وش هو التضليل المخلوط؟

هلا فيك عزيزي

المخلوط >> هون لون لا اكثر ,, مثل الاسود والتفاحي والنيكل , مجرد لون

ويتوفر بنسب عازله كثيره وشركات كثيره جدا

يعني تقول ابي تضليل امريكي يكون لونه مخلوط !! او تقول ابي تضليل من لومار يكون لونه مخلوط

فالمخلوط مجرد لون , وبالنسبه لي , انا مضلل السياره كامله زيرو 2 مخلوط كوري ابو 80 ريال 

وما شاء الله جدا ممتاز معي , يعني بالصباح يعطيك لون تفاحي فاتح , والظهر يعطيك لون قريب من النيكل , وبالغروب يرجع تفاحي , ويالليل يسير اسود

واحسه هو اللون الوحيد اللي يعزل الشمس 

وسلامتك

باختصار لونه رصاصي غامق الى فضي عزله للحراره والشمس اقوى من الاسود بس اذا جيت تشيله من القزاز يبقى الغراء تبعه على القزاز ولا يروح الى بعد تنظيف هذ مشكلته الوحيده ....

التضليل الأسود + نيكل

مثل ماقالو الشباب مشكلته لابغيت تشيله يبقى الغراء لاصق بالقزازه يعني لازم محل زينه هو الي يشيله اما انت بتبتلش فيه عند التفاتيش

فككيته من سيارتي والغراء باقي للحين بالنافدة والرؤية من النافدة مشوشه جدا
فيه احد يعرف طريقه ارجع النافدة جديدة بدون اثر للغراء؟

mokrram9 ركب التظليل الاسود على الاقل مابيخرب لك النوافد لو بغيت تفكه

فيه طريقة سهله جدااا ل ازالة الغراء من القزاز

الطريقة تروح سيده للمطبخ حق البيت وتاخذ فيري وسفنجة مواعين وتحط الفيري على الجزء العلوي من الاسفنجه الخشن الي لونه اخضر بعدين تفركهااا فرك بالقزازه وانا بنفسي مجرب نفس الطريقة

طيب ممنوع ولا لا اذا كان 0.1

يجيك لونه زي المرايه بس خفييييييبيييف مره 

افضل بكثير من اللون الاسود العادي ويجي لونه اغمق بشوي من التظليل العادي

يعني 01  يفي بالغرض.  اذا ركبت 02 بيكون غااامق مره وبتاخذ عليها مخالفه طبعا

خذلك جك تنر يزيل الغراء على طول انا مجرب