شراء سياره جديده لقد هرمنا من اجل هذه اللحظه التاريخيه

35 3

لايمكنك التصويت حتى الحصول على 20 نقطة على الأقل
إضغط هنا للإخفاء

المهربد 99
قبل 10 سنه و 4 شهر

السلام عليكم ورحمة الله وبركاته

مبارك عليكم الشهر
اخواني الموضوع عن شراء سيارة جديدة واعتقد ان كثير من الأعضاء واجه نفس المشكلة
اولا التاجير المنتهي بالتمليك الكثير يحذرون منه ويؤكد حرمته هو الأسهل لكن الله يغنينا بحلاله عن حرامه ومادري كيف الناس تاخذه هل احد حلله؟ولا الناس استسهلت الموضوع
ثانيا الشراء كاش صراحه مااعرف كيف الناس تجمع فلوس وتشتري سياره كاش التجميع صعب جدا تجمع شوي تجيك مناسبه او ظروف تضيع جزء من تجميعك واذا وصلت مبلغ معقول بعد فتره من الصبر وتشوف أسعار السيارات تنصدم ان مبلغك لايكفي الحاجه
مثلا افكر بجيب متوسط لكن نشوف الأسعار
جيب مازدا 125 جيب سنتافي 127 جيب موهافي 129 جيب ايدج 123 اعتقد مو فل حولها جيب اكسبلورر اقل فئه 100 وشوي طبعا الاسعار تقريبيه والنص فل ماينزل الا شي بسيط

لنفرض انك عندك قدره تجمع 5 الالف شهري في 24 شهر سنتين= 120 الف ريال وبعضنا راتبه كله 5000 او اقل متى بيشتري
ولنفرض وصلت لمبلغ السياره كاش اما تجميع او جمعيه او اخذت قرض تسدده سنين

التامين الشامل كمان حرام بعد هالسنين يجي واحد يصدمها واقفه ولا مايكون مامن وقيمة قطعه تكلفك راتبك الشهري
نجي للوكالات وصيانتها المكلفه ولا مماطلتها في الاصلاح ولا عدم توفر القطع

بعضهم يقول مد لحافك على قدر رجليك واشتري مستعمل مشكله تطيح بمستعمل من ورشه لورشه ولاتضمن الغش ولا احد يحميك
اشتري سياره وكاله بس على قد فلوسك وش تشتري
اذا توسان فوق 80 الف ومكينه ضعيفه ولا اكستيرا لاشكل ولا مواصفات فوق 80 الكامري بنفس المبلغ
الصيني ماانتشر من فراغ من قلة الحيله رغم ردائته

الزبده
الوكالات تمص دم المواطن بدون خدمات تذكر وباسعار اغلى من دول الخليج الي رواتبهم
اعلى منا
اغلب الوكالات الغت نظام التقسيط وخلته تاجير منتهي بالتمليك خوفا على سياراتها مو على المواطن
التاجير المنتهي بالتمليك مبالغ اضافيه والاهم انه حرام
التامين الشامل يفكك من غشامة الناس والناس الغير مامنه الزامي لكن حرام

ياتمشي على رجولك ياتركب سيكل

الي يقول الي بيفكر كذا ماعمره يشتري سياره صدقني كل واحد تعب بفلوسه بيفكر كذا ماجاب فلوسه الا من بعد تعب وحرمان من رفاهيات

ترا نسقت الموضوع اكثر من مره بس اذا طلع معفوس لاحول ولاقوة

وشكرا

إبلاغ

الردود