بعيد عن موضوع السيارات يااخوان استفسارعن بنك التنمية العقاري
5
0
إضغط هنا للإخفاء
السلام عليكم ورحمة الله وبركاته وكل عام وانتم بخير ومبارك عليكم الشهر الفضيل
يااخوان سامحوني اني وضعت هالاعلان هنا ولكن ماعندي اي منتدى آخر احب اتابعه ويعجبني اعضاءه
المهم انا شهر 1434/4/15 وقعت عقد مع بنك التنميه العقاري ورهنت الارض وغيرت الصك وبعدها واستلمت الدفعه
الاولى ال 50الف واطيح بمقاول سعودي نصاب حسبيا الله ونعم الوكيل فيه اخذها ووقعت عقد معه واشتكيته
ونصحوني ناس اني ماشتغل بعد حفره للارض عشان مايقول انا سويت وسويت ورحت للشيخ وقلت له انا بشتغل
بارضي ياشيخ وقال لي لا لاتشتغل الين يصدر لك حكم وتخيلو مرمطه جلسات ومواعيد وماحضر الحرامي الا بعد
صدور الحكم بمده الاعتراض ال 30 يوم جا قبل نهايتها بيومين طيب وتخلصت منه الله ينتقم منه واستلمت صكي وللان دائرة التنفيذ
مانفذت الحكم ولقيت لي مقاول الله يسخره لي يارب وماشي معه الان المشكله وش يااخوان انا للان باقي لي الدفعات
ومااستلمت شئ منها هل صحيح انهم شهر 4 من العام 1436 راح يستحق اول قسط علي من البنك العقاري طيب
مااقدر اقدم استرحام او اي شئ حيث ان الشيخ منعني من الشغل بارضي وحل القسط وانا لسا ماسويت شئ
وبالاخير سامحوني يااخوان على الاطاله والله اني اعتبركم اخوان واحب انفس عن نفسي هنا وشكرا لكم
إبلاغ
سيارات للبيع
الردود
قضيتك عند المقاول النصاب هو اللي راح يتحمل
جميع الاضرار الناجمه عن التاخير بشرط تربح القضية.
والله يعينك
0
0
0
0
اقرب دقيقه يقولي نصيحه ابصلح بينكم ترا ان بتعترض بتطول المده وبتتاخر زياده ورضيت غصب عني تخيل سنه وشهرين وانا رايح
جاي رايح جاي حضر لا محضر لازم يتبلغ ومن هالكلام والله يالنظام عندنا يشجع على النصب والاحتيال انصب وخله يشتكي وبعد سنتين
يمكن المتضرر يرجعله حقه للان ماخذت ال 22 الف بس كيف اسوي تقصد اقدم شكوى جديده عليه انا بخاطري اروح للامير
2
0
لعل وعسى يجيك جـواب منهم ..☺
2
0
عقد المقاولات السليم يكون فيها شرط جزائي يتحمله
من يخل باي بند بالعقد يترتب عليه تعويض عن كامل المدة التي تعطل
العمل بها.
اذا كان العقد مافيه هذا الشرط غاطتك وربما القاضي
كان عارف ان موقفك ضعيف لهالسبب حاول الاصلاح.
1
0
يقول خلاص خلنا نتبدر للصلاه وملتحي وانغشيت فيه يوم اشوفه مهتم بالصلاه ويتكلم بالدين والامانه وفلوسي حطها بجيبه ويوم قام بغت
تطيح من جيبه واقله الفلوس ويقولي الحلال مايضيع الله يضيعه واتاريه نصاب وخبره وتمرس ومعه شريك عسكري يارجال اقسم بالله
اللي بينصبون انهم يسون خطه مدروسه وهذا اللي حصل معي والحمدلله اللي جت على 50 الف والا لو اخذ ال 200 كان اطلع عن
طوري وانهبل بس باذن الواحد الاحد اني مشتكيه للامارة خصوصا بعد ماسويت بحث شامل بالتعاون مع شخص بوزارة التجارة طلع
لها للان اكثر من مؤسسه وهميه وانا صورت المكتب تخيل المكتب باسم مؤسسه باسمه والعقد باسم مؤسسه باسمه بس اسم اخر
تزوير وتدليس واحتيال هذي نص شكواي للامير باذن الله
0
0
سؤالي هل بعد مايستحق على القسط اكمل واستلم الدفع اول تتوقف وهل يجبروني على التسديد ام اختياري يعني يتم استقطاع من راتبي
حيث اني متقاعد وراتبي 3450 وعلي قسط 972 انا باذن الله بلتزم بالسداد عندي ولدي بيسددهم بس اخاف يوقفون صرف الدفع بحجه
حلول موعد القسط والله يااخوان اني مضغوط نفسيا وآسال الله رب العرش العظيم ان يفرج همي وهمومكم وتحملوني جزاكم الله خير الجزاء
0
0
يخلي الشريف حرامي ماعندك احد ودي اعرف ليش محكمة الشرطة وش دورها والله لو فيه سجن عطول كان اخذ فلوسة
0
0
قبل 9 سنه و 10 شهر