيارات يملك سياره من  طراز برادو 2010
لؤلؤي قير اتومتيك سته سلندر   صاحبه بكستاني او افغاني او من الي يلبسون ثوب مقصوص  هذولي 

المهم قلت كم مسيوم صديق قالي  70  طار عقلي بوقته قلت وش فيه وش مافيه  
قالي ماشي 130 الف _ سمكره فيه رفرف _ باب مغير بس بس بس يقول سياره جديد اصدم نفر وانا واقف عند بيت 

المهم قلت كم حدك قالي 75 الف سياره حق صديق انا  المهم قلت بفحصه كمبيوتر قالي مافي مشكل 
قلت قبل لا افحصه بنادي صديقي خبره في السيارت  بشكل ممتاز 
رحت سحبت العربون على بال مايجي  المهم  وصل   وقام بفحص السيارة 
طلع   اول شي  رفرفين مسمكره + اربع ابواب مغيره + كبود مغير تجاري = السياره من تحت قدام خلف فيه صدى

قلت ياساتر  عاد تخبرون الي مستعجل با الشي قلت بعقلي قلت ياولد انا بستخدم وش علي با السمكره 

المهم سالت صديقي قال انا ماعجبتني  لكن محركات وقير اشوفهم كويسات لكن بدي زفت الله يكرمكم 

المهم راح خويي يتشوف له سياره  المهم جلست افكر عند السياره  قلت صديق  جديد ؟ ورقه فحص + تامين 
قال كلو جديد  المهم خذيته منه     

وقرائت العداد     الطامه الكبره      في السياره ماشي 130 الف ........ بينما في الورقه ماشي 300 الف 

منقص العداد الشريطي ابو ثوب مقصوص  
عصبت قلت سنه ونص اجمع وخرته هذا ينصب علي  مسكته مع ثوبه مسكت الي حول الرقبة هذيك 
قلت ليه يكذب على انا   قال صديق صديق  مافي انا سيارة كلم صديق انا مالي شوغل  تركته  

كلمت صاحب السياره قلت ليه تنقص العداد  قال انته يبغه يشتري ولالا  قلت اكيد لا يا ؟؟؟  
قال انت ؟؟  قلت تعال سيارة انا وري شغول  قل انقلع مافي اجي   وسكرا
المهم قلت با ابلغ عليه هل فيه حقوق لا الشغله هذي ولالا 

انا من ناحيتي يمكن تقولو هيط عليه او ليه تمد يدك عليه 
انا حارم نفسي  سنه ونص مهي هينه  عشان اجمع قيمت سياره  وخر شي بييوم  مو بيوم بساعه تخسر المبلغ على 
زباله الله يعزكم  
وسلامتكم 


طبعن اول مره اركب برادو حصلته اريح من الاند كروزر مفخره  :)
وجاري البحث على برادو  نظيف 
واسف على الاطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ههههههههههههه قصه حلوه وتستاهل اللايك ، بصراحه دخلت جو وقمت اقرأ السطور بالباكستاني 

الحمدالله انك ماانغشيت فيها والله يوفقك


up 1 down 0
iturki1 540
قبل 4 سنه و 5 شهر



حبيبي والله طق لك فورتشنر ٢٠١٣ اربعه سلندر باعه خويي ب ٦٩ نظيف ولا صدمه ولا شي اذا تبيه عطني خبر ادلك عليه


up 0 down 1
احمد 144 -168
قبل 4 سنه و 5 شهر