جدآآآ محتار

حسب احتياجاتك ....
الالنترا مثبت سرعة اذا كنت راعي خطوط
 و فتحة سقف اذا كنت من اللي يفضلونها
بالاضافة الى تشغيل البصمة
المازدا مواصفاتها قير اوتو و جنوط
بالنسبة للحجم الداخلي المازدا اوسع
قارن بين قطع الغيار و صيانة الوكالتين
هذا اللي يحسم الموضوع

مافي مقارنه لكن نفس سعة المكينه الالنترا الفل فيه 2000 سي سي والمازدا الستاندر نفسها 

بس اكيد افضل عمليه وسعة ركاب وغيرها للمازدا اما انت شبابي وتبي سيارة شكليه افضل الالنترا تحسنت 

وخصوصا اخر دفعه مواصفاتها حلوة وجنوطها برضوا حلوة وانت مخير بين سيارة كبيرة ومواصفات اقل بحكم انها ستاندر 

ولا سيارة صغيرة ومواصفات كثيرة مثل فتحه سقف وبصمه وثلاجه ومكيف خلفي وشاشه وغيرها الكثير 

المازد6 ماتقارن بالإلنترا
ولاكن من نحيتي دامك بتاخذ المازدا أستاندر
فأنا أرشح الإلنترا
لسببين
1_الإلنترا مواصفات كثيرة ومحرك 2.0
أما المازدا مواصفات قليلة حتى كشافات ضباب مافيها
2_الأستاندر في المازدا محرك 2.0 وليس 2.5
لكن لايعني أنها ضعيفة 
ولكن محرك الإلنترا 2.0 مع حجمها سيكون أقوى
من المازدا ولذلك أنا أخترت الإلنترا
__________________________________________
ولكن سأقول لك ولغيرك هذا الكلام:
¤أذا كنت تفضل سيارة ومقتنع بها فلا تأخذ برأي احد وأشتر التي تفضلها من دون أستشارة¤
>>>ولا تنسى الأستخارة<<<<

انظر للسيارة اللي قطعها متوفرة في منطقتك ...ولاتنسى الصيانة هل اللي في منطقتك يعرفون لها ولا لا ...لأن بعض السيارات تبلش في قطعها وصيانتها إذا كان مالها سوق في منطقتك ..

تبي الشووووور الصحيح 
جرد سواقة هذي وذيك 

وانت راح تحكم بنفسك

أنا لو خيرت بختار المازدا .. لعدة أسباب منها ..

1- شكل جديد ووميز وملفت للنظر وأول سنة لة يعني 5 أو 6 سنوات قدام نفس الشكل .. 

2- السيارة أكبر من فئة الإلنترا و تقارن بالسوناتا والكامري .. 

3- جودة الصنع ياباني 100% عكس الإلنترا الكورية رغم ان الكوري أثبت وجودة ولاكن يبقى الياباني أفضل ..

4- محرك السيارة سكاي أكتيف 2000 CC ويعتبر محرك ممتاز وحاصل على جوائز كثيرة ويستخدم الحقن المباشر
يعني قوة أكبر توفير أكثر .. 

وعيوب المازدا نقص كماليات وكلها غير مهمة مثل شاشة و فتحة و كشافات ضباب .. وأكبر عيب في الاستاندر عدم وجود مثبت
سرعة بس دعسة البنزين مصممة لتكون مريحة جداً للقدم مثل البي أم دبليو وهي على الأرض مي معلقة فوق .. شوفها بالوكالة ..

* أخيراً أرشح لك المازدا 6 وتراها سيارة طيبة وممتازة ولا تغرك رخص قطع غيار هونداي وكلام الناس 
أنت روح أسال كم قطع هذي وكم قطع هذي وما راح تحصل فرق كبير بالسعر .. الفرق هو إن قطع المازدا بتعيش معك 
وبتحطها مرة وحدة إن شاء الله .. بس أهم شئ أمن شامل عشان لا قدر الله سار شئ يصلحة التأمين .. 

ولا تنسى إن المازدا فيها 6 إرباقات ونظام أمان عالي بعد الله سبحانة وتعالى .. وإستخر الله وخذ السيارة اللي تناسبك

المازدا تتفوق على الالنترا بالتالي :
- شكل جديد ومميز 
- مساحه اكبر
- اقتصاديه بالبنزين بسبب محركها SKYACTIVE 

الالنترا تتفوق على المازدا بالتالي :
- قوة المكينه
- توفر كل الكماليات في السياره 
- قطع رخيصه
- الانتشار وهذا يخلي صيانتها غالباً معروفه في الورش

اخوي سهل الاختيار شوف اللي قطع غيارها متوفر اكثر في السوق واشتريها وبس