بعض الهواجيس بخصوص مترو الرياض

قراءتك للاحداث من وجهة نظري اشوفها منطقية واعتقد هذا اللي راح يصير 
لكن ما نقول الا الله يديم علينا اﻷمن واﻷمان لان القادم في علم الغيب 

كلامي عن رفع اسعار البنزين سمعته من مصدر موثوق .. اما الباقي هواجيس حبيت اطرحها عندكم

اهلا








التطور في السعودية بطيء جدا

لذلك ما اعتقد ان الحكومة يوقف دعم البنزين الا ادا كان في شبكة مترو لكل مناطق المملكة

يعني شوف بعد كم قرن الا نزل شي جديد احدث هههههههههه


مع اني معارض لسالفه الدعم الحكومي لأنها كلها نصبه في نصبه

اجتمعوا التجار و رفعوا سعر السكر الحكومة زادت قيمة الدعم حتى ينفخض السعر اللي صار انفخض شي بسيط

اما الرز الي الحكومة دعمته الى النصف و لكن التجار اخدوا الفلوس و نزلوه 10 و 20 ريال و احنا فراحنيين انه نزل


انا اطالب بالبطاقة التموينية بدل ما يعطوا فرق السعر للتجار يعطوها المواطنيين بالبطاقه التموينية

واكثر الدول عندهم الا احنا المساكين


اما بسالفه قياده النساء صحيح اني مو مقتنع بها

ولكنها كلها مسألة وقت و بيسوقوا السيارات جيل اولادنا او جيل احفادنا بالكثير

الاهم من سالفه هل تسوق المرأة او لا , يجب ان نوعي الجيل الجديد بالجنس الثاني

لأنه شي لا مفر منه ولازم بيكون فيه اختلاط بين الجنسين ( بدون خلوه ) فيجب ان يكونوا على وعي باحترام كل طرف للثاني



مع ان عادات السعوديين احترام المرأة ( في شي و شي )

ادكر كلمه قالها مصري

يقول عندكم الشرطة ادا معاك الحرمة في السيارة وعملت خطأ يمشيك لأن معاك حرمه

اما في مصر ادا معاك الحرمة يتعمد يهينك امامها

يبن الحلال ماله دخل المترو حطوه للتخفيف من زحمة الرياض والأماكن اللي تتكدس فيها الناس وتخفيف من التكاسي بعد


لكن وش دخل قيمة البنزين في السالفة أول ماكان فيها لا مترو ولا قاله الله وكان الكابرس حقنا يتعبى ب 60 ريال فل الحين حتى 35 مايتعداها طبعا ماشاء الله عليه كابرسنا عاش الماضي والحاضر وان شاء الله المستقبل ... الله يخليه لنا هههههههههههههههههههههههههههههههههههه


وبالنسبة لقيادة المرأة لو يبون يحطونه حطوه ولا طقوا لك خبر لكن هم بنفسهم ما اقتنعوا من الفكرة وانا من ناحيتي ماعندي مشكلة خلهم يسوقون وش دخلني في بنات الناس اهم شي اهلي واللي لي كلمة عليهم ما يسوقون لو تنطبق السماء على الارض

في أمريكا سعر اللتر غالي 4-5 ريال وكل سيارتهم جموس والثمانية اختصاصهم وأكثر شعب يقطع مسافات والدليل شوف المستورد موديل 2013 طاق 150 الف كم 


حاليا عدد السكان مقدور على دعمه لكن بعد 20 سنة صعب دعم البنزين بهذا المستوى لأنه ما واح يبقى شي للتصدير واقتصادنا للان كله يعتمد على البترول

يعني موت وخراب بيوت. لا زيادة رواتب وفوقها بنزين غالي. 
يهاجر يعني الواحد ولا يسرق ولا ايش يسوي عشان يقدر يعيش 
اذا صح كلامك مانقول الا حسبنا الله ونعم الوكيل 

ابراهيم التركي ردودك زي وجهك ومسوي نفسك مستشار 

وبطل حركات العضويتين الي تدخل منها وتسوي دس لايك للي يعارضك صراحة مالوم الادارة يوم يحظرون عضويتك

والله كنت بنزل موضوع عشان اعمال المترو اللي كاتبينه قطار الرياض الحلو انه قريب مرة من بيتي افتح الباب عليه 

على طول بس الحفريات جابوا قلابات كلها صبات واخذوا نص الشارع رغم ان الشارع كان اربع مسارات وزحمه 

اللحين عاد تخيلوا صار مسارين والله مأوصل البيت الا بعد ماتروح الروح 

والمشكله يقولون مدتها خمس سنوات يعني بنعفن خمس سنوات والشوارع كل مايجي تضيق

المترو عشان تخفيف الزحمة في السير واللي من ضمن اسبابها الاجانب
لذلك راح يربط المترو بين مقار الشركات في البطحاء والعليا والملز 

على العموم السنوات القادمة حاول قدر المستطاع الأبتعاد عن الرياض أثناء عمل المترو بسبب الزحمة والتحويلات وأخوانا السوريين الله يحفظهم...
والله يا فرق الرياض الآن عما كانت عليه قبل 7 سنوات, ما كانت زحمة أبداً مثل اللي حاصل خصوصاً السنوات الأخيرة...

وعليكم السلام ورحمة الله

يبيلنا ننتظر اكثر 20 سنه حتى يبدون بمشروع المترو

شفت انت ..??
اذا خلفت لك ولد ..??
ولدك اذا تزوج و حلف ولد ..??
يصير حفيد ولد ولدك هو اللي يركبه

يعني احنا الحين مالنا حظ في المترو الوهمي هذا

مثل محطة القطار في جده .. سوو محطه عملاقه مثل 3 سنوات تقريبا او يمكن اكثر
نفس الشي ما تغير ولا سوو شي جديد
شوفو المحطه هذي بطريق الحرمين

مترو الرياض بيحطم الرقم القياسي في طول الانتظار