طبيت في حفره وتضررت السياره 00ابراهيم التركي تعليقك00

اسئل ابراهيم التركي له خبره وشطاره فهذي الامور

قد اكلت حفره قبلك والله يعين بس

قواك الله وماضاع حق وراه مطالب , اهم شي تسوي تقرير من المرور ولايكتب فيه اصطدام في جسم ثابت انتبه !
يكتب بالحرف اصطدام في حفرة بشارع كذا مما أدى لتلفيات في المركبة

حسبي الله ونعم الوكيل ... حسبي الله ونعم الوكيل ... حسبي الله ونعم الوكيل ( من القهر )

قبر مب حفره من كبرها حسبي االله ونعم الوكيل

الشكوا لغير الله مذلة

ارجع لمكان الحغره واتصل على 
المرور بيجي ويعطيك ورقه للبلديه
البلديه بتغرم المقاول المسؤل عن 
الازفلت الله بكرم الجميع بس 
فيها مرمطه شويات
اهم شئ صور السياره وهي في 
مكان الحفره 

أهلا وسهلا فيك يا الغالي

ابختصر لك سالفه شخص سار عليه مثلك وهو كان معنا بالمنتدى غير برهووم , ابراهيم عاد سالفته ثانيه هههه الله يسعده ويسعدكم جميع

كان فيه شخص بالرياض ماشي وكان ذيك الايام امطار وما درا الا ودخل في حفره شنيعه جدا من النوع المحترم جدا ولا شافها بسبب ان الشارع كله مويه والحفره مليانه مويه

نزل من السياره ولقي الجنط مطعوج والكفر مفقوع وقام يسب في البلديه وكلام مشفر ومر واحد من جنبه فاتح الشباك وقال اتصل على 940 وان شاء الله تنسبط

ودق عليهم وقال لهم السالفه وفتحوا له بلاغ بأسمه وقالوا اتصل على 993 عشان تجيك دوريه ويشوفوا الاضرار ويكتبون ان الضرر من الحفره

ودق على المرور وجاته بعد ساعه كامري وسجل التقرير وقال راجع مرور الشرق وراح اخذهم من ان المتسبب بالضرر وجود حفره بنصف الشارع لم يتم ردمها بشكل جيد من قبل المقاول

وراح فيها لامانه الرياض _ البلديه _ وقالوا راح نتصل فيك , وافعلا اتصلوا علي وقالوا تعال خذ تعوضيك وطلع شيك بقيمه 3100 ريال

وسولف مع الموظف وقال الموظف لو كل واحد يسوي مثلك حتى ولو تضرر بشكل بسيط او يرسل فاكس على حفر موجوده مشكله في الشارع والله ان المقاول ليشتغل شغل ممتاز جدا ولا عاد بتشوف هالحفر , لان المقاول يشيل هم اتصالات البلديه عليه , لكن ربعنا يركب الحفره و اذا سار له شيء غير الاسبير وكمل طريقه وهذا غلط

فياليت الكل يتصل على الامانه 940 و راح ياخذ حقه بإذن الله

واللي شاف حفره او مشكله بشارع فلاني هذا ايميلهم

هذا ايميلهم ولازم ترسل الاسم ورقم جوالك والشارع والحي ووصف المشكلة

email : 940@alriyadh.gov.sa

تحياتي لك عزيزي

الف شككر لكل واحد شارك معي
االله يوفقك ابويزيد ان شاءء االله في جده تتسهل برضه ومايحتاج مراجعات

بكره ع العصر بوقف وانتظر المرور ويصير خير

الف الف شكر لكم جميعا ولأني كلمت قرابتي اغلبهم يطقطقون  علي يقولون مافي اﻻ انت اللي تضرر؟
ألله يهديهم

المهم ياخوي ابراهيم يحتاج رخصه لأني ماصدرت باقي 

ماقدر اقيمك وقف التقييم للأسف


اشككرك كل الشكر بكره بروح اسوي كل شيءء قلتوه وارجع اوافيكم باللي بيحصل ان شاء االله

هههههههههههههههه

ايه بصور السياره واخذ التقرير موﻻزم كلها في يوم واحد هههههههههه

مره تهورت وركبت جنوط زينه ما كملت شهر بدت تنقص واحد واحد مع كل حفره واحد لين بعتهم حديد الله يعز الجنط ابو خروم الحديد لبى قلبه

اللهم ارزقني وارزق اخواني المسلمين