أضف سؤال أو موضوع جديد          

الأبوات وما ادراك ما الأبوات -- تجارب شخصية

up 17 down 8
YASSER505 4165
قبل 4 سنه و 10 شهر



بداية تعاريف


الأبوات : هي جمع لبعض النصابين " الا من رحم الله " من يقوومون بتعليق ستيكرات تحمل عروض تسهيلات تمويلية وتقسيط سيارات ومستلزمات وأجهزة بإسم ابو فلان ابو .....ابو ..... ابو .... وهكذا

ماهو نشاطهم : النصب على خلق الله " الا من رحم الله " بأن مايقوومون به اسلامي واريح من البنوك وكذبة توحيد الاقساط



تعريف اضافي : الغالبية منهم هم وسطاء سريين بإتفاقات سرية نجسة مع الراجحي خصوصاً وبعض البنوك وذلك للحفاظ على العميل لدى البنك بتوريطه بقرض اضافي او سيارة من نفس البنك وذلك برفع شعار " لعملاء الراجحي بدون كفيل ,, لعملاء الراجحي 22 راتب ...الخ " والاساس البنك هو من يسوق لهم :)



نبدا بالموضوع

انا مثلي مثل بقية الشعب ,, البنك لعب بذيلة واضاف مبالغ هاااائلة على حسابي ورفضت السداد اذا لم يتم الايضاح

وكان ردهم رجع راتبك وادفع رسوم ادارية ونوضح لك ,, قلت لهم مع نفسكم ’’’ " ماني مسدد ..!!

والان علي حدود 5 اقساط متأخرة لكن المجموع يوازي 11 قسط لان نظامهم كل قسط متأخر بقسطين ,, البنك الفرنسي حسبي الله عليهم
المهم

رحت لاحد الابوات بعد ما كلمني واحد وقال حرام عليك انك تسحب ومهما كانوا وصخين تذكر ان هذا حلال ناس ولازم تلتزم به


وشوي تبدأ فاجعة احد فصائل الابوات :

يقول ادام عزه هههههه :
نبيعك سيارة // وتروح معرضنا تبيعها عليه ،، انا ماسك الضحكة
قلت طيب اقدر اخذها قال : لاااااااااااااااااااااااااااااااااااااااااااااااااااااااااااااا قلت ليه ؟ قال كذا بتدفع قيمة العقد 5 الاف وقيمة الكاتب 1000 وبعدها رح بعها

اخوي ماخذ ددسن ماتسوى 55 باعها عليهم ب 47 :( وقالوا له رح شغلها وتعال لاتحركها ومسكرين عليها من قدام



الزبدة الشرط الاخر : بيع السيارة ورقياً علي ب 117 الف على اني دفعت له 128 الف واقوم ارجع له حدود ال 135 الف + رسوم الكاتب والادارية بعد استخراج القرض الجديد من البنك نفسه ويحاول بي بالراجحي " الوسيط النجس ههههه "

قلت له طيب واذا ماقبل البنك او ماطل

طلع فيه شروط عنده

تكتب شيكين ب 133 الف تقريبا واحد باسم ابو ..... والثاني باسم محصل الديون


وتنكتب المخالصة النهائية على انك دفعت مبلغ السيارة الحقيقي بسسس واذا مادفعت خلال اسبووووووعين فقططططططط

راح يوقف خدماتك ويكون عليك قضيتين ,, قضية من ابو....... وقضية من محصل الديون يضغطك صححح ... 20 الف خلال اسبوعين ؟؟؟ بياع هروين ماجابها // يعني ربا بغطاء اسلامي

والقهر مكتبه مكتوب عليه لوحة " هذا من فضل ربي "

قصده هذا من فضل الربا هههههههههههههههههههههههه



الزبدة انتبهوا منهم يالي عليكم سيارة او يبي يبدل سيارته او يبي يوحد قروضه

انتبهوا من الانجاس السماسرة الابوات ومن دعاياتهم


اسألوا مجررررررب يريد لكم الخير


اذا بتجرب خل حدك الاقصى 25 الف نصيييييحة لاتلعب معهم باكثر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واحد من الابوات عطاني ديسلايك :(



up 3 down 1
YASSER505 4165
قبل 4 سنه و 10 شهر



انا فيه شغله بس ودي اعرفها
سواء سياره اقساط او قرض حلال او حرام

ودي اعرف الواحد ليه يدخل في هذي الدوامات ومايسدد ؟

95 بالمئه من المشاكل مع البنوك وتقسيط السيارات بسبب عدك السداد

طلعت مازدا ايجار منتهي بالتمليك واكسنت ومرتين اطلع قرض والان بطلع النترا

مافتكر اني اشتكيت من البنك او دخلت في متاهات معاهم

مدري ليه الواحد يطلع سياره او قرض ولايبغى يسدد؟

اقل شي راجع حساباتك وخذ القرض او لاسياره اللي انت تقدر على سداداها

اتمنى من الدوله تحل هالقضيه ويصير القسط يخصم من حساب العميل اكتروني من قبل لاينزل الراتب يكون المبلغ محجوز

بخصوص حقين الابوات والخرنبق ذولا
كل ما اشوف لهم ارقام على الصرافات او غيره اخذها واتصل عليهم من جوالي الثاني واطقطق عليهم واسحب فيهم 
واخرتها انشرها فالشات ههههههههه


up 8 down 0



شاقح ,, اقرا تفاصيل المووضوع

طلبت ايضاح يوم تأخرت قسطين " راتبي برا البنك واسددهم من اكثر من 3 سنوات لكن تأخرت قسطين واضافوا قسط " ويوم طلبت الايضاح قالوا رجع راتبك حسابك مجمد ومايوضح لنا

قلت انا كلب ان سددت ..!!


تخيل تلتزم معهم 3 سنوات وراتبك برا لاني نقلت من شركة لشركة وبالنهاية هذا ردهم


يستاهلون ونص وحلال الي يسوونه فيهم


up 1 down 2
YASSER505 4165
قبل 4 سنه و 10 شهر



^^^

طيب انت قريت العقد قبل لاتوقع 
والبنك ترا ماله علاقه في ظروفك انت نقلت من شركه او لا
البنك يبي منك حاجه وحده بس
شهريا تعطيهم حقهم 
وليس شرط اذا التزمت مده طويله خلاص ممكن يسامحونك في كم قسط لانك ملتزم في السداد

بعض البنوك تقدر وتعطيك مهله
وبعض البنوك لو تلتزم معاهم 58 قسط وتتاخر في اخر قسطين مايرحمونك
لانه بينك وبينهم اتفاقيه 
وماعتقد ان البنك كاتب اذا التزمت مده طويله وبعدها تاخرت عن الاقساط كم قسط يتساهلون معك ؟

الحل الوحيد لهذي المشاكل
هو خصم القسط شهريا دايركت من حساب العميل 

صدقني اغلب اللي يسبون البنوك وداخلين في مشاكل 
ترجع لسبب المشكله تلقى العميل ساحب في الاقساط !!1

طيب ياخي عط البنك حقه شهريا 
مثل ما التزم معك البنك وطلع لك تمويل انت بعد التزم معه


up 2 down 1



شاقح ,, انا لي سنتين طالع من الشركة تقريباً واسدد وملتزم رغم ان راتبي على بنك ااااااااخر وش رااايك

اتحداك احد يسويها وهو ظروفه نص نص


up 0 down 0
YASSER505 4165
قبل 4 سنه و 10 شهر



وبعدين وش المسوغ القانوني الي يقول انك اذا تأخرت قسطين تدفع 3 اقساط غرامة واذا تأخرت 3 تدفع 5 اقساط وهكذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الي يبي يتأكد يروح معي البنك الفرنسي :)


up 0 down 0
YASSER505 4165
قبل 4 سنه و 10 شهر



3 ابوات او مخاوين ابوات عطوني ديسلايك :)


up 0 down 0
YASSER505 4165
قبل 4 سنه و 10 شهر



بعدين تراني اقصد بالابوات يعين ابو ابو ابو ،،،،، ماهو قصدي ابوات جمع بوت يعني الحذاء ياهووه


up 0 down 0
YASSER505 4165
قبل 4 سنه و 10 شهر



يعين = يعني ,,,,,,,


up 0 down 0
YASSER505 4165
قبل 4 سنه و 10 شهر



واحد مو ابوات اعطاك لايك +1 أخي :) 


up 0 down 0
nezarnuaimat 732
قبل 4 سنه و 10 شهر



 الشيخ وليد وش فيه اسلوبي


up 1 down 0
YASSER505 4165
قبل 4 سنه و 10 شهر



تم تعديل الموضوع وحذف بعض العبارات


up 1 down 0
YASSER505 4165
قبل 4 سنه و 10 شهر



أخ ياسر

المسوغ القانوني هو العقد الذي وقعته..

نعم هو ربا صريح

وأنت وافقت على هذا العقد الربوي لذلك جاءك ما جاءك منهم و هذا تحذير للشباب بعدم التورط مع البنوك الربوية مهما كانت المغريات.

وللعلم مثل هذه العقود و مشاكلها لا تذهب للمحكمة و لو ذهبت فسيكون شرط الربا ساقط و لا اعتبار له.




up 1 down 0
الفارس المميز 2643
قبل 4 سنه و 10 شهر



اخوي وليد اي موضوع تكفى دلني ,, احيان اكتب وانا معصصصب وتفلت اصابعي كلام رايح فيها ههههههههههههه

معليش ياجماعة


up 0 down 0
YASSER505 4165
قبل 4 سنه و 10 شهر