ممكن احد يشرح لي وش فائدة التغبيرة ؟؟

التغبيرة انواع
الي تقصده انت البخاخات الي تيجي في محلات الزيته 
هذي ياطويل العمر تبخها على وجهيه السيارة اذا جيت بتستقر وفيه سافي ( عج) غبار
عشان تحمي الوجهيه من الترميل ولا تروح البويه معلوم فهمت السالفه 

الزيته = الزينه 
بتستقر= بتسافر 

التغبيره انواع اي نوع تقصد ؟ 

ياجماعة التغبيرة الي يحطونها على الصدامات
ابي شرح علمي يازهراني ماابي شرح زهراني

شلون تحمي الوجهية وش المادة العازلة هذي

تبغى الحقيقة

هي للزينة وأصحاب البناشر يضحكون على العالم على أساس إنها تحمي من السافي

كم من واحد ألقاه في طريق الساحل أيام الحر والسموم والسافي لاعب في سيارته
رغم إنه حاط تغبيرة
المشكلة مع اصطدام حبات الرمل في وجهية السيارة تنمسح التغبيرة
وكأنك يابو زيد ماغزيت

وعليكم السلام

هي زينه لحقين النصب 

واي مرور يشوفه حجز بدون تفاهم 

وترا مايسونه بناشر اغلب الزينهه   وقميته من 50 وانت طالع 

واغلب الشباب وانا كنت منهم سابقا هههه 

تشري ماطور الماني الاحمر وتسوي خلطات  وغبر ياشنب 

لاكن به ميزه كويسهه ان كان موترك به حكات خفيفه تغطيه عليه التغبيره 

هاذي اسمه تغبيرة سافي 
وانا انصحك تبعد عنها لانه ماتروح الا بدعك 
ومن اللي بينضفلك اللي حول الانوار والشبك ووووو
وتبغا نصيحتي
خذ فيري ب10ريال واسفنجه وصب الفيري ع الوجهيه ووزعه بالسفنجه

طريقه مجربها شخصيا اذا جيت بسافر اجيب لي طاسه او قدر الأهل مايبونه وعلبة فيري وعلبة مناديل فاين 
واصب فيها فيري واحط فاين واصب فيري واحط فاين حد الفاين يتشبع بالفيري بعدها اجيب عصا او البس قفاز واخلط الفيري بالفاين يعني اخليه مثل العصيده او العجينه واستلم وجه السياره كامل بحواف الرفارف والله اني اسافر في عز العج والسافي واوصل الديره الي ابيها وقد صارت الخلطه كلها رمل وتراب بس اغسلها تنظف ولا كأني حاط شي انا مجربها شخصيا 
او جرب الجلسرين حق ترطيب اليدين النسائي ممتاز ومثله الفازلين 

انا اشوف ان معناها اني مسافر ههههههههههههههههههههههههههههههه ولا مامنها فايده انا حطيتها على وجهية موتري ومسكت خط الساحل ووصلت مكه قد تمسحت ووجه السياره انعدم من السافي .. الفيري ممتاز بس يقشر البويه

من وجهة نظري البرقع زين وشكرا 

ما لها أي فائدة

لو كان في عج وأنت ماشي 140 فقط ما بتحمي شيء وبنعدم الوجهية

هذي البناشر ومحلات الزينة يضحكون على خلق الله

هذي التغبيره ما تحمي اي شي 
لانه اول ما يلمسها الرمل (العج) تطير  وانت لسا في بدايت العج

ركب فلم حمايه وكل سنه
تعال لمع الفلم او تغيره على
الضمان وسمكه 8 ملم افضل 
من التغبيره كم من واحد في 
المنتدي نزل موضوع انه التغبيره
ماراحت من البدي وشهبت بالبويه